Nappiigak 2:45 - Ala Wone Peenok Peebi Mbanak

⁴⁵ it inamindik-inamendek nogo, onggo nggerembunuk, it ambi inamendek lek kenok, tumburirogo nogogwaarak.

Nappiigak 2:45 ပူးပေါင်းရင်းမြစ်များ

Ndawi 112:9

Ineenggi lek iinok amendek tumburiranet nage, Obeelom mban eeppiinet nage nogo kobak arigin lek mondok aberak wonage, At obaabut abe kenok endage tiyappugwi iigak, at engga teeluk nege, Eeke logogin o.

Kini Wuppiige 19:17

Aap ambi nen aap ineenggi lek inabuwa nen wogorage ti, Aliku ALA wogorukwak wogorage me, Aliku ALA nen onggo aap ti wogorigin o.

Matiyut 19:21

Yoge mbareegi, Yetut nen, “Wulaga. An aap abu obeelom lombok logokit, mbake keenok, kamendek abok aret onggo mbangge logomenggendik, it inamendek lek nogo tumburira nak o. Tumburira nage keenok, kamendek abe mendek mbogut paga aret kolaamunggun o. Ti abu eeke logomenggendik perak, nimbirak nugu logowok nduk wa'nu o.”

Lukat 16:9

Nggween paga mendek aakumi ineenggi warak eekkologo menggaarak nogo paga aakumi yeenggwaaranet nogo logonet, lek age kenok, o mondok obeelom menggim time nen keyage warogo wokkinabuwak nduk, nggween paga mendek nogo paga kinoreewi kinom kunik eeginabit nugu logonip o, yinuk, yokkirage agarik o.

Lukat 18:22

Yoge nogo at Yetut konengge nagagerik, “Wone ti abok aret eeke menggendak kwe, ambiriluk perak, eeka'lek keegirak nogo yokkiri o. Kat kamendek abok aret onggo mbanogo it aap inamendek lek nogo tumburira nak o. Tumburira nage keenok, kamendek abe mendek mbogut paga wonage kaamunggun o. Ti eeke logomenggendik, nimbirak nugu logowok nduk, wa'nu o,” yinuk, yoreegerak.

Lukat 19:8

Yogo mbareegwa, at Takeyut nen it apit inenggaanom paga Yetut yoge logonet, “Nogoba o. An namindik-namendek mogonogo aap ineenggi lek kenok, wogorage, aap wi-wi aganake nagarak kero, obaane'me onggo 4 aret wogorage, eerikit o.”

Nappiigak 11:29

Yoragagerak nogo mbi noogelo age mbareegi, it Yetut oone waganggwi nogo nen iniki koonggo logonet, “Nit ninalitak ninamendek wonage nakkagak, kuwak eeppunuk, ninoreewi Ala apuri o Yureya wonogwe nogo inake nappiyaawok o,”

Nappiigak 4:34

It inanggween eege, it inawi wurik eege, onggo nggerembogo nagaatik, wu nogo it nappiigak inowagam pi nagaatak me, it ambi inamendek lek kenok tumburirogo nogogwaarak paga it inamendek lek ambi logolik o.

2 Korindut 9:1

It Ala apuri alik leenak o Yureya mendek yeenggwaaroorak wone nogo, nit liiru ambinom mbanogo nappinagi woroorak lek aret kwe, we mbuuluk irip paga iluk yi aret yokkiraawi o.

1 Yaya 3:17

Aap ambi eenggi warak nen ore aaninggin oba agaarak enegen kage kwe, abuwa mbaka'lek, “Obaalombok o,” yinuk, mbo pege kenok, Ala nen aakumi inabuwa mbake menggerak nogo mendek inikime wonage abu lek aret mbako logowok o.