Nappiigak 21:40 - Ala Wone Peenok Peebi Mbanak

⁴⁰ Yoge mbareegi, it yigin unde inowe nogo nen, “E o. Yoret o,” yoge mbareegi, at Pawulut nda'nggi paga wogorogon lagangge nagagerik, eenggi paga, “Puk logonip o,” yorage nagagerik, inoone nggobok yogo mbareegwa, Iberani inoone paga yorage logonet,

Nappiigak 21:40 ပူးပေါင်းရင်းမြစ်များ

2 Endagembogut 9:13

Yorage mbareegi, at Yeku oreewi nogo mbet-mbet inayum nggoorogo tu unggwogo menggam at Yeku iyok me taati mbiganogo punuk, oone nggwok eeka trompet nogo oone pu eeko logonet, “Yeku nogo Iterali inowe endagembogut aga o,” yinuk, keekok yereegwaarak.

Lukat 23:38

Ndi, wone ambi, “Yakuri inowe endagembogut yi aret o,” yinuk, liiru mbanogo anobak irimbaga nabembereegwaarak.

Yaya 19:13

Yogwi nogo at Pilatut aruk konembunuk, Yetut wonok wungge nagagerik, wone inowak loonggo menggam endage, Yugum Ndoonak o, yogo nogogwam nogome aret kwi'nagagerak. (Yugum Ndoonak o, yogo nogogwam nogo ti, it Iberani inoone paga Nggabata aret.)

Yaya 19:17

Piganok nogwe iigak, Yetut nen at ageyo karo-karo lombok aago nogo ko'nok, puut ambi endage, Anobak Yelenak, nogo paga pati laganeegerak. (Puut ti, endage Iberani inoone paga, Nggonggota aret.)

Yaya 19:20

Yoragagerak liiru mbanogo eyo paga nabembogo mbareegwa, Yetut eyo paga nabenogo pereegwam nogome ti, kota Yerutalem koorok aret wonagagerak me, ndi, liiru mbanak nogo ti, Iberani inoone paga inom, Oroma inoone paga inom, Yunani inoone paga inom, liiru mbanak me, aakumi Yakuri mendek apit aret liiru mbanak nogo inigen pekkogogwaarak.

Yaya 5:2

O Yerutalem tu endage Ndomba Wogoret Unggwogo Menggam taati niyo ambi yenggenak wonagagerak. Niyo yenggenak ti, Iberani wone paga Mbetetera, yogo nogogwaarak. Niyo yenggenak nogo aa'nggi paga yengget-wangget o 5 wurik me tigitogon awe aago mban wonagagerak.

Nappiigak 1:19

Kilu-kilu wundeegerak yogwe nogo, it Yerutalem mendek abok inaruk koneneegwaarak me, nggween onggo pereegim endage it inoone paga ti, “Akendama aret,” yogo nogogwaarak. Ti nit ninoone paga, Amiya Wundeegim, aret o.)

Nappiigak 12:17

Pi wako mbareegwa, at nogo eenggi paga nen, “Puk logonip o,” yorage nagagerik, ogoba Ala nen keele maarogo mambiigo menggam nen wonok wundi wagaarak nogo mbininogo yoragagerak. Yorage nagagerik, “At Yakobut inom, ninoreewi ando inom, wone ti, yora nanip o,” yorage nagagerik, lambembiinok, o alik me nagagerak.

Nappiigak 13:16

yorage mbareegi, kin wogiigo mbareegwa, at Pawulut nogo mi'nage nagagerik, eenggi paga, “Puk logonip,” yoragagerak. Yorage nagagerik, “Kit aap Iterali mendek inom, kit Yakuri mendek lek kwe, Ala kinagabiti mbako monggotak inom, kinaruk logonip o, noreewi.

Nappiigak 19:33

it Yakuri nen aap endage Alekandet nogo waganogo panggok irit oolo pi unggwogogwaarak me, it aakumi ando nen, “At yo'niraawak o,” yogo mbareegwa, wone onggo liirogon yoraakit nduk eenggi paga, “Puk logonip o,” yoragagerak mendek,

Nappiigak 21:35

Yoragagerak wonok nda'nggi paga ari nogwe me, it aakumi ambik kuwak aago nogo waruwok nduk ninggi'nuk nggobok irit nogo mbareegwa, it yigin unde menggaarak nogo nen Pawulut eebe piyanogo kereewina mambi nawok nduk, wonok nogwe iigak,

Nappiigak 22:2

Iberani inoone paga yorage inaruk konembogo nogogwaarik, inoone abu nggobok yogo mbareegwa, at Pawulut nen yorage logonet,

Nappiigak 6:1

O ti eyom paga at oone woorak nduk ambi nabek unggwagak mban eeko logonet, it aap Yakuri mendek kwe, Yunani wone yogo menggaarak nogo nen, “Ko'lu-kii'me mbi tumburirogo logonet, nit ninagalomini kumi togwe nonggop nduk mbi wogoraga'lek mbo piigo ogotik?” yinuk, it Yakuri inaworak nogo inom neebi-keebi yogo nogogwaarak.

Wayu 16:16

Ndi, it kugi ogolem pogom nogo nen aap nggween paga inendagembogut abok aret o endage Iberani inoone paga Aramageron nogome aret kuwak eeppiya wogwe iigirak.

Wayu 9:11

Ndi, at malayikat Kambunuk Nogo Menggam mbuun ambeme unde menggerak nogo ti, it wurin inowe endagembogut inarum menggerak at aret o. At endage ti, aakumi Iberani inoone paga, “Abaron,” yogwe, ndi, Yunani inoone paga, “Apoliyon,” yogwe, eeko menggaarak. (Ndi, nit ninoone paga ti, “Pup Eerogo Piiga o,” yinuk, yogo monggoorak.)