Nappiigak 23:9 - Ala Wone Peenok Peebi Mbanak

⁹ Ogooppunuk, inoone yimbu-lambu yogo nogogwaarik, it Pariti mendek liiru mbanak unde ando nogo nen, mi'na'nuk yorogo logonet, “At yi, maluk ambiriluk ambi eerulik aret kogo o. Aakumi inogoma ambi nen yogerak paga ari agaarik ilik, malayikat ambi nen yogerak paga ari agaarik a?” yinuk, awone nggwok wareegwaarak.

Nappiigak 23:9 ပူးပေါင်းရင်းမြစ်များ

Kini Wuppiige 16:7

Aap ambi eerit nage nogo Aliku ALA inikilom mbake kenok, Aap ti, awim kunduk at imbirak lambunik obeelom logowak nduk eeppege menggerak.

Yeremiya 26:16

Yorage mbareegi, it aap inoweewi inengga warak inom, it aakumi kuwak aago abok aret inom, nen it aap Ala unde kunduk, Ala nen yorage kagak yoraga kunduk, yorogo logonet, “Wologwe wae. Aap yi, Aliku ninogoba Ala yegerak kenok, yo'niragaarak me, eebe wariyak mondok mage o,” yinuk, yereegwaarak.

Marakut 2:16

it aap Pariti mendek Ala liiru mbanak unde ando nogo nen it maluk eeka inom, it o unde inake wu kuwak eeka inom, Yetut inom aret mbi nunggwi inigen iigo nogogwaarik, at oone waganggwi nogo yorogo logonet, “It o unde inake wu kuwak eeka inom, it maluk eeka inom, nonggop nduk at Yetut inom lambunik logonet, mbi nengge agaarik o?” yorogogwaarak.

Lukat 23:22

Yogo mbareegwa, at Pilatut nen ne mbere yoragagerak me, ambinom yorage logonet, “Nonggop nduk? At maluk ngge eekerak paga yogop o? Maluk eekaatak kenok mban inooko menggaarak kwe, maluk eebe ngge eekerak kenok, Wariyak, yogo ogotik? At maluk eekerak ambi, an koolik me, we iniki koonnaruwak nduk yawi mban warogo teppigin o.”

Lukat 23:4

Yoge mbareegi, at Pilatut nen it aap Ala unde inoweewi inom, aakumi apit kuwak aago nogo inom, yorage logonet, “Aap yi, maluk eekerak paga wariyak kwe, at eekerak ambi an abu koolik o.”

Lukat 5:30

it aap Pariti inom, aap Pariti mendek Ala wone liiru mbanak unde inom, nen Yetut oone waganggwi mendek ineebi-ineeba inomba'nuk, yorogo logonet, “Kit nonggop nduk, it aap o unde inake wu kuwak eeka inom, it aap maluk eeka inom, kinom mbi nonggo ogotik o?”

Yaya 12:29

Yinuk, it aakumi ambik taati wonogogwaarak nogo mbogut paga nen oone ari konenggo nogogwaarik, “Ie! Ti o ngguurubu ari o,” yogwe, ndi, it ando nen, “Lek o. Malayikat nen wone ambi at yoge o,” yogwe, eereegwaarak.

Nappiigak 11:17

Togop me, niniki ninogoba Yetut Keritut oba panggombunuk abet mbako mbareegu, Aberiniki we aret wo'niragagi kwak, it nogo wogoragaarak me, Ala nen eeriyak koonggerak nogo, an nonggop togon non mbanogo puurak mbakop? Meek me, puk agarak o,” yinuk, Peterut nen inagabolo mbanak mendek yoragagerak.

Nappiigak 22:6

Yorage nagagerak ambinom yorage logonet, “O Ndamitik panggo yi nage mbareegi, o liingge aberak lek me, mbogut paga nen abinak kwindagala agago noba wuppi wage mbareegi,

Nappiigak 22:7

an nggween paga nete wanduk ngginnagagirak wonage me, oone ari logonet, Tawulut wae. Tawulut wae. Kat nonggop nduk keebi-keeba agago noorit nage menggendak o? yinuk, ari naruk koneneegirak.

Nappiigak 23:29

Inowagam nage mbaki, it nen yogo logonet, At nogo it Yakuri wone yugu liiru mbanak yogop-ndogop eeriyak wone taganggerak o, yinuk, yogwe iigirak kwe, Mondok wariyak o. Keele maarogo mambiigo menggam mambuurak o, yagaarak ti, alom lek kagak aret yagaarak kagarak o,

Nappiigak 23:8

It (Taruki mendek nogo nen, “Aakumi kambunuk ineenik agago mi'narugun lek o. Malayikat inom, aakumi inogoma inom, ti kunduk wonogwe mondok lek aret o,” yogwe kwe, it Pariti mendek nen perak, “Ti abok aret wonogwe,” yogo logonet, inom ogookkologogwaarak.)

Nappiigak 25:25

Wa'nip o, yo'negaarak kwe, maluk eekwi iinok, inooko menggaarak ti mendek ndak-ndak ambi eerulik kagarak kwe, at nogo nen, Aap endagembogut Kayitat nen aret an nawone mbanuwak o, yo'nege mbaki, o Oroma time at Kayitat wonage me nappuurak koonogo pigirak o.

Nappiigak 26:31

wundi nogo nogogwaarik, “Maluk eekwi iinok, o keele maarogo mambiigo menggam mambiigwi, inookwi, eeko menggaarak mendek at togop ambi eerulik kogo o,” yinuk, ambi yogak eeko nogogwaarik,

Nappiigak 27:23

An Ala aput me, abu'me logonet, at obaalombok eeke minggirak nogo nen yonggo nappiya wage menggerak malayikat ambi kii'me oonikiya neya wage nagaarik, yo'nege logonet,

Nappiigak 5:39

Ndi, Ala mbake menggerak eeko menggaarak kenok perak, it inoone taganiyak meek me, Ala nen, An ninom ogoorak logonet eekwi, kinombake kero, teppiyaanip o, yinuk, yokkiragi o,” yoragagerak.

Nappiigak 9:4

Wuppi wage mbareegi, at Tawulut nogo nggween paga enete wanduk ngginnagagerak kagak, oone ambi at yoge logonet, “Tawulut wae. Tawulut wae. Kat nonggop nduk keebi-keeba agago noorit nage menggendak o?” Yoge aruk konembege nagagerik,

1 Korindut 10:22

Nit ninowe anini eeppuurak op mbakop? Nit ninomaawi ambik, ndi, at omaawi lek mbakop? Lek aret o.

1 Tamuwen 12:5

Yogo mbareegwa, at Tamuwen nen yorage logonet, “Kat maluk ambi eeppinanege logulik o, yinuk, at Aliku ALA enggaanom paga inom, aap leenogo amburu kilippogotak enggaanom paga inom, yo'nogotak ineenu me, it imbirak nen kinenggali wappinagago logonet yokkirogo logogun o.” Yorage mbareegi, it nen yogo logonet, “E o. Yogoorak nogo at Aliku ALA nen liippinanegerak me, at nen mban yo'nirage logowak o,” yinuk, yoreegwaarak.

1 Tamuwen 24:17

Le ari nagagerik, Tawun nen Ndawut yoge logonet, “Kat nen abu obeelom mban eeppangge keegak, an yi, maluk lombok aret eekkabit nege me, kat abu obeelom aret keegak, an perak, maluk aret kagi o.