Nappiigak 24:14 - Ala Wone Peenok Peebi Mbanak

¹⁴ Ala wone yugu liiru mbanak inom, aap Ala nen yorage kagak yorogo nogogwaarak liiru mbaneegwaarak wone nogo inom, abok aret abet mbake minggirak me, it nen, Aakumi ineenik logorak tu mugurok nogwe ti, wone alik aret o, yinuk, yogwe kwe, an wone ti ndak-ndak aret mugurok nage logonet, ninombomini inogoba Ala alut eeke minggirak, ti abet aret paganogo yokkege agarik o, nogoba.

Nappiigak 24:14 ပူးပေါင်းရင်းမြစ်များ

1 Mbinineegwaarak 29:18

Ninombomini Abarakam, Itak, Iterali, inogoba Kaliku ALA wae. It kapuri iniki nen kake pi woroorak uugwe mbakaarak nogo, mondok-mondok uugwe mbakwi, ndi, Ninogoba Ala kat mban mondok-mondok mukkeren noorak koonggwi, eeko logowak nduk, eeppiige,

Ndawi 119:46

Koone aberak logorak yugu nogo, It aap inendagembogut inenggaanom paga Nenggali lek logonet yorage, Eeke logogin o.

Wundeegwaarak 3:15

Yoge nagagerik, Ala nen Muta ambinom yoge logonet, “Kinogobamini Abarakam inom, Itak inom, Yakup inom, Naliku inogoba Ala nen aret muk kinowagam nappani wagaarak, it aakumi Iterali yoraanu o. An nendage, AN ARET, yokkigirak ti, lek arigin lek mondok-mondok aret logogin me, yi aakumi ndi aakumi nda'narit wundi wogo logonet, nendage ti aret yogo logogun o.

Amot 8:14

Inagugi inenggali aga Tamariya mendek endage kumbunuk yogwe, It Ndan mendek inagugi eenik menggerak yi wae, yogwe, It Mberetiyeba mendek inagugi eenik menggerak yi wae, yinuk, yogwe, Eeko logomenggaarak nogo It kunduk an noone abu nen kwaarit nogo logonet, koya-koya nggween paga ngginnarit namenggaarak me, Pilak togon mi'narugun lek aret o,” yinuk, Aliku Itok Menggerak ALA nen aret yegerak me, yokkiragi o.

Mika 4:2

Aakumi inanebunu lombok apit aret wogo logomenggaarik, yogo logonet, “Eeko logorak wone yugu nogo o Tiyon nen wundi wage, Aliku ALA ari menggerak nogo o Yerutalem nen wundi wage, Eeke me, Aliku ALA eerit nage menggerak nogo, nit ndak-ndak eerit nogo logorak mamunninake logowak nduk, Nit Aliku ALA abuut paga lagi nogwe, Yakup ogoba Ala awi wurik me unggwi nogwe, Eeriyak me, lagi nawok o,” yinuk, yogo logogun o.

Matiyut 10:32

“Kit nen aakumi inenggaanom paga, Yetut ti, ninowe aret o, yinuk, paganggwi kiinok, an kunduk, nogoba mbogut paga mendek enggaanom paga, It aap yi, an nawuri aret o, yinuk, paganigin kwe,

Matiyut 22:40

Ala nen, Yogop ee'nu, ndogop ee'nu, yereegerak liiru mbanak wone inom, ndi, it aap Ala nen yorage kagak yorogo nogogwaarak wone inom, ti wone alom mbere yagarak ti paga mban panggonak wonage o,” yinuk, yoragagerak.

Matiyut 7:12

Kit nen, Ndogop eeppinanuwak lak ao, mbako monggotak nogo ndak-ndak aret eeppiigo logonip o. Ala wone yugu Muta nen liiru mbaneegerak inom, it Ala nen yorage kagak yoraga inoone yugu inom, eebe ti aret me, eeko logonip o,” yinuk, yoragagerak.

Lukat 1:70

Ti eereegerak nogo maan aa'nduk it aap at ake leenak Ala nen yorage kagak yoraga nogo nen aakumi yorogo logonet, It ninom wim mbanak ineenggi me nen ndinogo ninagap ndake,

Lukat 16:16

Aap Yaya waga'lek kagak, Ala wone yugu liiru mbanak nogo inom, it aap Ala nen yorage kagak yorogo nogogwaarak inoone nogo inom, eerit nogo nogogwaarak. Ndi, aap Yaya wagagerak kuli paga perak, Ala abu'me piyoorak wone obeelom wone yoranet nugwi me, it aap abok aret lin wako logonet, Ala abu'me piige menggim unggwi wogo agaarik.

Lukat 16:29

Yoge mbareegi, Abarakam nen at yoge logonet, Muta yoreegerak wone inom, Ala nen yorage kagak yoraga inoone inom, yorogwe nogo aret konenggo logowak o.

Lukat 24:27

Keritut wage kenok, “Togop eerigin o,” yinuk, wone Muta liiru mbaneegerak nogo kuli nen it aap Ala yorage kagak yoraga nen yorogo nogogwaarak liiru mbaneegwaarak nogo abok aret amburu mbaniragagerak.

Lukat 24:44

Nengge nagagerik, yorage logonet, “Ninom logonet, an eeriyak wone nogo aap Muta nen Ala wone yugu liiru mbangge logonet, mbaneegerak nogo inom, it aap Ala yorage kagak yorogo nogogwaarak liiru mbaneegwaarak inom, mbuku Ndawi paga liiru mbanak nogo inom, abok aret a'me lik yigin o, yinuk, yokkirage nagarak nogo yi aret eeppanggaarak o.”

Yaya 1:45

“Nimbirak nawok nduk, mok o,” Piliput nogo yoge mbareegi, Piliput nen aap Natanayen kwaakkage nagagerik, yoge logonet, “Natanayen wae! At ambi woraagin o, yinuk, Muta nen Ala wone yugu liiru mbangge, ndi, it aap Ala nen yorage kagak yoraga nen kunduk, liiru mbanggwi, eereegwaarak eebe nogo ti, Yutup aput Yetut awi Nataret mendek aret me, muk wagaarak ninigen kogoorak o.”

Nappiigak 10:43

Ala nen yorage kagak yoraga nogo abok aret at abok mban paganggo logonet, Kiniki at oba panggombunuk abet mbakwi kiinok, at Yetut eeremenggerak paga kinomaluk lek eerogo pinagagin o, yinuk, yorogo nogogwaarak o,” yoragagerak.

Nappiigak 13:15

Kwi'nogogwaarak wonogwe me, it tamban eeko menggam arum menggaarak nogo nen Ala yereegerak Muta nen liiru mbaneegerak wone inom, Ala nen yorage kagak yorogo nogogwaarak wone liiru mbanak inom, pekkagak yorogo nogogwaarik, “Nit niniki eyak wappinaniyak wone ambi wonage kero yo'niraawak nduk, ninoreewi ti, kin wogiyet o,” yinuk,

Nappiigak 15:5

Mbininogo yorogogwaarak kwe, it Pariti mendek wone abet mbareegwaarak ando nogo nen mi'nogo nogogwaarik, “Lek o. It endekem mendek kunduk, inagabolo mbanogo punuk, Ala wone yugu Muta liiru mbaneegerak nogo eeko logowak nduk yoroorak aret o,” yinuk, yorogogwaarak.

Nappiigak 19:23

Nogo ti eyom aret ineenik logorak tu nogo paga wone waruwok nduk abo pilaneegwaarak.

Nappiigak 19:9

Yorage nagagerak kwe, it ando inogogumbuk a'nuk, “Abet mbariyak nineebi o,” mba'nuk, nggwok paga ineenik logorak tu nogo, miyuk-meya eerogo pogo mbareegwa, at Pawulut nen it lambembiinok, at oone waganeegwaarak nogo mban wogoren, aap Tiranut tekola awi wureegim time unggwi nage nagagerik, ko'lu-kii'me inom wone yorage, it nen kin wokkogwe, eeko nogogwaarak.

Nappiigak 22:14

Kage mbareegi, at nen yo'nege logonet, Ninombomini inogoba Ala iniki mbake menggerak keenu age, at Iniki Abe Koonak nogo kenegen kage, ndi, at oone ari nogo karuk konengge, eeke logonok nduk leenogo pagagerak o.

Nappiigak 24:22

Yoge mbareegi, at Pelikit nogo nen ineenik logorak tu mugurok noorak wone yogwe nogo, liirogon eenu wonage me, “Peebi it yigin unde apit aago inowe at Litiyat nogo wage kenok, awone an amburu mbanigin me, mbaganinip o.”

Nappiigak 24:5

Ari nagagerik, “Aap yi, aakumi ale-pale eeginabit nage logonet, it Yakuri yi awi ndi awi abok inikime manabit nege at aret kogoorak o. Aap Nataret mendek oone waganggo menggaarak inowe at aret o. Ndi, at Ala awi wurik me maluk eerogo pikit nduk eeke me pigaganggoorak o.

Nappiigak 25:8

Oba lenggenggo mbareegwa, at Pawulut nogo nen aana'le mbanggolage logonet, “Lek o, noreewi. Ala wone yugu liiru mbanak it Yakuri eeko menggaarak nogo tagangge, Ala awi wurik me maluk eerogo pege, ndi, ninogoba Kayitat endage meek eerogo pege, eekerak o, yo'nugwi yi, an ambiriluk ambi abu eerulik aret o,” yinuk, yoragagerak.

Nappiigak 26:22

o aa'nduk nen nok, yogondak kuli, Ala nen yeenggwaanege kagak neenik logonet, it aap inendage warak inom, inendage lek inom, yorage agarik o. Yorage minggirak ti, wone alik mendek yorageelik o. Ata, aap Ala nen yorage kagak yoraga nogo inom, at Muta inom, nen, Togop eerigin o, yinuk, abok yorogo nogogwaarak wone nogo aret paganogo yorage minggirak o.

Nappiigak 26:27

Nogoba Agiripa o. Aap Ala yorage kagak yoraga nen yorogo nogogwaarak wone nogo, kat abet mbake menggendak ilik, lek a? Abet mbake menggendak an neenu aret o.”

Nappiigak 26:4

O maan wulaga mbuuluk nawi alom paga logonet, eerit nage, ti'nuk, o Yerutalem logonet eeke, eeke nagagirak nogo, it Yakuri mendek abok ineenu aret o.

Nappiigak 26:6

Ndi, yogondak Ala nen ninombomini abok yoragagerak nogo wone niniki lunik minggirak ti paga wo'niren nawone loonuwok nduk, pani wagaarak iigi o.

Nappiigak 28:22

kit wone yugu mugurok nogo monggotak ti paga aakumi yi awi ndi awi nen abok aret ineebi kinombako menggaarak nineenu me, kat kiniki nonggop mba'nuk ari menggendak nogo, ari keyaawok nduk wogo o,” yinuk, yoreegwaarak.

Nappiigak 28:23

Ndi, “Ne ndi paga ambinom yo'niraawak o,” yinuk, koonogo pereegwaarak nogo eyom ari wage mbareegi, at Pawulut wonage me ineebe ambik aret kuwak ari wogo mbareegwa, Pawulut nogo o kuubondendok nen Ala abu'me piyoorak wone nogo amburu liirogon mbanogo yorage, ndi, Yetut eereegerak wone nogo liirogon ineenu aruwak nduk, Muta liiru mbaneegerak wone inom, it aap Ala yorage kagak yoraga nen yorogo nogogwaarak wone inom, mbininogo yorage, eeke tit kagak, o kiyoma aret agagerak.

Nappiigak 3:13

Ninombomini Abarakam inom, Itak inom, Yakup inom, inogoba Ala ayeloman Yetut nogo, at Pilatut nen teppuurak mbake kagak, kit nen, At yi, nineebi o, yinuk, waruwak nduk, wogorogotak kwe, Ala nen muk tiyappegerak o.

Nappiigak 5:30

Yetut eyo paga nabenogo wakotak nogo ninombomini inogoba Ala nen kanggo menggam nen eenik agago mippegerak o.

Nappiigak 7:32

Kat kombomini Abarakam inom, Itak inom, Yakup inom, inogoba Ala nogo an aret o, yoge at Muta nogo aruk konengge nagagerik, agabiti nen aganak nuk ari logonet, enegen pekkoorak agabiti nen puk agagerak.

Nappiigak 9:2

yoge logonet, “Nogoba wae. O kota Ndamitik it Yakuri tamban eeko menggam unde lombok nen inigen kaawak nduk, kat nen it kumi aap ineenik logorak at aru mugurok nogwe iyo, pigogo keele maageren Yerutalem woraakit nduk, liiru mbanniru o.”

Oroma 1:9

An tamban eeke logonet, kinoba mari ageelik kulinik-kalinik kinake tamban eeke minggirak ti, Ala eenu aret o. Niniki-neebe apit nggaruk togon Ala wogo'nuk mugurok nage logonet, obeelom wone at aput eereegerak wone nogo yoranet nage minggirak.

Oroma 3:21

Ndi, yogondak perak, Ala nen aakumi obeelom agago piige ti, Ala nen lengganogo Muta yoge, ndi, it maan Ala wone yoraga nen yorogwe, eeko nogogwaarak liiru mbanak nogo ndak-ndak kin agagerak me, Muta wone lengganak nogo eekwi paga obeelom eerogo piyoorak lek o.

1 Korindut 11:19

Kit wone-wone yogo logonetak lek en, taani nen wone liippunuk agan nugwi nogo, alom kin a'netak lek kwe, wone-wone yogo monggotak nogo paga alom kenom aga o.

Nggalatiya 5:20

kugiwak amili kunggwi, magagirak paga aakumi inookwi, iniki ogoorik-ogoorak wonogwe, wone wakwi, nuwa-kuwa yogwe, inanini mbet-mbet wungge, an eeke mban op mbakwi, an iya kat iya yogwe, iniki nen koombunuk pilit pugunogo agan nugwi,

2 Timotiyut 1:3

An ko'lu-kii'me tamban eeke minggirak me, eeke logonet, kat koba aberak wonage me, “Nogoba Ala wa,” yinuk, yoge minggirak. An nombomini maluk abeka'lek logonet iniki abe paga Ala ake eeko nogogwaarak nogo kokwak, an ndak-ndak aret eeke minggirak o.

Titut 3:10

Aap aakumi iniki nomoninaka nogo nen abe wone mbo punuk, maluk mban eerit nage paga maluk onggo oba kwippatiyak kagak, eerit nage keenu me, ne mbere paga aruk wappunuk, mbo puurak aret o.

Wayu 19:10

Yo'nege mbaki, abu'me tebe yinuk, alut eerikit nduk eeke me, at nen yo'nege logonet, “Togop eeriyak mage o. At Yetut wage nagagerik, Ala ndogop menggerak o, yinuk, paganogo yoragagerak wone koreewi waganggo nogogwaarik, porogo wonogwe nogo inom, kat inom, an kit pogom Ala ayeloman aret me, Ala abu'me tebe yinuk, at mban alut eeke logot o. At Yetut nen paganogo yorage nagagerak wone nogo ti, nit abok Aberiniki nen yo'nirage kagak yorogo monggoorak me nduk, yokkigi o,” yinuk, yo'nege kagarak.