Nappiigak 20:23 - Ala Wone Peenok Peebi Mbanak

²³ Ne ambi paga o ambi me yoragak, ne ambi paga o ambi me yoragak, eerit nege me, Keele maakkakwi, aaninggin-paaninggin koba pagagwi, eerugun o, yinuk, Aberiniki nen paganogo yo'nege menggerak neenu aret o.

Nappiigak 20:23 ပူးပေါင်းရင်းမြစ်များ

Lukat 16:28

An nowe-nawot ineebe 5 name wonogwe me, yagan wako menggam yime wogwe iyo, an nogobamini iname kurumbi yora nawak nduk, aap Latarut ti, nappenok nduk, yokkege agarik o, obak!

Yaya 16:33

Wone yi yokkiragi nogo ti, an ninom kunik logonet, kiniki ugun tayenak lombok logobagip nduk, yokkiragi o. It aakumi nggween paga yime menggaarak mendek nogo nen piyakkinako logogun kwe, it o nggween paga yime inomaawi menggaarak nogo muk tebenogo piigirak me, kiniki kwippunuk, nu'lek logonip o,” yinuk, yoragagerak.

Nappiigak 14:22

O nogome yanggwagak nogo logonet, “At Ala abu'me unggwi noorak ti, aaninggin-paaninggin ninoba arit unggwage tit kagak aret unggwi noorak o,” yinuk, it Yetut oone waganeegwaarak nogo, iniki eyak wappiigwi, “Wone abet mbakotak nogo mbo puurak mage o. Ata, kiniki nu'lek eeppunuk logonip,” yinuk, kini wuppiigwi, eerit nogogwaarak.

Nappiigak 18:5

Ti'nuk, Tilat inom, Timotiyut inom, o Makendoniya nen wogo nogogwaarik, inom logonet, at Pawulut nogo alik ambi eeke logolik Ala wone ti mban yorage logonet, “Ala leenogo mippereegerak Mesias nogo ti, Yetut aret o,” yinuk, it Yakuri mendek yorage nagagerak.

Nappiigak 20:21

Mamunggirage nagagirak nogo ti, kit Yakuri mendek inom, kit Yunani mendek inom, kit maluk eeko monggotak kiniki koonogo mbo punuk, Ala owagam wogwe, kiniki ninogoba Yetut Keritut oba panggombunuk abet mbakwi, eerubagip nduk, liirogon yokkirage nagagirak o.

Nappiigak 20:24

Togop kwe, An neebe neenik logorak iya lek o. Ata, Ala iniki kunik en eeppinanege menggerak wone obeelom wone yorage logokit nduk, nogoba Yetut nen yabu unde eeppaneegerak nogo, mbo pega'lek worok togon eeriyak ti mban iya mbake minggirak me, eerit nage agarik o.

Nappiigak 21:11

Niya nage nagagerik, at Pawulut agabee'le piinogo at eenggi-iyok keele maakkolage nagagerik, ari logonet, “An kebee'le paga maakkolagarak yi kwak, it Yakuri o Yerutalem menggaarak nen aap agabee'le yi unde nogo, togop aret keele maarogo it endekem mendek wogoraagun o, yinuk, at Aberiniki nen yo'nege kenok, yokkirage agarik o,” yo'niragagerak.

Nappiigak 21:33

Puk ogo mbareegwa, at yigin unde inowe nogo wage nagagerik, Pawulut eenggi pigogo, “Mbuti keele mbere paga maa'nip o,” yinuk, yorage nagagerik, “Aap yi ta o? Ndi, at ngge eekerak kenok wako ogotik? Yinip o,” yinuk, ineegwa'me waganeegerak.

Nappiigak 21:4

Time unggwi wogo nogogurik, Yetut oone waganggwi mendek time wonogwe kwaariigo nogogurik, ninom logonet, nogo 7 yereegurak. It time mendek nogo Aberiniki nen yorage kagak Pawulut yogo logonet, “Kat Yerutalem nagun o,” yoreegwaarak kwe,

Nappiigak 8:29

Aabuk age mbareegi, Aberiniki nogo nen Piliput yoge logonet, “Nggweendo niikkenok nage ti, naberogon ka nak o.”

Nappiigak 9:16

Ndi, at Tawulut nogo, an naana'le mbangge me, aaninggin-paaninggin eeppogo logorak nogo an nen yoge logogin o,” yinuk, abinggaanggo paga yoge kagagerak.

1 Timotiyut 4:1

At Aberiniki nen kin paga ari logonet, “O age yobok kuli paga it aap ando nen aakumi inambokan laganuwok nduk, pilit pugunogo yorogwe, Ibilit nen yorage kagak mamunirogwe, eekwi wone nogo liippunuk, mugurok nogo logonet, Ala wone abet mbareegwaarak nogo kobak eerogo mbo aret pugun o,” yinuk, ari menggerak.

2 Timotiyut 2:12

Maluk eeppinanugwi iigak, ninogogumbuk logonet, waganggwi niinok, at ninom tiyanak logonet, aakumi inarum logogun o. Nit nen at mbo pugwi niinok, at kunduk nit mbo pinanigin o.