Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nappiigak 20:24 - Ala Wone Peenok Peebi Mbanak

24 Togop kwe, An neebe neenik logorak iya lek o. Ata, Ala iniki kunik en eeppinanege menggerak wone obeelom wone yorage logokit nduk, nogoba Yetut nen yabu unde eeppaneegerak nogo, mbo pega'lek worok togon eeriyak ti mban iya mbake minggirak me, eerit nage agarik o.

အခန်းကိုကြည့်ပါ။ ကော်ပီ




Nappiigak 20:24
59 ပူးပေါင်းရင်းမြစ်များ  

it aap wakaa'ngget 30 mendek ineebe kenagan nogo, konenggo nogogwaarik, it aap Pilitin mendek inawooliya wuppunuk wonogwe nogo, iigak-iigak o Mbe'lekem tu unggwogo menggam niyo nggween kabunik me nogome niyo toologo waganggo nogogwaarik, wonok Ndawut wogori wogogwaarak kwe, at nen ari logonet, “Nawuri nen, At ake ninamiya wundiyak op aret, mba'nuk, niyo yi, tooli nagaarak me, niyo toolak yi ti, inamiya kwak iya lombok me, an noorak lek o. Ata, Kaliku ALA kake o,” yinuk, at noolik nggween paga kilirogo pereegerak. It aap wim wakaa'ngget 30 mendek inoweewi ineebe kenagan nen eeko nogogwaarak nogo ti, togop aret eeko nogogwaarak o.


An nowe-nawot ineebe 5 name wonogwe me, yagan wako menggam yime wogwe iyo, an nogobamini iname kurumbi yora nawak nduk, aap Latarut ti, nappenok nduk, yokkege agarik o, obak!


Kit o aa'nduk nen ninom wonogogutak me, kit kunduk, an nabok paganogo yoranet nugu logomunggup o,” yinuk, yoragagerak.


Eeriyak unde eeppaneegindak nogo, abu worok togon eekirak me, ti paga o nggween paga yime kat kendage tiyak yegerak o.


At Mbaranabat nogo iniki kwi'ndak me, iniki abet mbake logonet, yungguppegak eeke logolik Aberiniki inikime mondok liinik wonage me, nappereegwaarak. Nappereegwaarak nage nagagerik, at Ala iniki kunik en eeppiige nogo enegen kage nagagerik, iniki ale'nggen ambik a'nuk, “Kit kiniki mondok nu'lek logonet, ninogoba Yetut oba panggombunuk logonip o,” yinuk, inaruk wake nagagerak. Inaruk wake inom wonage me, ambi nabek unggwagak mban eeko logonet, Ala apuri ambik aret ogogwaarak.


Yorage nagagerik, ti'nuk, at eeke nagagerak nogo abu irip nggobok yuurak age kagak, at Yaya nen ari logonet, An ta, nombako ogotik o? At woroorak tokkogo monggotak nogo, an lek o. Ti an lek kwe, at an nambokan woraagin aret me, wage kenok, aap nggwok me, an nen iyogogut piiniyak meek, yorage nagagerak o.”


at Pawulut Mbaranabat imbirak time elaambirik negen logonet, inagabiti lek aret ninogoba Yetut abok paganogo yorogo nogogwaarak. Ndi, yorogo logonet, Ala inabuwa nen obeelom eeginake menggerak wone abet mbaruwak nduk, Pawulut Mbaranabat imbirak Ala omaawi wogoragagerak paga, ineenu ariyak inagabiti warak mendek eekwi, eerubok mendek eekwi, eeko nogogwaarak.


wone nogo koonggwi aret wonogogwaarik, at Peterut mi'na'nuk, yorage logonet, “Noreewi o. O maan at Ala nen, It endekem mendek obeelom wone konembunuk abet mbaruwak nen, yoranet nege logokit nduk, leenogo paneegerak nogo kineenu o.


Ti'nuk, Tilat inom, Timotiyut inom, o Makendoniya nen wogo nogogwaarik, inom logonet, at Pawulut nogo alik ambi eeke logolik Ala wone ti mban yorage logonet, “Ala leenogo mippereegerak Mesias nogo ti, Yetut aret o,” yinuk, it Yakuri mendek yorage nagagerak.


Mamunggirage nagagirak nogo ti, kit Yakuri mendek inom, kit Yunani mendek inom, kit maluk eeko monggotak kiniki koonogo mbo punuk, Ala owagam wogwe, kiniki ninogoba Yetut Keritut oba panggombunuk abet mbakwi, eerubagip nduk, liirogon yokkirage nagagirak o.


Ne ambi paga o ambi me yoragak, ne ambi paga o ambi me yoragak, eerit nege me, Keele maakkakwi, aaninggin-paaninggin koba pagagwi, eerugun o, yinuk, Aberiniki nen paganogo yo'nege menggerak neenu aret o.


Ndi, yogondak perak, at Ala iniki kunik en eeppinagarak wone ti paga, kiniki kole agago pinaganuk at apuri ake leenak kenok, yate kwak inake punogo piyareegerak nogo kinom unde arubagip nduk, Ala abu'me pinagagi o.


at Pawulut nen, “Kit an nale yogwe paga niniki aaninggin aruwak nduk, nonggop nduk yogo ogotik? An Yerutalem nagin aret me, time neegak nogoba Yetut ake keele maa'nakwi iinok ti, op aret mbake agarik o. Ndi, noorugun kenok togon, op aret me, kit nonggop nduk yogo ogotik o?” yo'niragagerak.


Yoge mbareegi, ti'nuk, nogoba nen an yo'nege logonet, It aap endekem wonogo menggam o nda time nappagarak, mbakirak me, nak o, yo'nege kagagirak o,” yinuk, yoragagerak.


Yoreegerak kwe, ninogoba nen at Ananiyat yoge logonet, “Aap ti, it endekem konenggulik mendek inom, it inoweewi inendagembogut inom, Iterali abok aret inom, an eeke minggirak ineenu agago yorage logowak nduk nayeloman leenogo pigirak me, yori nak mban.


Ala nen miirinabeegerak nogo ti, it obeelom eekwi iinok, miirinabulik o. Ata, inabuwa nen miirinabeegerak. At Ala nen miirinabeegerak nogo ti, it obeelom eereegwaarak paga miirinabenetak en, inabuwa nen miirinabeegerak nogo ti, pilit aret mba'netak.


Aap ambi yabu eeketak paga onggo wogoge logonet, “Yi we wokkigi o,” yogeelik. Ata, “Yi yabu eekendak onggo aret wokkigi o,” yinuk, yoge menggerak.


Ti kenok, noreewi o. Kit an niniki kunik me, kiniki mondok kwi'ndak nu'lek logonet, ninowe eyabu aret eekwi kenok ti, we aanom warogo eekwi lek ambi kola noorak nduk eekwi kineenu me, kulinik-kalinik nggwiirit-nggwaarit aret eeko logonip o.


Togop me, an meek ee'nake kenok, Ala omaawi eeppanege kagak, nomaawi ambik logonet eerit nage minggirak me, Keritut eeke nagagerak wone wigak yuwak nduk eeke neegak, an eeriyak meek ee'nake, miyuk-meya eerogo panugwi, ambi yo'negak mban eekwi paga niniki taganogo pugwi, piyak-payak eerogo panugwi, aaninggin-paaninggin noba panugwi, eekwi iigak, “Op mban aret ee'nakwi o,” yinuk, niniki tayenak ale'nggen aret minggirak o.


Nit wone ti, yorogo logowok nduk, Ala nen ninabuwa mbake logonet, unde eeppinaneegerak me, wagangga'lek iinok, niniki maluk ageelik o.


Togop me, nit wone yokkirogo monggoorak ti paga, nineebe ninookwi iinok, kanggwi niigak kwe, kit perak, waganggwi paga kineenik eekkinake agaarik o.


Ninagabolo yi, nggonenogo mbo punuk, ninogoba wonage me, mondok-mondok ka noorak uugwe lombok mbakwi kwe, niniki kwippunuk tit ogoorik o.


Kit ninom kunik me, “Abet aret wo'ninabugun,” kinomba'nuk, niniki ale'nggen mbake logonet, yokkiragi o. Aaninggin-paaninggin ninoba age tit kagak kwe, kit abet mba'nuk, eerit nugwi paga niniki eyak wappanugwi me, “Kit yi, iya o,” yinuk, niniki ale'nggen abu alik negen ee'nake agaarik o.


It aakumi nen mippanugwi, aap ambi iniki koombunuk, mippanege, eerulik o. Ata, at Yetut kambunuk nogo menggam nen eenik agago mippereegerak ninogoba Ala ninowe Yetut Keritut imbirak nen, nappiigak mendek agago mippaneegwaarak an Pawulut nogo nen, kit Ala apuri o Nggalatiya kuwak eerit nogo monggotak nogo, wone ambi yokkira o. Noreewi apit ninom wonogwe nogo nen keyage wakkinako o.


Ninabuwa mbake logonet, at aput iniki kunik nen wo'niragagerak nogo paga, amendek mondok alik negen ngginu-ngginu eerogo wo'nirage menggerak me, nit mondok at alut eeko logowok o.


Togop me noreewi o. An wone obeelom wone yokkirage nagagirak paga aaninggin noba agaarak wonage yi paga kinagabiti nen kiniki yungguppegak eerugup o. Yi ee'nakwi nogo ti, kit ambi eeppinagarak nduk, eeppanugwi me, op aret o.


Kit abet mba'nuk kineebe apit Ala wogo'nuk, at ake eerit nogwe nogo ti, Ala ake warogo wogogo mengga kwak aret me, ambinom eerit nogo logobagip nduk, kinake eeke neegak, ndomba warak amiya obaga kilippogo mengga kwak, “An yogondak togop eeppaniyak op aret,” mba'nuk, niniki ale'nggen mbake me, kit togon kiniki ale'nggen mbako logonip o.


An andi-pandi eeppanugwi nogo ti, “Kit kinake aret eeppanugwi,” mba'nuk, niniki ale'nggen mbake agarik o. Ndi, “Ala apuri yi awi ndi awi kuwak eerit nogo menggaarak lambuk togon ti, Keritut eebe aret me, iniki nu'lek logowak nduk, Keritut wako logonet, it ando nen warulik mbo pereegwaarak nogo, Ala apuri inake an neebe paga eeppaniyak op aret,” mba'nuk, niniki ale'nggen mbake agarik o.


Nit o Pilipi wonogwe niigak, aaninggin-paaninggin ninoba pinanugwi, miyuk-meya eerogo pinanugwi, eereegwaarak kineenu nogo kwe, kagak, Ala nen yo'niragagerak wone obeelom wone nogo it apit aret, “Nineebi o,” yogwe iigak, Ala yeenggwa nirage me, ninagabiti mbaka'lek yokkirogo nogogurak nogo o.


Mippaneegerak me, eerit nage neenok, aakumi nen aaninggin eeppanugwi kwe, nenggali mbaka'lek aret agarik o. An niniki at oba panggombunuk abet mbareegirak eebe nogo ti, an abu neenu aret o. Ndi, an eeke logokit nduk, unde eeppaneegerak nogo ninowe waga'lek kagak, lek arigin ti lek o. “Yorage logogin aret o,” yinuk, abet aret mbake agarik o.


Ndi, an o Andiyokiya inom, o Ikoniyum inom, o Litera inom, wonage me, piyak-payak ee'-nakwi iigak, nogogumbuk logonet wagangge nagagirak kwak, yogondak ee'nakwi iinok, wagangge minggirak abok aret kat keenu aret o. An o time wonage me eeppanugwi iigak, nogogumbuk logonet wagangge neegak, nowe nen nagap ndareegerak me, iya!


Ala iniki kunik nen wo'niragagerak wone nogo, it aakumi abok inagap ndaruwak nduk, kin agagerak.


Kinoreewi ando keele maarak wonogwe nogo, inabuwa mbako logonet, yeenggwaarogwe, ndi, kinamendek ndinggola unggwogwe iigak, “Namendek abe mondok logorak mendek alik ambime wonage aret me, op aret kolaga o,” yinuk, kiniki ale'nggen mbakwi, eeko nogogutak me,


Wone yokkirage ti abok aret at iniki kunik nen obeelom eeppinanege menggerak Ala nogo nen an ndak-ndak eeppanege kagak paganogo yokkirage me, “Yi abet aret eeppinanege menggerak o,” yinuk, kiniki eyak wappinagawak nduk, at li'lak mban eerit nage kage minggirak ninore Tilat nogo nen yeenggwaanege kagak, liiru yi, we nggaruk togon mbanggirage kwe, wone yi ti, mondok iya me, porogo logonip o.


Nano eekwi paga ninoreewi niniki kunik eeginakwi nogo nineenu ariyak mbakop? Lek o. At Yetut iniki nen, “An aakumi inake nooruwak aret o,” mba'nuk, ninake kambeegerak ti kokwak, nit togon, ninoreewi inabuwa nen inake kambuurak op aret mbakwi kenok, aakumi iniki kunik eeginakwi nogo ti aret.


It ninoreewi nogo nen Ndomba Aagaluk amiya wundeegerak abet mba'nuk, iniki ti paga panggombunuk logonet, Ninooriyak op aret o, yinuk, Inagabiti lek Ala wone wonok yoranet nugwi paga Tile tebenogo pugwi me,


“Lek o. Kit kinowe-kinawot inom, it kinom Ala wone mondok liippunuk mugurok nogwe inom, kit kinooreegwaarak kokwak inookwi iinok perak, kinane'me ambugwi lambuk togon inoorigin aret me, we ne ambiriluk puk logomunggup o,” yinuk, mbogoyum nggorek yanggwi negen inalitak lombok yippiige kagarak o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ