Nappiigak 2:47 - Ala Wone Peenok Peebi Mbanak

⁴⁷ Ala alut eekwi iigak, aakumi abok nen it Ala apuri ti, iniki kunik aganako nogogwaarak. Ndi, ninogoba nogo nen ko'lu-kii'me it aakumi inagap ndarogo ambit nabek kuwak eeppiige nagagerak.

Nappiigak 2:47 ပူးပေါင်းရင်းမြစ်များ

Lukat 19:48

aakumi nen at wone yorage nogo iniki kundugu lombok eeko logonet, inigen at mban pippak ugwi me, “Nonggop waruwi kwe?” yinuk, puk ogogwaarak.

Lukat 2:52

Ndi, at Yetut perak, iniki warak age, eebe tawe age, eeke kagak, Ala inom, aakumi inom, at paga inale'nggen mbako nogogwaarak.

Nappiigak 11:21

Ninogoba omaawi eeppiige kagak yorogo nogogwaarak me, aakumi ambik iniki koombunuk, abet mbako nogogwaarik, ninogoba Yetut oone waganggo nogogwaarak.

Nappiigak 13:48

Yoragagerak nogo, it endekem konenggulik mendek nogo nen inaruk konembunuk, iniki ale'nggen ambik mbako logonet, “Ninogoba wone yi ti, iya!” yinuk, tiyappereegwaarak. Ndi, ineenik mondok logorak miirogo piyareegerak nogo nen wone ti paga iniki panggombunuk abet mbareegwaarak.

Nappiigak 14:1

O Ikoniyum time o Andiyokiya eereegwaarak nogo ndak-ndak eereegwaarak. At Pawulut kunduk, Mbaranabat kunduk, it Yakuri tamban eeko menggam unggwogo nogogwaarik, wone abe liirogon yorogogwaarak paga it Yakuri mendek inom, Yunani mendek inom, ambik aret iniki abet mbareegwaarak.

Nappiigak 14:21

Aakumi o kota Nderebe time obeelom wone yorogogwaarak paga aakumi ambik abet mba'nuk Yetut oone waganeegwaarak. Waganggo mbareegwa, it wogogwam o Andiyokiya iniyok paga nogo logonet, o Litera unggwogwe, Ikoniyum unggwogwe, eerit o Andiyokiya unggwi nogogwaarak.

Nappiigak 16:5

Togop yoranet nugu nogogwaarak paga, it Ala apuri time kuwak eerit nogo menggaarak nogo iniki nu'lek age mbareegi, ko'lu-kii'me ambi nabennagak, ambi nabennagak, eeko logonet, Ala apuri ambik aret ogogwaarak.

Nappiigak 17:12

Malenggo logonet, it Yakuri mendek ambik abet mbareegwaarak. It Yunani mendek kumi nggaganin inom, aap inom, it kunduk, ambik aret abet mbareegwaarak.

Nappiigak 2:39

Ala nen, Wokkiraagin o, yinuk, abok yokkiragagerak nogo ti, kit inom, kit kinapurilogwe inom, it aap nda menggaarak inom, peebi ninogoba Ala nen wiigiraagin nogo abok kinake aret yokkiragagerak o,” yinuk, yoragagerak.

Nappiigak 2:41

Eeke mbareegi, it aakumi nen at oone waganeegwaarak nogo yiime wuppiyareegwaarak. Ne ti eyom paga inom nabennari unggwogogwaarak nogo, ineebe lambuk togon aap ambik tiga ribu aret.

Nappiigak 4:21

Yorogo mbareegwa, aap nogo obeelom agagerak kenok, it aakumi abok nen Ala wogoppugwi iigo nogogwaarik, inagabiti nen, “Alom nano paga yilunogo maluk eeppiyaawi o?” yinuk, we inagabiti mbaruwak nduk inoone omaawi paga mberirogo nogogwaarik, keele piinogo wumbiyareegwaarak.

Nappiigak 4:33

It nappiigak nogo nen, “Ninogoba Yetut eenik a'nuk mi'nagaarak o,” yinuk, inagabiti mbaka'lek inoone omaawi paga wone nogo paganogo yoranet nogo nogogwaarak. Yoranet nogwe iigak, Ala nen ale'nggen ambik inoba piige nagagerak.

Nappiigak 4:4

Ndi, it wone yorogwe iigak koneneegwaarak nogo aap mban ineebe ambik lima ribu aret abet mbareegwaarak.

Nappiigak 6:1

O ti eyom paga at oone woorak nduk ambi nabek unggwagak mban eeko logonet, it aap Yakuri mendek kwe, Yunani wone yogo menggaarak nogo nen, “Ko'lu-kii'me mbi tumburirogo logonet, nit ninagalomini kumi togwe nonggop nduk mbi wogoraga'lek mbo piigo ogotik?” yinuk, it Yakuri inaworak nogo inom neebi-keebi yogo nogogwaarak.

Nappiigak 6:7

Ndi, Ala wone nogo nggwok aret wiganinuk nage kagak, o Yerutalem time it at oone woorak nduk ambi nabek unggwagak mban eeko logonet, ambik aret ogwe, ndi, it Ala unde nogo kunduk ambik aret, “Wone waawi o,” yinuk, abet mbakwi, eereegwaarak.

Nappiigak 9:31

Nappogo nogogwaarik, nogome logonet, it Ala apuri o Yureya kuwak eerit nogwe inom, o Nggalileya kuwak eerit nogwe inom, o Tamariya kuwak eerit nogwe inom, ale-pale eeginabit naga'lek iinok, inikiigun logonet, iniki kole ogwe, Aberiniki nen yeenggwaarage kagak inogoba Ala inagabiti mbako logonet, ineebe ambik wigannogwe, eereegwaarak.

Nappiigak 9:35

At mi'nagagerak nogo, it o Lira mendek inom, o Taron mendek inom, abok aret inigen kogo nogogwaarik, it eeko nogogwaarak nogo mbo punuk, ninogoba Yetut oone waganeegwaarak.

Oroma 14:18

Keritut ake eerit nage logonet, wone ti, liirogon eekwi kiinok, Ala nen ale'nggen kinombake, ndi, it aakumi nen togon, “Op aret eekwi,” kinombakwi, eeko logogun o.

Oroma 8:30

Nit nda'naga'lek niigak mii'ninake nagagerik, leenogo pinaneegerak nogo aret ninayonggo pereegerak. Ndi, ninayonggo pereegerak nogo aret obeelom agago pinaneegerak. Ndi, obeelom agago pinaneegerak nogo aret at ninom tiyappinaneegerak.

Oroma 9:27

At Yetaya nen ari logonet, “It aakumi Iterali mendek ineebe mbini niyo aa'nggi paga menggi kwak wonogwe kwe, Ineebe mbuuluk mban inagap ndarigin o. It aakumi o nggween paga yime wonogwe lek eerogo piyoorak koonogo pugu nogo, At ninogoba nen abera'lek me mondok nggwik togon aret inoorigin me,” yinuk, yereegerak nogo ti, it Iterali aret eeppiyoorak nduk yereegerak o.

1 Korindut 1:18

It aakumi kanggo menggaarak nogo nen Yetut eyo karo-karo paga kambeegerak wone nogo konembunuk, “Yi wi inoone negen agan nugwi o,” yinuk, i'ndok kanggo menggaarak kwe, nit ninagap nda'ninake nogo nen perak, wone ti, waganggwi paga, Ala ninagap nda'ninake me, “Wone ti, Ala omaawi aret kogo o,” yinuk, mbako monggoorak.