Nappiigak 20:6 - Ala Wone Peenok Peebi Mbanak

⁶ Ndi, nit nogo laago Roti Piika'lek Mendek larak nenok, o Pilipi nen yiiro paga unggunuk wogo logonet, nogo 5 aret yegak, o Torowat ninoreewi to'niigwi wonogwe me iya wogogurak. O Torowat unggwi wogo nogogurik, time nogo 7 yereegurak.

Nappiigak 20:6 ပူးပေါင်းရင်းမြစ်များ

Wundeegwaarak 23:15

Tut aa'nduk Abip penenak paga an o Metit nen wogoren wundi wage logonet, Laago endage Oroti Piika'lek Mendek lako logomunggup o, yinuk, koonogo pereegirak nogo inale'nggen paga lako logonet, an yoragagirak nogo ndak-ndak ne iyaalok nen nok, ne 7 paga oroti piiruwak nduk, ragi pega'lek kagak oroti worarogo nonggo logowak o. It an nalut eeriyak nduk, wogo logonet, an nake puurak ineenggime lek we aret nowagam woroorak mage o.

Wundeegwaarak 34:18

Tut aa'nduk Abip penenak paga o Metit nen wundi wogogutak me, Tut ti penenak, tanggal ndi paga laago oroti Piika'lek Mendek lako logomunggup o, yinuk, koonogo pereegirak nogo, kinale'nggen paga lako logonet, an yokkiragagirak nogo ndak-ndak ne iyaalok nen nok ne 7 paga oroti piiruwak nduk, ragi pega'lek kagak oroti worarogo nunggo logomunggup o.

Nappiigak 12:3

Yakobut wareegwaarak ti paga it Yakuri iniki ale'nggen mbakwi iige nagagerik, at Peterut kunduk, keele maarikit nduk mugurok nagagerak. (It Roti Piika'lek Mendek laago lakwi iigak aret eereegerak.)

Nappiigak 16:10

Kage nagagerik, “At Ala nen nit obeelom wone aap Makendoniya mendek yora nawak nduk, ninayonggo pegerak kogo o,” yinuk, mbet-mbet wunda nawok nduk eereegurak.

Nappiigak 16:12

Wunda nogo nogogurik, o Makendoniya kota aa'nduk wureegwam Pilipi it aap Oroma mendek nen inabu'me piirogo wonogwam nogome, unggwi nogo nogogurik, time logonet, nogo mande negen yereegurak.

Nappiigak 16:8

o Mitiya kagak nok-nok, o Torowat unggwi nogogwaarak.

Nappiigak 20:16

Ari woraanuk, at Pawulut nen, “Ne Pendakota o Yerutalem neegak, eeriyak me, o Atiya mban elaambirik neegak panggo ari kero, o Epetut unggwaga'lek nok-nok, o Yerutalem mbet-mbet nawok o,” yinuk, kooneegerak.

Nappiigak 20:5

It ti, abok aret inaa'nduk o Torowat to'niigwi a wogogwaarak.

Nappiigak 21:4

Time unggwi wogo nogogurik, Yetut oone waganggwi mendek time wonogwe kwaariigo nogogurik, ninom logonet, nogo 7 yereegurak. It time mendek nogo Aberiniki nen yorage kagak Pawulut yogo logonet, “Kat Yerutalem nagun o,” yoreegwaarak kwe,

Nappiigak 21:8

Nogo yippunuk, ko'lu nen o Kayitareya unggwi nogo nogogurik, o Yerutalem nen it aap 7 leeninabeegwaarak mendek ambi obeelom wone yoranet nege menggerak Piliput nogo ame unggunuk, ninom wonogogurak.

Nappiigak 28:14

Ari nogo nogogurik, ninoreewi it Ala apuri time mendek ninom lambumbogo nogogurik, “Ninom logowok o,” yinuk, yo'nirogo mbareegwa, ninom nogo 7 yereegurak. Togop eerit o Oroma aret unggwi nogogurak.

Pilipi 1:1

Kit Keritut Yetut kinom kunik Ala apuri ake leenak o Pilipi wonogwe inom, Ala apuri inarum monggotak inom, aap yeenggwaaragak inom, kit abok aret Keritut Yetut ayeloman mini an Pawulut Timotiyut nimbirak nen wone ambi yokkiraawi o.

1 Tetalonika 2:2

Nit o Pilipi wonogwe niigak, aaninggin-paaninggin ninoba pinanugwi, miyuk-meya eerogo pinanugwi, eereegwaarak kineenu nogo kwe, kagak, Ala nen yo'niragagerak wone obeelom wone nogo it apit aret, “Nineebi o,” yogwe iigak, Ala yeenggwa nirage me, ninagabiti mbaka'lek yokkirogo nogogurak nogo o.

2 Timotiyut 4:13

Kat wage logonet kenok, togwi yum o Terowat aap Karuput ame kagak wagagirak nogo inom, nambuku pirik-perek aago nogo inom, ndi, eyo agabolo paga liiru mbanak ti iya me, ti inom, abok aret wo'nombanok woraamunggun o.