Nappiigak 22:25 - Ala Wone Peenok Peebi Mbanak

²⁵ Awuri yorage mbareegi, wonok nogo nogogwaarik, yawi waruwak nduk keele maako mbareegwa, it aap yigin unde inowe abu'me mendek nogo taati wonage me, Pawulut nen at yoge logonet, “Kit nen aap Oroma mendek ambi maluk eekerak liippega'lek logonet, yawi inooko logorak wone yugu ambi wonage ilik, lek a?”

Nappiigak 22:25 ပူးပေါင်းရင်းမြစ်များ

Matiyut 10:17

Aakumi nen it wone amburu mbanggo menggam pikkiren nogwe, Yakuri tamban eeko menggam nen ya'mbiran nggora eerogo kinookwi, eekkinabugun me, liippunuk, kiniki tum wako logomunggup o.

Matiyut 27:54

Ndi, at yigin unde inowe inom, it Yetut arum wonogogwaarak inom, nogo nen mi nuk ari, ndi, yi eekak ndi eekak eeke, eeke nogo inigen kogo nogogwaarik, inagabiti ambik age mbareegi, “At yi, Ala aput abet aret kogo o,” yinuk, yereegwaarak.

Matiyut 8:8

Yoge mbareegi, at aap yigin unde inowe nogo nen, “Ai, nogoba. An aap mbuuluk me, kat nen an name unggwi noorak meek o. Ata, koone mban yemenggendak keenok, nayeloman obeelom aret arigin o.

Nappiigak 10:1

Aap yigin unde ambi aago “Italiya mendek o,” yogo nogogwaarak inowe endage Koreneliyut nogo, o Kayitareya time aret wonagagerak.

Nappiigak 16:37

Yoragagerak kwe, at Pawulut nen it yigin unde yorage logonet, “Lek o. Nit Oroma mendek aret kwe, alom kwaaka'lek logonet, nggwok paga yawi ninooppunuk, keele maarogo mambiigo menggam mbo mambinanegaarak me, nit yogondak kote negen wumbinaniyak nduk yagaarak me, yogo ogotik ya? Lek o. It wogo logomenggaarik nen nit wumbinani woraawak o.”

Nappiigak 22:26

Yoge nogo aruk konembunuk, at owe owagam nage nagagerik, yoge logonet, “At aap ti, Oroma mendek me, kat nonggop eeppuurak nduk ari agandik?”

Nappiigak 23:17

Yoge mbareegi, at Pawulut nogo nen it yigin unde inowe abu'me mendek ambi, “Omok o,” yoreegerak wage mbareegi, yoge logonet, “At wulaga yi nen, kinowe wone ambi yoruwak nduk wagaarak me, wonok nak o.”

Nappiigak 23:27

Aap yi, it Yakuri mendek nen pippunuk, mondok waruwok nduk eekaarak mendek, An Oroma mendek o, ari naruk konembunuk, nawuri yigin unde ninom agap ndako nogoorik,

Nappiigak 25:16

Yo'nogo mbaka, an nen it yorage logonet, Nit Oroma mendek yi, at wone oba pegaatak nogo nen oba lenggenggetak nogo, Wone noba pegendak yo'niru o, yoga'lek kagak, nit ninalik nen inawone amburu mbanggulik me, eebe maluk eeppuwak nduk wogorolik o, yinuk, yorage mbaki,

Nappiigak 27:1

O Italiya wo'niren noorak nduk wone mbambunuk, at Pawulut inom, aap ando keele maarak inom, at Kayitat abu'me mendek yigin unde ambik aago inowe endage Yuliyut nogo nen wogoren nawak nduk, yoreegwaarak.

Nappiigak 27:3

nogo ambi yippunuk, ko'lu nen o Tiron ari nogogurak. Ari nogo nogogurik, at Yuliyut nogo nen Pawulut abuwa mbake logonet, “Koreewi yi mendek ndi mendek wokkiruwak nen pegiinet nage logomenggendik, woroorak op o,” yoreegerak.

Nappiigak 27:43

inowe nogo nen, “Pawulut enaani wonok naakit,” mbake logonet, “Inoorugup o,” yinuk, inaruk wappege nagagerik, “Kit ngguu'mo wakwi kineenu kenok, kinaa'nduk yi inikime time ku'mbo wura nanuk, ngguu'mo warit yi aa'nggi paga time wundi nanip o.