Nappiigak 2:42 - Ala Wone Peenok Peebi Mbanak

⁴² It ti nen iniki ambit eeppunuk lambunik logonet, it nappiigak nen wone mamunirogwe nogo liirogon konenggwi, inom mbi amburu nunggwi, tamban eekwi, togop mban eeko nogogwaarak.

Nappiigak 2:42 ပူးပေါင်းရင်းမြစ်များ

Lukat 24:30

Unggwi nage nagagerik, inom mbi nawok nduk, kwi'na'nuk, mbi eenggime woppunuk, “Nogoba wa,” yinuk, karerogo tumburirakit nduk eeke mbareegi,

Lukat 24:35

Iigo nogogwaarik, tu nogo logonet, eereegwaarak inom, mbi karerogo tumburirage kagak at yelok kogogwaarak nogo inom, abok aret mbininogo yorogogwaarak.

Nappiigak 1:14

It kumi ando inom, at Yetut agalo Mariya inom, Yetut awuri ambokan mendek inom, time inom lambunik logonet, iniki ambit a'nuk tamban mban eeko nogogwaarak.

Nappiigak 11:23

At Mbaranabat nogo iniki kwi'ndak me, iniki abet mbake logonet, yungguppegak eeke logolik Aberiniki inikime mondok liinik wonage me, nappereegwaarak. Nappereegwaarak nage nagagerik, at Ala iniki kunik en eeppiige nogo enegen kage nagagerik, iniki ale'nggen ambik a'nuk, “Kit kiniki mondok nu'lek logonet, ninogoba Yetut oba panggombunuk logonip o,” yinuk, inaruk wake nagagerak. Inaruk wake inom wonage me, ambi nabek unggwagak mban eeko logonet, Ala apuri ambik aret ogogwaarak.

Nappiigak 14:22

O nogome yanggwagak nogo logonet, “At Ala abu'me unggwi noorak ti, aaninggin-paaninggin ninoba arit unggwage tit kagak aret unggwi noorak o,” yinuk, it Yetut oone waganeegwaarak nogo, iniki eyak wappiigwi, “Wone abet mbakotak nogo mbo puurak mage o. Ata, kiniki nu'lek eeppunuk logonip,” yinuk, kini wuppiigwi, eerit nogogwaarak.

Nappiigak 2:46

It nogo iniki ambit a'nuk, ko'lu-kii'me Ala awi wurik me kuwak ari unggwogwe, iniki mot-mot logonet, ale'nggen paga iname lombok mbi karerogo punuk nunggwi, eeko nagaatik,

Nappiigak 20:11

Yoraanuk, iyokan lagi nage nagagerik, roti karerogo nenok, at inom wone mbanggwi iigak, o wikit nduk kilim nagake kagak, teppiinok nagagerak.

Nappiigak 20:7

Tamban eekak yuurak ne iyaalok warennagagerak Hari Minggu paga mbi karerogo nawok nduk kuwak eereegurak me, at Pawulut ko'lu naakit nduk eeke logonet, wone yorage kagak, oonikiya nogo iniki agagerak.

Nappiigak 4:23

Piinogo wumbiigo mbareegwa, Peterut Yaya imbirak nogo inoreewi wonogwe me nogo nogogwaarik, it Ala unde inoweewi inom, it aap inanggok inom, nogo nen yorogogwaarak wone nogo mbininogo inoreewi yorogogwaarak.

Nappiigak 4:31

Tamban eeko mbareegwa, o it wonogwe nogo nuk ari logonet, Aberiniki inikime lik yi unggwage mbareegi, inagabiti lek logonet, Ala wone yoranet nugu nogogwaarak.

Nappiigak 6:4

Mippiyamonggotak wone yi, it nen mban koonggwi iigak, nit nen ta, Ala wone mban yorogwe, tamban mban eekwi, eeko logogun o,” yinuk, yorogogwaarak.

Oroma 12:12

Kiniki muk ambi lunik wonogwe me, ale'nggen mbakwi, aaninggin-paaninggin kinoba age kagak kinogogumbuk logonet waganggwi, tamban eeriyak mbo pega'lek kulinik-kalinik eekwi, eeko logonip o.

1 Korindut 10:21

Ninowe amiya kwak amburu toolak inom, kugi Tile agi toolak inom, imbirak lambunogo punuk nenggak yuurak mondok meek o. Ndi, ninowe ambi larak inom, ti'nuk, kugi Tile ambi larak inom, imbirak lambunogo punuk, noorak ti kunduk, abu meek mban o.

1 Korindut 11:2

Kit nen kulinik-kalinik noba aberak logonet, yi wone ndi wone yokkirage nagagirak nogo, liippunuk eerit nogwe me, “Kit iya lombok,” kinombake agarik o.

1 Korindut 14:6

Togop me, noreewi o. An kinowagam wage logominggirik, Ala nen paganogo yo'nege kagak, yokkirage, wone ambi liirogon kineenu eeppinagage, Ala wone yokkirage, wone mamunggirage, eeka'lek logonet, we noone lalin aret woppunuk, yokkiroorak mban kinowagam wage neenok, “Yi nano eeppinanikit nduk wagarak?” nombarumunggup nogo lek a?

Nggalatiya 1:6

At Keritut kinabuwa mba'nuk kambeegerak nogo paga, Ala nen obeelom eerogo pinagakit nduk miikkinabeegerak nogo kagak mbo punuk, wone alik mendek ambi mbet-mbet woorak eekwi kiige nagarik, “Wi!” kirage agarik o.

Epetut 2:20

O wuruwok nduk, o eyak aa'nduk wurabak kwak ti, Keritut Yetut aret o. Ndi, o eebe wurit laganggo logonet, abena pugu kwak ti, it nappiyareegerak mendek inom, it aap Ala wone yoraga mendek inom, nogo it aret. Ndi, ogumbaga pugwi kwak ti, nit abet mbareegurak Ala apuri nit nineebe aret o.

Epetut 6:18

Kinogogumbuk mondok kinom perenggologo logonet, Ala nen yeenggwaagiraawak nduk, Aberiniki nen yokkirage kagak, puk aga'lek Ala nggino yogwi, nogo yigin eekkinaka'lek kineenik logonet, it Ala apuri ake leenak abok aret inake tamban eekwi, eeko logonet,

Kolote 1:23

Keritut ti eereegerak nogo paga, Ala kinom lambumbinagareegerak me, wone obeelom wone kit konenggo nogogutik, abet mbako logonet, “Ala nen togop eeppinanigin kagi,” yinuk, kiniki lunik wonogwe nogo, mbo puurak mage o. Ata, o eyak wurabak kwak Keritut paga kiniki panggombunuk, wone abet mbareegutak nogo, kiniki nu'lek logonet, mugurok nogo logonip o. Ndi, obeelom wone yi awi ndi awi abok aret wiganinuk nage nogo ti, an Pawulut ninom aret yorage logokit nduk, Ala ayeloman agago paneegerak aret o.

Kolote 4:2

Ko'lu-kii'me nogolumok yega'lek tamban mban eeko logonet, Ala, “Wa!” mban yogo logonip o.

2 Timotiyut 3:14

kat perak, yi wone ndi wone, “Yi abet aret o,” yinuk, mamunggolagagindak nogo, nggirik-nggerok porogo logot o. Taamini nen mamunggireegwaarak nogo keenu aret.

Iberani 10:25

It aakumi nit Ala wone yogome ninom kuwak eekulik nogo kokwak kit togop eerugup o. Ata, niniki eyak wat-wat yogwe ti, “Yetut woroorak abu panggo yi wage kagi,” mba'nuk, niniki aganggen kerek togon ambinom eeko logowok o.

Iberani 10:39

It aap wone abet mba'nuk waganeegwaarak nogo, mbo pugwi iinok, Ala nen ineebe lek eerogo piyaagin nogo mendek nit lek o. Ata, it abet mbakwi iinok, mondok-mondok ineenik logorak nogo mendek nit aret ogoorik o.

1 Yaya 1:3

Nit ninogoba Ala aput Yetut Keritut imbirak ninom kunik wonogwe me, kit kunduk, ninom niniki ambit kunik logowok nduk, ninigen kogwe, ninaruk konenggwi, eereegurak nogo aret yokkirogo ogoorik o.

1 Yaya 1:7

Togop kwe, at Ala o eya paga wonage menggi kwak, nit o eya paga nogwe niinok perak, ninoreewi ninom kunik aret logogun me, at aput Yetut amiya paga ninomaluk abok aret lek eerogo pinanegak mban eeke logogin o.

1 Yaya 2:19

It aap ti, aa'nduk ninom kuwak eeko nogogurak kwe, “It ti, nit mendek lek o,” yinuk, mbo pinaninuk mbaganeegwaarak. “It aap ti, nit mendek aret,” mba'netak en, ninom aret logonetak kwe, “It ti, nit mendek lek,” kin aruwak nduk, mbo pinaninuk mbaganeegwaarak o.

Yurat 1:20

Togop kwe, noreewi niniki kunik kit perak, kit kiniki kole aruwak nduk, wone abu alik leenak kit abet mbareegutak wone nogo mban eerit nogo logonip o. Ninowe Yetut Keritut ninabuwa nen mondok-mondok nineenik eeppinaniyak nogo, eeppinanuwak nduk, tokkogo logonet, Ala iniki kunik eekkinake nogo eeppinagagak mban eeke kogo logomunggup nduk, Aberiniki yokkirage kagak tamban eeko logonip o.