Nappiigak 20:22 - Ala Wone Peenok Peebi Mbanak

²² Ndi, yogondak perak, Aberiniki nen nimin-namoorak yo'nege kenok, o Yerutalem nen ee'naburak neenggo'lek kagak kwe, aret nagin o.

Nappiigak 20:22 ပူးပေါင်းရင်းမြစ်များ

Lukat 12:50

Aakumi yiime wuppiigwi kwak an ambi eeppaniyak nduk wonage kwe, yobok togon eeppaniyak awo me, niniki abu meek lombok ee'nake o.

Lukat 9:51

Ti'nuk, peebi at Yetut mbogut paga lagi noorak eyom panggoni wage mbareegi, Yetut o Yerutalem noorak nduk, iniki mondok ogogumbuk eekkolage nagagerik,

Yaya 13:1

O kiyoma laago Obaga Mbo Nagagerak lariyak eekwi iigak, at Yetut o nggween paga yime mbo punuk, ogoba ka noorak eyom panggoni wagagerak eenu wonagagerak. At apuri at inom o nggween paga nugu nogogwaarak nogo, iniki kunik eeginake nagagerak me, “Iniki kunik ee'ninake tit kagak, kanggi o,” mbaruwak nduk, eeppiyareegerak nogo yi aret kagak, eeppuurak eyom nogo aret ari nagagerak.

Yaya 18:4

Yetut nogo at eeppuurak abok aret eenu wonagagerak me, it nogo Yetut ka nogo mbareegwa, at nogo iya wage nagagerik yorage logonet, “Kit ta kwaarit wogop o?”

Nappiigak 17:16

At Pawulut nogo it Timotiyut Tilat imbirak wogwe iyo, o Atena toginake logonet, o kota time kugiwak ererengge-mboongge aago ambik endekem-oome wonage kage nagagerik, inikime nen eebi lombok mbareegerak.

Nappiigak 19:21

O Epetut time togop aret eeko mbareegwa, at Pawulut nogo o Makendoniya inom, o Akaya inom, yanggwagak eerit o Yerutalem naakit nduk, iniki koongge logonet, “O time nage logominggirik, o Oroma kunduk ka nagin aret o,” ari nagagerik,

Nappiigak 20:16

Ari woraanuk, at Pawulut nen, “Ne Pendakota o Yerutalem neegak, eeriyak me, o Atiya mban elaambirik neegak panggo ari kero, o Epetut unggwaga'lek nok-nok, o Yerutalem mbet-mbet nawok o,” yinuk, kooneegerak.

2 Korindut 5:14

At ambi nit aakumi abok ninobaane'me kambeegerak nogo paga nit abok at ninom kunik me, ninom aret kambeegurak. Ndi, “Nit abok ninobaane'me kambeegerak nogo ti, nit ninobaalombok mban eerit nugu logowok nduk, kambulik o. Ata, at ninake kangge mbareegi, eenik agago mippereegerak nogo, ake eerit nugu logowok nduk, ninobaane'me aret kambeegerak kogo,” yinuk, Keritut iniki kunik lombok ee'ninabeegerak me, eereegerak wone ti, nit puk aga'lek yoragak mban eeriyak ee'ninake agaarik o.

Yakobut 4:14

Kit ko'lu eekkinaburak nogo, kineenggo'lek logonet yogwe kiigi o. Nineenik wonogwe nogo ti, laago aagi pogom aret o. Laago aagi nogo ti, ne ambit lagangge ninigen kogootak kwe, lek age menggerak kokwak ti, nineebe togop aret ee'ninake menggerak o.