Nappiigak 21:31 - Ala Wone Peenok Peebi Mbanak

³¹ Wumbi woraanuk, waruwok nduk eekwi iigak, “O kota Yerutalem abok naalop-kaalop eekwi o,” yinuk, at yigin unde apit aago inowe nogo yori nogo mbareegwa,

Nappiigak 21:31 ပူးပေါင်းရင်းမြစ်များ

1 Endagembogut 1:41

Ti yogwe nogo at Aroniya inom, it laago inom noorak nduk inayonggo pereegerak abok aret inom, laago lareegerak nogo awo nenok wonogwe me, aakumi keekok yogwe nogo inaruk koneneegwaarak. Ndi, at Yowap nogo nen oone nggwok eeka trompet oone pu eekwi aruk konengge nagagerik, it yorage logonet, “O kota paga aakumi keekok abu yogolik mendek yogwe ti, nonggop nduk yogwe o?”

Matiyut 26:5

“At ili yogo logonet, wat-wat yogwe iyo, laago lakwi paga pigoorak mage o,” yinuk, yereegwaarak.

Matiyut 27:27

Wogorage mbareegi, it gubernur awuri yigin unde nogo nen at Yetut wonok wone amburu mbanggo menggam unggwogo nogogwaarik, ineebe abok aret Yetut eebe ninggippunuk, wonogo logonet,

Marakut 14:2

“Aakumi wat-wat yogwe iyo, laago lakwi me nen pigoorak meek o,” yereegwaarak.

Yaya 16:2

It Yakuri tamban eeko menggam nen endekem wumbinagagun o. Ndi, it kinoorugun nogo nen, Nit Ala obaalombok aret eekwi o, yinuk, mbariyak eyom panggoni woraagin.

Yaya 18:12

Ti'nuk, it aap yigin unde ambi aago inowe inom, ndi, it aap Yakuri mendek Ala awi wurik arum waka inom, nen Yetut pigogo keele maareegwaarak.

Nappiigak 10:1

Aap yigin unde ambi aago “Italiya mendek o,” yogo nogogwaarak inowe endage Koreneliyut nogo, o Kayitareya time aret wonagagerak.

Nappiigak 17:5

Iya wogo mbareegwa, it aap Yakuri nen, “Nit yogwe nogo aakumi konenuwak lak, it yogwe mban konenggwi yi, nineebi a!” yinuk, yogo logonet, it aap maluk eeko menggaarak ineenggi lebenak kunggo menggam wonogwe nogo mendek kuwak eeppiinok, it aakumi o kota time abok noone-koone yogo logowak nduk, inikime manabeegwaarak. Manako mbareegwa, it nen aakumi time wonogwe nogo inikime manabit nogo mbareegwa, aakumi ambik noone-koone agan, at Pawulut Tilat imbirak nggwok me inawone mbanuwok nduk, aap Yaton awi oonda mbaneegwaarak mendek,

Nappiigak 19:40

Wone yogondak abo wa'nagaarak yogwe yi, nonggop nduk noone-koone yogo logonet, maluk eekotak o? yo'nirogwe iinok, alom lek kagak, wologwe yi, wogoren wogoorak me, nit onggo ngge yoroobok ariyak me,

Nappiigak 21:38

Yoge nagagerik, “Aap Metit mendek ambi nen, Ninalik aruwok o, yinuk, aakumi iniki nggagangge nagaarik, aakumi a'nggan wogonaka ineebe ambik empat ribu wogoren, karume aakumi lek me piya nagaarak nogo ti, kat aret nogo lek a?”

Nappiigak 22:22

It aakumi kuwak aago nogo at Pawulut wone ti ari konembunuk, “Aap yogobi mendek yi, eenik logorak lek o. Enggaawak mondok lek eerogo puwok o,” yinuk, inoone ya-mba yereegwaarak.

Nappiigak 23:17

Yoge mbareegi, at Pawulut nogo nen it yigin unde inowe abu'me mendek ambi, “Omok o,” yoreegerak wage mbareegi, yoge logonet, “At wulaga yi nen, kinowe wone ambi yoruwak nduk wagaarak me, wonok nak o.”

Nappiigak 24:22

Yoge mbareegi, at Pelikit nogo nen ineenik logorak tu mugurok noorak wone yogwe nogo, liirogon eenu wonage me, “Peebi it yigin unde apit aago inowe at Litiyat nogo wage kenok, awone an amburu mbanigin me, mbaganinip o.”

Nappiigak 25:23

Yoge mbareegi, nogo yinuk, ko'lu nen Agiripa Mberinike imbirak inom, it yigin unde inoweewi inendage warak inom, it o kota time mendek inoweewi inom, inayuk wuppunuk inoone lek iigak, o wone mbanggo menggam nogome unggwogo nogogwaarik, at Petut nogo nen, “Pawulut wonok pi woraanip o,” yorage mbareegi, pi wogogwaarak.

Nappiigak 26:21

Togop yoranet nege nagagirak ti paga it Yakuri nen Ala awi wurik me time pippaninuk, nooruwok nduk eereegwaarak mendek,