Nappiigak 24:22 - Ala Wone Peenok Peebi Mbanak

²² Yoge mbareegi, at Pelikit nogo nen ineenik logorak tu mugurok noorak wone yogwe nogo, liirogon eenu wonage me, “Peebi it yigin unde apit aago inowe at Litiyat nogo wage kenok, awone an amburu mbanigin me, mbaganinip o.”

Nappiigak 24:22 ပူးပေါင်းရင်းမြစ်များ

Matiyut 2:7

Yogo mbareegwa, at Keroret nogo nen it aap wone mbiningga mbawok aret wiiragagerak wogo mbareegwa, yorage logonet, “Mandenom laaluguragan tena'me agaarak kogotak? Liirogon yo'ninip o,” yinuk, kin wogiige nagagerik,

Nappiigak 18:20

Yorage mbareegi, “Ninom yime ambinom logowok o,” yoreegwaarak kwe, “Lek o,” yorage nagagerik,

Nappiigak 19:40

Wone yogondak abo wa'nagaarak yogwe yi, nonggop nduk noone-koone yogo logonet, maluk eekotak o? yo'nirogwe iinok, alom lek kagak, wologwe yi, wogoren wogoorak me, nit onggo ngge yoroobok ariyak me,

Nappiigak 24:10

Yogo mbareegwa, it inowe gubernur nogo eenggi titik paga, “Kat yu o,” yoge mbareegi, at Pawulut nogo yoge logonet, “Nit aakumi Yakuri mendek abok aret kat nen ninawone amburu mbangge keegak, tahun mande negen agaarak an neenu me, nagabiti lek logonet, an noba lenggenggaarak wone nogo paganogo yokkiri o.”

Nappiigak 24:14

Ala wone yugu liiru mbanak inom, aap Ala nen yorage kagak yorogo nogogwaarak liiru mbaneegwaarak wone nogo inom, abok aret abet mbake minggirak me, it nen, Aakumi ineenik logorak tu mugurok nogwe ti, wone alik aret o, yinuk, yogwe kwe, an wone ti ndak-ndak aret mugurok nage logonet, ninombomini inogoba Ala alut eeke minggirak, ti abet aret paganogo yokkege agarik o, nogoba.

Nappiigak 24:24

Nogo mande negen yippunuk wonageme at Pelikit akweeluk Ndurutila kwe Yakuri mendek nogo imbirak wogogwaarak. Wogo nogogwaarik, Pawulut woraawak nduk ayonggo pege mbareegi, wage nagagerik, Keritut Yetut abet mbakwi wone ari inaruk koneneegwaarak.

Nappiigak 25:26

Togop aret koonogo pigirak kwe, at eekerak ambi an liiru mbanogo nogoba Kayitat ake nappuurak lek aret me, at eekerak ambi abu liirogon yogwi kiinok nen perak, liiru Kayitat ake mbanogo nappuurak nduk, at eebe wonok kit abok kinowagam wagi o. Wone alom liirogon ti, kat ninogoba Agiripa nen kwaa'nok nduk kowagam wonok wagi o.

Nappiigak 26:3

Nit Yakuri eeko monggoorak inom, wone ngge mendek yilumbunuk wako monggoorak inom, kat abu keenu me, agan nage neegak, Keebi, nombarugun o, nogoba.

Nappiigak 9:2

yoge logonet, “Nogoba wae. O kota Ndamitik it Yakuri tamban eeko menggam unde lombok nen inigen kaawak nduk, kat nen it kumi aap ineenik logorak at aru mugurok nogwe iyo, pigogo keele maageren Yerutalem woraakit nduk, liiru mbanniru o.”

Pelaareegerak 19:18

it aap wone owak loongga nogo nen wone nogo alom liirogon kwaaremenggaarak kwe, at aap, An nenegen kagarak o, yemenggerak nogo nen at ore maluk eeppikit nduk, pilit obaga pemenggerak kin age kenok,