Nappiigak 22:7 - Ala Wone Peenok Peebi Mbanak

⁷ an nggween paga nete wanduk ngginnagagirak wonage me, oone ari logonet, Tawulut wae. Tawulut wae. Kat nonggop nduk keebi-keeba agago noorit nage menggendak o? yinuk, ari naruk koneneegirak.

Nappiigak 22:7 ပူးပေါင်းရင်းမြစ်များ

Wakkagagerak 16:8

yoge logonet, “Tarayi ayeloman kwe Agat yi, wae. Kat ngga nen wagandak o? Ndi, nggeeme naakit nduk nage agandik?” Yoge mbareegi, at Agat nen ari logonet, “Lek o. Nagalo Tarayi nimbirak wonagarak kwe, mbo punuk kole nage agarik o.”

Wakkagagerak 22:1

Ti'nuk, ne ambi paga at Ala nen Abarakam iniki abut mbanikit nduk, yoge logonet, “Abarakam wae,” yoge mbareegi, at Abarakam nen, “Yu o, nogoba.”

Wakkagagerak 22:11

at Aliku ALA yonggo malayikat mbogut paga nen oone ari logonet, “Abarakam wae. Abarakam wae,” Yoge mbareegi, at Abarakam nen, “Yu o, nogoba,”

Wakkagagerak 3:9

Time kiraarak wonogwe me, at Aliku Ala nen aap nogo yoge logonet, “Kat ngga agandik o?”

Wundeegwaarak 3:4

At Muta nogo enegen pekkaakit nduk panggo yi nage nogo Aliku ALA kage nagagerik, eyo ku'mbanak enggela'me nen oone yoge logonet, “Muta, Muta.” Yoge mbareegi, Muta nen, “An yime wonage me, yo'niru o.”

Yeremiya 2:5

At Aliku ALA nen yegerak nogo yi aret. “It inombomini nogo maluk ngge eeppiige neenok, an mbo paninuk ineebe abu nda ogogwaarak? Kugi abe lek aanom warogo kagak mugurok nogwe, Mugurok nogwe iinok, meek eerogo pakwi, Eereegwaarak.

Yeremiya 2:9

Togop me, it eekwi ti, inawone ambinom mbangge logonet, yorage agarik o. Ndi, inombowologwe peebi nda'nariyak kunduk, inawone mbanogo pigin o,” yinuk, Aliku ALA nen yegerak me yokkiragi o.

Matiyut 25:45

Yo'nogo mbaremengga, an nen it yorage logonet, Lek o. Kit nen it aap maluk-malak mendek yi, togop eeginaka'lek wonogogutak nogo ti, an aret ee'naka'lek wonogogutak o, yinuk,

Matiyut 27:23

Yogo mbareegwa, at nen, “At maluk ngge eekerak paga yogop o?” yoragagerak kwe, “Lek o. Eyo karo-karo paga nabenogo puurak aret,” yinuk, abunuk inoone nggwok paga ya-mba yogogwaarak.

Nappiigak 22:6

Yorage nagagerak ambinom yorage logonet, “O Ndamitik panggo yi nage mbareegi, o liingge aberak lek me, mbogut paga nen abinak kwindagala agago noba wuppi wage mbareegi,

Nappiigak 22:8

Naruk konengge nagagirik, Ai, nogoba. Kat ta o? Yoge mbareegi, Lek o. Kat keebi-keeba agago nooke menggendak Yetut Nataret mendek an aret o, yinuk, yo'nereegerak.

Nappiigak 9:4

Wuppi wage mbareegi, at Tawulut nogo nggween paga enete wanduk ngginnagagerak kagak, oone ambi at yoge logonet, “Tawulut wae. Tawulut wae. Kat nonggop nduk keebi-keeba agago noorit nage menggendak o?” Yoge aruk konembege nagagerik,

1 Timotiyut 1:13

An aa'nduk noone maluk at yoge, nanini wulo logonet, at oone waganggwi mendek inoorit nage, at miyuk-meya eerogo pege, eeke nagagirak kwe, abet mbaka'lek ugun neenggo'lek logonet, eeke nagagirak me, Ala nabuwa mba'nuk, teppaneegerak o.

1 Tamuwen 3:10

Nogo yege me, at Aliku ALA time aret mi'nari wage nagagerik, yoge nogo ambinom yoge logonet, “Tamuwen wae! Tamuwen wae!” Yoge mbareegi, at Tamuwen nen, “An kayeloman konengge me, yo'niru o.”