Nappiigak 20:26 - Ala Wone Peenok Peebi Mbanak

^26-27 Ala iniki koonogo pereegerak wone nogo ando teppuulik, abok aret yokkirage nagagirak me, kit ambi lek eerogo pinagarak kenok ti, an nobaalombok lek o. Kit kinobaalombok eekkolamonggotak paga aret lek eerogo pinagagin o, yinuk, o yogondak yi paga abet aret yokkirage agarik o.

Nappiigak 20:26 ပူးပေါင်းရင်းမြစ်များ

2 Tamuwen 3:28

Wareegerak nogo at Ndawut aruk konengge nagagerik, ari logonet, “An inom, it nabu'me wonogo menggaarak inom, nogo nen aap Net aput Abenet amiya wumbuulik at Aliku ALA eenu aret me, amiya nit nineenggi paga logogin mondok lek o.

Ayup 16:19

O yogondak aret an ee'nake nogo, At enegen abe nen kenok yokkiroorak ti, mbogut paga wonage o. An naana'le mbaniyak ti, agi tiyarogon time wonage o.

Yeremiya 42:21

At kinogoba Aliku Ala nen, “Yoret,” yo'negerak abok aret an yogondak yokkiragarak kwe, “Eeriyak, nineebi,” mbakotak me,

Yaya 12:17

It aakumi ambik Yetut inom logonet, Latarut kambeegerak eenik agago mippege nagagerik, ndoome nen wundi woraawak nduk, “Mok o,” yoge kogogwaarak nogo nen, “Yetut togop eeke kogoorak o,” yinuk, aakumi paganogo yoranet nogogwaarak.

Yaya 19:35

At ambi enegen kagak eereegerak nogo nen paganeegerak me, at enegen kenok paganeegerak nogo ti, abet aret o. Ndi, kit kunduk, abet mbarubagip nduk, paganeegerak nogo ti, abet aret eenu me paganeegerak o.

Nappiigak 18:6

Yorage me, it nogo inom ogookkologo logonet, miyuk-meya eerogo pogo mbareegwa, Pawulut nen, “Kit lek eerogo pinagarak ti, an nobaalombok lek o. Kit kinobaalombok eekkolamonggotak paga lek eerogo pinagagin o. Ndi, an yogondak nen it aap endekem mendek yoranet nege logogin o,” yinuk, it liippuwak nduk, mbogoyum liirubu lenggenak nogo yumbunogo inoba nappereegerak.

Oroma 10:2

It nen Ala wone iniki aganggen kerek togon mugurok nogo logonet, eekwi kwe, wone eebe liippunuk eeka'lek iinok, yokkirage agarik o.

2 Korindut 1:23

An nen kit o Korindut pekkiya woroolik nogo ti, mbekkirage paga kiniki wakkolookwak nduk, mbet-mbet pekkiya woroolik ti, Ala eenu o.

2 Korindut 7:2

Kiniki abe paga nit nineebe wo'ninabubagip nduk, yokkirogo o. Alom lek kagak ninoone kinoba pinagagwi, maluk eeppinagagwi, wi-wi eekkinakwi, nit togop eeppinaga'lek aret ogoorik o.

2 Korindut 8:3

It nen, “Nit ti kuli kuwak eeriyak ninobam o,” mbakaarak nogo mban kuwak eerulik o. Ata, “Ti kuli kuwak eeriyak meek,” mbakaarak nogo kagak ambinom mondok iya tit kuwak eekaarak naruk konenggirak me, yokkiragi o.

1 Timotiyut 5:22

Ala apuri unde logowak nduk, inanobak mbet-mbet tebeniyak mage o. It ambi maluk eekwi iinok, kat kinom nabenggoloorak ti mage mban o. Kat kiniki kikak naka'lek mondok alik leenak logot o.