Nappiigak 22:6 - Ala Wone Peenok Peebi Mbanak

⁶ Yorage nagagerak ambinom yorage logonet, “O Ndamitik panggo yi nage mbareegi, o liingge aberak lek me, mbogut paga nen abinak kwindagala agago noba wuppi wage mbareegi,

Nappiigak 22:6 ပူးပေါင်းရင်းမြစ်များ

Wakkagagerak 14:15

Panggo yi nogo nogogwaarik, aap aago nogogwaarak nogo Abaram nen inawuri lombok agago piinok, oonikiya paga wim inoba kwi'nari unggwogo nogogwaarik, nappiigak-wappiigak eeginabit o Ndamitik ambo'me o omarip paga pa'nggwe o Koba kuli aret piya nogo logonet,

Wakkagagerak 15:2

Yoge mbareegi, at Abaram nen, “Nogoba o. Kaliku Kitok Menggendak kat ALA aret kwe, elege ambi wo'nega'lek kagak, kambuurak kenok, neyate ti, aap Eliyetet awi Ndamitik mendek aret kolaagin me, kat nen ambi nano eeppanumunggun o?” Ari nagagerik, ambinom yoge logonet, “Napuluk wo'nega'lek me, an nayeloman nimbirak minggirak nogo aret neyate kolaagin kagi o.”

2 Tamuwen 8:6

Inoorogo piinok, at Ndawut awuri ineegin warak nogo, it aakumi Aram mendek tebembiinok logowak nduk, inawi kota Ndamitik nogome piya nagagerak. Piya nage mbareegi, it Aram mendek nogo, Ndawut abu'me tebenak logonet, inarum wonage onggo wogori wogo nogogwaarak. Ndi, at Ndawut nogo, yi o ndi o wim eerit nege kagak, Aliku ALA nen Ndawut eegin tiyappege nagagerak.

Yetaya 24:23

At Omaawi Lombok Menggerak Aliku ALA o kota Yerutalem puut Tiyon logonet, Endagembogut a'nuk wone lengganogo yorage, Aakumi at apuri inoweewi nen at abinak kwindagala aago logonet eerit nage inigen kaawak nduk eeke, Eeke kenok, Tut nogo nen, “Nabinak mbuuluk me nagabiti o,” ari, Ndi, mo nen, “An nenggali aga o,” yinuk, ari, Eerugun o.

Matiyut 17:2

inenggaanom paga at eebe alik negen age logonet, enete oonegen pogom pindanggage, ndi, ayum o eya pogom laambu lombok age, eeke kagak,

Nappiigak 22:7

an nggween paga nete wanduk ngginnagagirak wonage me, oone ari logonet, Tawulut wae. Tawulut wae. Kat nonggop nduk keebi-keeba agago noorit nage menggendak o? yinuk, ari naruk koneneegirak.

Nappiigak 23:9

Ogooppunuk, inoone yimbu-lambu yogo nogogwaarik, it Pariti mendek liiru mbanak unde ando nogo nen, mi'na'nuk yorogo logonet, “At yi, maluk ambiriluk ambi eerulik aret kogo o. Aakumi inogoma ambi nen yogerak paga ari agaarik ilik, malayikat ambi nen yogerak paga ari agaarik a?” yinuk, awone nggwok wareegwaarak.

1 Korindut 15:8

Ti eeke nagagerik, an nogo, elege nda'nariyak eyom awo kagak aberak lek me, nda'nogo mengga kwak, an togop aret aberak lek me, nenegen kaakit nduk, age yobok togon an aret ni'neyareegerak.

Wayu 1:16

at eenggi abe'nggan paga laaluguragan 7 porogo wonage, mbuti togowa ngget peenok-peenok maarak ambeme titik aago wonage, ndi, oonegen ndelenak-welenak eeke nogo pogom, at etenggen togop aago wonage, eeke kagarak o.