Nappiigak 22:5 - Ala Wone Peenok Peebi Mbanak

⁵ An eeke nagagirak ti, aap Ala unde ninowe nggwok inom, ninogobamini wone amburu mbanggo menggaarak inom, inigen neego nogogwaarak me, it nen aret yokkiraawak o. Ndi, it nogo nen inoreewi o Ndamitik wonogwe nogo inigen kaawak nduk, liiru mbanogo wo'nogo mbareegwa, wonok, it aap ineenik logorak tu mugurok nogwe nogo keele maarogo o Yerutalem yime inooriyak wogora woraakit nduk, muguren o Ndamitik nagagirak o,” yinuk, yoragagerak.

Nappiigak 22:5 ပူးပေါင်းရင်းမြစ်များ

Lukat 22:66

Ndi, o weege mbareegi, it Yakuri inawone amburu mbanggo menggaarak aap inanggok inom, aap Ala unde inoweewi inom, aap Ala wone liiru mbanak unde inom, kuwak eeppunuk, wonogwe me, Yetut awone amburu mbanuwak nduk, at eebe wonok it inowagam pi nogo mbareegwa, at yogo logonet,

Nappiigak 1:15

It time wonogwe iigak, ne ambi paga it aakumi abet mbareegwaarak nogo ineebe seratus dua puluh negen kuwak eereegwaarak inenggela'me Peterut nogo mi'nage nagagerik,

Nappiigak 13:26

Yorage nagagerik, “Noreewi o. Kit Abarakam ombowologwe kunduk, kit Yakuri lek kwe Ala kinagabiti mbako monggotak kunduk, kit ninom ninagap ndaruwak nduk, ninake wone yi aret nappi wagagerak o!

Nappiigak 2:29

Nowe-nawot o. Nit ninombo Ndawut eereegerak wone an paganogo yokkira o. At Ndawut nogo kangge mbareegi, ndoome mambereegwam nogome owak nenenak wonage kogo ogoorik o.

Nappiigak 22:1

“Noreewi, nogobamini o. Kit wone noba lenggenggotak nogo alom mbininogo yokkira o,” yinuk,

Nappiigak 23:1

At Pawulut nogo wonok, oolo mippi nage mbareegi, it wone amburu mbangga nogo enegen loorage logonet, “Noreewi o. An Ala abu'me logonet, o maan nen yogondak kuli an ambi eekirak paga niniki penggenneegak ee'naka'lek aret agarik o.”

Nappiigak 23:6

Yorage nagagerik, at Pawulut nogo nen it wone amburu mbangga ando ti, Taruki mendek inom, it ando ti, Pariti mendek inom, wonogwe yelok iige nagagerik, “Noreewi o. An aap Pariti mendek aret o. Ndi, nogobamini kunduk Pariti mendek mban aret. Nit kambunuk nineenik agago mi'nariyak wone ti, niniki lunik neenok, nawone amburu mbanuwok nduk wonogwe kiigi o,” yinuk, oone nggwok aret yoragagerak.

Nappiigak 26:10

o Yerutalem logonet, togop aret eeke nagagirak. Eeke logonet, it Ala unde ninoweewi nogo nen yo'nereegwaarak paga it Ala apuri alik leenak ineebe ambik aret keele maarogo mambiigo menggam piya nage, Ndi, Inooruwok ilik, lek a? yogwe iinok, an nen, Inooruwok aret o, yorage, eeke nagagirak.

Nappiigak 26:11

It Yakuri tamban eeko menggam lombok it abet mbakwi mbo puwak nduk, inoorit nage, ndi, At Yetut endage miyuk-meya eerogo pinip o, yinuk, noone omaawi paga yorage, eeke nagagirak. It abet mbakwi ti, Abu neebi lombok, inombake logonet, nanini wu agan nage kenok, aakumi inambik iname o nda lombok time aret inoorikit nduk, muguren-magaren lombok nege nagagirak o,” yinuk, yoragagerak.

Nappiigak 26:12

Yorage nagagerik, “Togop eerit nege me, ne ambi paga Ala unde inoweewi nen, Togop ee'nu o, yinuk, nappanugo mbareegwa, o Ndamitik tu paga nage logonet,

Nappiigak 28:17

Nogo kenagan yippunuk, at Pawulut nen it Yakuri inoweewi time mendek nogo inayonggo pereegerak kuwak ari wogo mbareegwa, yorage logonet, “Nowe-nawot o. An nowe-nawot inoone inom, ninombomini eeko nogogwaarak wandek eeko monggoorak inom, tagangge logolik aret kwe, o Yerutalem time nen neebe pigogo keele maa'nako nogogwaarik, it Oroma mendek nen nawone mbanuwak nduk, neebe wogorogogwaarak.

Nappiigak 28:21

Yorage mbareegi, it nogo nen, “Kat eereegindak wone ambi Yureya nen liiru mbanogo nappi wagaarak koolik o. Ndi, nit ninoreewi time nen wogo nagaarik, wone ambi yo'nirogwe, Pawulut maluk ndogop eekerak o, yinuk, yo'nira wogwe, eerulik mban kwe,

Nappiigak 3:17

Ai, noreewi. Kinoweewi kinom eekotak nogo ti, kobak logonet eekotak an neenu aret o.

Nappiigak 4:5

Nogo yippunuk, ko'lu it Yakuri inoweewi inom, inanggok inom, it Ala wone liiru mbanak unde inom, at Ala unde inowe nggwok Kanat inom, Kayapat inom, Yaya inom, Alekandet inom, Ala unde inowe nggwok nogo owe-awot ando inom, abok aret o Yerutalem kuwak eeppunuk,

Nappiigak 5:21

Yorage mbareegi, o kuubondendok Ala awi wurik me unggwogo nogogwaarik, malayikat nen wone yoragagerak ndak-ndak wone mamunirogogwaarak. Mamunirogwe me, it Ala unde inowe nggwok awuri inom nogo nen it Iterali inogobamini wone amburu mbanggo menggaarak mendek abok kuwak ari woraawak nduk, yonggo nappiyareegwaarak wogo mbareegwa, it nappiigak keele maarogo mambiigo menggam wonogwe nogo wogoren woraawak nduk, aap Ala awi wurik me arum waka nogo nappiyareegwaarak.

Nappiigak 9:14

Ndi, yogondak it kendage paga tamban eeko menggaarak mendek abok aret, Wogonabi na o, yinuk, Ala unde inoweewi yorage mbaki, E o, yogaarak me, wagaarak o.”

Nggalatiya 1:13

An it Yakuri inoone mugurok nage logonet, eerit nege nagagirak nogo, kit muk konenggo nogogutak o. Ala apuri kuwak eerit nogo menggaarak nogo, ambi teppiyoorak mbarulik abok aret lek eerogo piyaakit nduk, mondok tigiren-muguren nege nagagirak nogo kineenu o.

Pilipi 3:6

Wone ti nogo, niniki kundugu lombok logonet, Ala apuri kuwak eerit nogo menggaarak nogo piyak-payak eerogo inoorit nege nagagirak. Obeelom eekkolaawak nduk, Muta wone ndak-ndak eeko menggaarak nogo, an togon ndak-ndak aret eeke nagagirak me, aakumi ambi nen inoone noba panega'lek aret wonogogwaarak.

1 Timotiyut 4:14

Ala eyabu ambi eeke logonok nduk, it Ala apuri unde nogo nen kanobak tebenggo logonet, “Kat peebi togop eeke logomunggun o,” yinuk, nggwok paga aa'nduk unde eeppagareegwaarak nogo, kobak eerogo puurak ti mage o.