Nappiigak 20:31 - Ala Wone Peenok Peebi Mbanak

³¹ Togop me, kiniki tum wakkologo logonip o. O liingge nen, oonikiya nen, puk aga'lek kinale ari logonet, kinalitak lombok kurumbi yokkirage neegak, tahun kenagan eereegirak nogo abeko logonip o.

Nappiigak 20:31 ပူးပေါင်းရင်းမြစ်များ

Yetikiyen 3:21

Ti eerigin kwe, aap iniki abe koonak ti, maluk eerukwak kurumbi yoremenggendak paga maluk eeka'lek kenok, yoremenggendak paga at kangga'lek eenik wonage, ndi, kat kunduk, kagap ndakkolage, eerumunggun o,” yinuk, yo'nereegerak.

Matiyut 13:25

Yake mbareegi, it aakumi ugun nogo yugwi iigak, at imbirak ogoorak mengge rak nogo nen wage nagagerik, gandum awi yarak enggela'me nogome iri'ngga maluk mendek yumbunogo punuk, mbaganeegerak.

Matiyut 3:7

Wuppiige me, aap Pariti mendek inom, aap Taruki mendek inom, ambik aret, “Yiime wuppinanuwak o,” yinuk, at owagam wogwe iige nagagerik, it nogo yorage logonet, “Waalo aakumi inooka kuwak eerak pogom kit aret o. Ala anini eeppinani wage nogo, eeppinagage kero, mbaganiyak kurumbi ta nen yokkiragaarak?

Lukat 21:36

Ti eekkinaburak nogo kinomaawi togon kinogogumbuk logonet, waganggo logomonggotik, an aap aret nda'nagagirak nenggaanom paga mi'narubagip nduk, tamban mban eeko logonet, kiniki tum wakkologo logonip o,” yinuk, yoragagerak.

Nappiigak 19:10

Eekwi iigak, tahun mbere eereegerak me, it Yakuri mendek inom, it Yunani mendek inom, o Atiya wonogogwaarak nogo abok aret ninogoba Yetut eereegerak wone konenggo nogogwaarak.

Nappiigak 19:8

Ti'nuk, at Pawulut nen it Yakuri tamban eeko menggam unggwage nagaatik, agabiti lek logonet, aakumi Ala abu'me piyoorak wone ti, “Abet aret yigi,” mbaruwak nduk, amburu mbanogo yoragak mban eeke kagak, tut kenagan peneneegerak.

Nappiigak 20:11

Yoraanuk, iyokan lagi nage nagagerik, roti karerogo nenok, at inom wone mbanggwi iigak, o wikit nduk kilim nagake kagak, teppiinok nagagerak.

Nappiigak 20:19

It Yakuri nen iniki ambit eeppunuk, an nooruwok nduk koonogo punuk aaninggin noba panugwi iigak kwe, nogoba ayeloman logonet, niniki tebe yinuk, kinale ari logonet, yeenggwaagirage nagagirak nogo o.

Nappiigak 20:7

Tamban eekak yuurak ne iyaalok warennagagerak Hari Minggu paga mbi karerogo nawok nduk kuwak eereegurak me, at Pawulut ko'lu naakit nduk eeke logonet, wone yorage kagak, oonikiya nogo iniki agagerak.

Nappiigak 24:17

Ndi, tahun mande negen eeppunuk, an noreewi Yakuri mendek inabuwa nen we wogoroorak inom, Ala ake pugu inom, wonok, o Yerutalem wogora nagarak.

1 Korindut 4:14

An wone liiru mbanggiragi yi ti, kinenggali wappinagakit nduk, mbanggiragi lek o. Ata, kit an napuri niniki kunik me, we kinaruk wake agarik o.

Kolote 1:28

Togop me, noreewi o. Kit ninapuri abok aret Keritut kinom kunik logonet, kiniki muk kole agaarak kenok, “Ala owagam wokkiren pinagi nawok,” mba'nuk, Keritut eeke nagagerak wone yokkirogo logonet, kinaruk wakwi, niniki abu kwippunuk, eekkinake mugurok mamunggirogwe, eerit nogo ogoorik o.

1 Tetalonika 5:14

Ndi, noreewi o. It aap iniki nen alik eerit nugwi iinok, inaruk wakwi, aaninggin inoba age kero, inagabiti mbakak nugwi iinok, iniki kwippiigwi, iniki awo kole aga'lek kenok, eyak wappiigwi, ndi, aakumi abok kinoone yanggorogon yorogwe, eeko logonip o.

2 Tetalonika 2:5

An aa'nduk kit ninom logonet, wone yi apit yokkiragagirak nogo abeko ogotik ilik, lek a?

2 Tetalonika 3:8

Ninom logonet, kinambi onggo lek we ambi nonggo logolik o. Nit time wogo nogogurik, kit aaninggin ambinom kinoba pinagukwak, ko'lu-kii'me eerit mban nogo logonet, ndeyak eerogo pinaneegerak nogo kineenu aret o.

2 Timotiyut 4:5

Togop kwe, kat perak, kiniki tum wakkolage logot o. Maluk eeppagagwi iigak, kogogumbuk logonet wagangge, aap obeelom wone yoranet nugu mengga kwak, kat ndak-ndak yoranet nege, eeke logonok nduk, mippagareegwaarak nogo ndak-ndak aret eeke, eeke logot o.

Iberani 13:17

It kinogobamini nogo ti, “Aakumi nonggop inarum wonogotak o, yinuk, Ala nen yo'niraagin,” mba'nuk, liirogon aret kiniki arum wonogwe me, inabu'me logonet, wone yokkirogwe nogo, liirogon aret konenggo logonip o. It inoone konengga'lek wonogwe kiinok, inale'nggen lek logonet, kinarum liirogon wonogwe lek paga maluk aret eekwi kiyoorak me, iniki ale'nggen paga kinarum logowak nduk, inoone liirogon aret konenggo logonet, obeelom eeppiigo logonip o.

Wayu 16:15

Ti'nuk, at oone yo'nege menggerak nogo nen, ambinom yo'nege logonet, “An aap yogoot wagangga pogom abera'lek me woraagin me, aakumi inenggaanom nggwok paga kinagap mbelanak nogwe kiinok, kinenggali ogwe kiyo, liippogo logonip o. Kinayum abu ndigik-ndegek eerogo patinuk, kinagaket paga wonogwe me, an wage neenok, kiniki ale'nggen eekkinake kaamunggup o,” yinuk, yo'nege kagarak.