Nappiigak 2:46 - Ala Wone Peenok Peebi Mbanak

⁴⁶ It nogo iniki ambit a'nuk, ko'lu-kii'me Ala awi wurik me kuwak ari unggwogwe, iniki mot-mot logonet, ale'nggen paga iname lombok mbi karerogo punuk nunggwi, eeko nagaatik,

Nappiigak 2:46 ပူးပေါင်းရင်းမြစ်များ

Nekemiya 8:10

Yorogo nogogwaarik, at Nekemiya nen, “Kit kiname nogo logomonggotik, kiniki ale'nggen paga kinambi-kinagi abe mendek nonggo logonet, ando mogonogo it aakumi ineenggi lek kenok wogoraamunggup o. O yogondak ninogoba Aliku ALA ake punik aret me, kiniki wakkolaagup o. At Aliku ALA nen kinale'nggen eeppinagage ti paga kiniki nu'lek aret logomunggup o.”

Ndawi 86:11

Nogoba o. An eerit nage logonet, Kat abet mban ari menggendak wone an ndak-ndak eerit nage logokit nduk, Kat eerit nage nogo an mamunnege, Nogoba o, yinuk, kayuk wuke logokit nen niniki mbere lek ambiret eerogo panege, Eeru o.

Wone Alom Kibingga 9:7

Togop aret me, kit eekwi nogo Ala nen, “Op aret o,” yinuk, o yogondak aret kinombake me, kinale'nggen nen kinambi nunggwi, Kinale'nggen paga kinanggur amburu nunggwi, Eeko logonip o.

Matiyut 6:22

Yorage nagagerik, ambinom yorage logonet, “Kineebe ndi wuninik pogom eya ti, kinigen aret o. Ndi, kit kinigen obeelom wonage kenok, kineebe abok aret eya aago logomunggup kwe,

Lukat 11:41

Lek o. Kinikime aken yonggolak ti, it aap ineenggi lek wogorogwe kiinok perak, yi mendek ndi mendek abok koorak aret kaamunggup o.

Lukat 24:30

Unggwi nage nagagerik, inom mbi nawok nduk, kwi'na'nuk, mbi eenggime woppunuk, “Nogoba wa,” yinuk, karerogo tumburirakit nduk eeke mbareegi,

Lukat 24:53

Wogo nogogwaarik, Ala awi wurik me nogome mban logonet, Ala alut eeko nogogwaarak.

Nappiigak 16:34

Yiime wuppiigo mbareegwa, wogoren at ame unggunuk mbi wogorage nagagerik, at inom, at apuri inom, iniki Ala oba panggombunuk abet mbareegwaarak paga iniki ale'nggen ogogwaarak.

Nappiigak 2:42

It ti nen iniki ambit eeppunuk lambunik logonet, it nappiigak nen wone mamunirogwe nogo liirogon konenggwi, inom mbi amburu nunggwi, tamban eekwi, togop mban eeko nogogwaarak.

Nappiigak 20:7

Tamban eekak yuurak ne iyaalok warennagagerak Hari Minggu paga mbi karerogo nawok nduk kuwak eereegurak me, at Pawulut ko'lu naakit nduk eeke logonet, wone yorage kagak, oonikiya nogo iniki agagerak.

Nappiigak 3:1

Ne ambi paga o kiyoma oonegen 3 paga tamban eeko menggaarak me, tamban eeruwok nduk, Peterut Yaya imbirak Ala awi wurik me nogogwaarak.

Nappiigak 5:21

Yorage mbareegi, o kuubondendok Ala awi wurik me unggwogo nogogwaarik, malayikat nen wone yoragagerak ndak-ndak wone mamunirogogwaarak. Mamunirogwe me, it Ala unde inowe nggwok awuri inom nogo nen it Iterali inogobamini wone amburu mbanggo menggaarak mendek abok kuwak ari woraawak nduk, yonggo nappiyareegwaarak wogo mbareegwa, it nappiigak keele maarogo mambiigo menggam wonogwe nogo wogoren woraawak nduk, aap Ala awi wurik me arum waka nogo nappiyareegwaarak.

Nappiigak 5:42

Nogo nogogwaarik, Ala awi wurik me nen, oome nen, abok aret ko'lu-kii'me wone mamunirogwe, “Ala nen leenogo mippereegerak nogo ti, Yetut aret o,” yinuk, wone obeelom wone nogo yorogwe, eerit nugu nogogwaarak.

Oroma 12:8

iniki eyak wappiigak yogo logorak unde eeppinagareegerak kenok, iniki eyak wappiigwi, aakumi inamendek lek wogorogo logorak unde eeppinagareegerak kenok, “Onggo wo'niruwak,” mbaka'lek we aret wogorogwe, aakumi inowe logorak mippinagareegerak kenok, kineebi mbaka'lek nggwiirit-nggwaarit eekwi, ndi, aakumi inabuwa mba'nuk eeppiyoorak kenok, kiniki ale'nggen paga aret eeppiigwi, eeko logonip o.

1 Korindut 10:16

Nit niniki ambit lambunik logonet, at Keritut amiya wundeegerak nogo paga lambunogo pinaneegerak abeko logonet, amburu toolak waganogo, “Ala wa,” yinuk, nonggo monggoorak nogo lek a? Ndi, roti karerogo nonggo monggoorak nogo ti, nit niniki ambit lambunik logonet, at ninake kambeegerak abeko logonet, nonggo monggoorak nogo lek a?

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

2 Korindut 11:3

Waalo oone amburu ndik-ndik kwe Kawa yoge logonet, at ambokan laganeegerak pogom, it aap alik nen inoone amburu ndik-ndik yokkirogwe iinok, “Keritut oone mban konenggo logowok o,” yinuk, abet aret miireegutak nogo mbo punuk, nomonggiren nogwe iyo, nagabiti mbake logonet, yokkirage agarik o.

Epetut 6:5

Kit aakumi inayeloman monggotak yi wae. Kit nen, “Nogoba yi, Keritut kwak me,” yinuk, kinagabiti mbakak inayuk wuko logonet, kiniki obeelom yanggonak paga inoone konembunuk, inake eeko logonip o.

Pelaareegerak 12:12

Pi nogo logonet, kit inom, kinapuri wologwe-komologwe inom, kinayeloman kumi-aap inom, aap Lewi mendek yate kokwak nggween mbanak ambi unde arugun lek kinenggela'me kinom logomunggup nogo inom, abok aret at Aliku kinogoba Ala enggaanom kiniki ale'nggen paga aret eeko logomunggup o.

Pelaareegerak 12:7

At Aliku kinogoba Ala ale'nggen kinoba pinagage kagak, yi mendek ndi mendek kineenggi paga nen eerumonggotak nogo obeelom eerigin me, at Aliku kinogoba Ala enggaanom paga time nen kinakuwi-kinapurilogwe kinom kiniki ale'nggen paga nonggo logomunggup o.

Pelaareegerak 16:11

Pi wogo logomonggotik, kit inom, kinapuri wologwe-komologwe inom, kinayeloman mini kumi-aap inom, aap Lewi mendek kinawi kota kinom logogun nogo inom, aap nggiru inom, elege moono inom, kumi nanu kinom logomunggup nogo inom, abok aret at Aliku kinogoba Ala nen, O yime nen mban nendage ki logowak o, yinuk, leenogo patemenggim at enggaanom paga time nen kinale'nggen paga laago lako logomunggup o.

Kolote 3:22

Kit aakumi inayeloman monggotak yi wae. Kinogobamini inikilom kinombaruwak nduk, inigen wonogwe iinok mban eeko logorak ti mage o. Ata, ninowe ayuk wuko logonet, it yokkirogo menggaarak nogo abok aret, “E o,” yinuk, kiniki abe paga inake eerit nogo logonip o.