Nappiigak 2:40 - Ala Wone Peenok Peebi Mbanak

⁴⁰ Yorage nagagerik, wone ando ambik aret yorage logonet, “It aap o yogondak ndarak maluk eekwi ti, kinom maluk eekkinabukwak kinagap ndakkolaabagip nduk, kinom mondok ogoorak logonip o,” yinuk, inaruk wake, oone nabek togon yorage, eeke nagagerak.

Nappiigak 2:40 ပူးပေါင်းရင်းမြစ်များ

Kini Wuppiige 9:6

Kinale'nggen logonet, kineenik logomunggup nduk, Kiniki lek wi negen eerit nugwi ti, mbo punuk, Yi wone ndi wone ineenu nen eeko menggam mugurok nogo logonip o.

Yeremiya 51:45

“Togop me, it an napuri o time nen mbo punuk, mbaganggo logowak o. Inili eekko'nok mbaganggwi, Naliku ALA nanini kani kunik negen inoba piige me, it nggelenogo piyookwak, Inagap ndakko'nok kole mbaganggwi, Eeruwak o.

Matiyut 12:34

Waalo aakumi inooka kuwak eerak pogom kit aret o. Ninikime uum kilu-kilu wungge logonet, ninambe paga yogo monggoorak me, kit abu maluk logonet, kinoone paga nonggop togon wone obeelom yuurak? Meek o.

Matiyut 16:4

Kit aakumi o yogondak wonogwe nogo nen Ala mbo pogo nogootik, maluk lombok eerit nugwi yi, Nineenu ariyak mendek ambi eeke keyaawi o, yo'nugwi kwe, kineenu ariyak nduk, alik ambi eeke neyaamunggup lek o. Ata, at Ala yoge kagak yoraga Yunut nogo nen ineenu ariyak mendek eereegerak nogo mban eeke neyaamunggup o,” yinuk, yorage nagagerik, it aap nogo mbo piinok nagagerak.

Matiyut 17:17

Yoge mbareegi, at Yetut nen, “Wologwe! Kit aakumi yogondak wonogwe kiniki noba panggombunuk, abet nombaka'lek lambek nugu monggotak yi, an ne mande ninom logonuk name nagin kwe? Ne mande niniki yanggo yinuk, kit ninom logogin kwe? Wulaga ti, wonok wa'nip o.”

Matiyut 23:33

Kit waalo muuru nogo mendek awi wiganak yi, Ala nen owak loonogo kani omoonuk wunuk mban ari menggim time nappinagage kenok, nonggop togon kole mbaganumunggup o? Abu meek aret o.

Marakut 8:38

It aakumi abok yi, Ala mbo punuk, maluk mban eerit nugu menggaarak kinom aret logonet, aakumi kinagabiti nen an noone mbo punuk, naana'le mbangga'lek logomonggotak kenok, an aap aret nda'nagagirak yi, peebi an nogoba amindik-amendek li'luk ee'nuk, at ake eeko logorak leenogo piyareegirak malayikat nogo, ninom wogo logomonggoorik, an kunduk, aakumi nagabiti nen kinaana'le mbanigin lek o,” yinuk, yoragagerak.

Lukat 16:28

An nowe-nawot ineebe 5 name wonogwe me, yagan wako menggam yime wogwe iyo, an nogobamini iname kurumbi yora nawak nduk, aap Latarut ti, nappenok nduk, yokkege agarik o, obak!

Lukat 21:36

Ti eekkinaburak nogo kinomaawi togon kinogogumbuk logonet, waganggo logomonggotik, an aap aret nda'nagagirak nenggaanom paga mi'narubagip nduk, tamban mban eeko logonet, kiniki tum wakkologo logonip o,” yinuk, yoragagerak.

Yaya 21:25

At Yetut ambinom ambik lombok eeke nagagerak me, at eeke nagagerak nogo abok aret mbinuk-mbenak eerogo mbuku paga mbaninetak en, o nggween paga yime abu yagabit ngga pubok a'netak mbaki o.

Nappiigak 10:42

Eenik agago mippege mbareegi, at Yetut nogo nen, It ineenik wonogwe inom, kambeegwaarak inom, inowak looninaburak Ala nen mippereegerak nogo ti, Yetut aret o, yinuk, liirogon paganogo yoranet nugu logonip o, yo'niragagerak.

Nappiigak 15:32

It Yurat Tilat imbirak Ala nen yorage kagak yoraga mendek me, it inoreewi Ala apuri time nogo yi wone ndi wone ambik yorogo logonet, iniki eyak wappiigwi, iniki kole eeginakwi, eereegwaarak.

Nappiigak 20:11

Yoraanuk, iyokan lagi nage nagagerik, roti karerogo nenok, at inom wone mbanggwi iigak, o wikit nduk kilim nagake kagak, teppiinok nagagerak.

Nappiigak 20:2

Nage nagagerik, o yi awi ndi awi time yanggwagak nage logonet, iniki eyak wappiinet nagagi-nagagi o Yunani aret ari nagagerak.

Nappiigak 20:21

Mamunggirage nagagirak nogo ti, kit Yakuri mendek inom, kit Yunani mendek inom, kit maluk eeko monggotak kiniki koonogo mbo punuk, Ala owagam wogwe, kiniki ninogoba Yetut Keritut oba panggombunuk abet mbakwi, eerubagip nduk, liirogon yokkirage nagagirak o.

Nappiigak 20:24

Togop kwe, An neebe neenik logorak iya lek o. Ata, Ala iniki kunik en eeppinanege menggerak wone obeelom wone yorage logokit nduk, nogoba Yetut nen yabu unde eeppaneegerak nogo, mbo pega'lek worok togon eeriyak ti mban iya mbake minggirak me, eerit nage agarik o.

Nappiigak 20:9

wulaga ambi endage Eyutikut pugagi ambe mbanak paga kwi'ndak wonage me, nogo wulamo'ndi ari logonet, uu'ngguluk wambeegerak. Uu'ngguluk wangge mbareegi, kanggerak nduk waganeegwaarak mendek,

Nappiigak 28:23

Ndi, “Ne ndi paga ambinom yo'niraawak o,” yinuk, koonogo pereegwaarak nogo eyom ari wage mbareegi, at Pawulut wonage me ineebe ambik aret kuwak ari wogo mbareegwa, Pawulut nogo o kuubondendok nen Ala abu'me piyoorak wone nogo amburu liirogon mbanogo yorage, ndi, Yetut eereegerak wone nogo liirogon ineenu aruwak nduk, Muta liiru mbaneegerak wone inom, it aap Ala yorage kagak yoraga nen yorogo nogogwaarak wone inom, mbininogo yorage, eeke tit kagak, o kiyoma aret agagerak.

Nappiigak 4:36

Togop eekwi wonogwe me, aap Lewi mendek ambi endage Yutup, awi Tipurut mendek me, it nappiigak nen endage ambi Mbaranabat yogo nogogwaarak. Nit ninoone paga endage ti, “Iniki Yanggongga o,” yogo monggoorak.

2 Korindut 5:20

Togop kenok, nit Keritut obaane'me oone wonok yoranet nugu logowok nduk, mippinaneegerak logonet, Keritut eereegerak ti paga, “Ala kinom ogoorak logorak lek o. Kinom lambuninip o,” yinuk, Ala nen oone nabek togon yokkirobogom nit aret yokkirogo ogoorik o.

Nggalatiya 5:3

Kit kinagabolo mbaniyak mbakwi kenok, wone, “Yogop ee'nu, ndogop ee'nu,” yugu liiru mbanak nogo, ambiriluk ambi eeriyak lek ti lek mondok tigitogon eeko logorak ariyak me, mbo pubagip nduk, muk yokkiragagirak me, ne ambinom yokkiragi o, noreewi.

Epetut 4:17

Togop me, noreewi o. “It aakumi Ala wone konenggulik endekem mendek nen we aanom warogo koombunuk, eerit nogo mengga kwak, kit togop eerugup o,” yinuk, ninowe nen yo'nege kenok yokkiragi o.

Pelaareegerak 32:5

It aakumi nda'nogogwaarak yi ti, Aliku ALA enggaanom paga eekulik mendek maluk lombok kagak eekwi, Ineraambe maluk me, at apuri ariyak kunduk, abu meek aret wonogwe, It ineraambe abu nggolo lombok logonet, yenenak-wanenak eekwi, Eeko menggaarak me,

1 Tetalonika 2:11

Ala mondok tiyanak logonet, “Kit tiyappinagakit nduk, nabu'me woraanip o,” yinuk, ayonggo pinagareegerak nogo, iniki mbake ndak-ndak eerit nogo logobagip nduk, aap ambi apuri kenok yorage nogo kokwak, nit togop aret niniki aganggen kerek togon kit kinalitak lombok kinaruk wakwi, kiniki eyak wappinagagwi, kini wuppinagagwi, eeko nogogurak nogo kineenu aret o.

1 Timotiyut 4:16

Kobaabut eeke menggendak inom, wone mamunirage menggendak inom, liippege logot o. Wone yi, mondok liirogon porogo logot o. Porogo logonet, liirogon eeke keenok, it aakumi kat koone konenggwi nogo inagap ndake, ndi, kat kunduk kagap ndakkolage, eerumunggun o.

1 Peterut 5:12

Wone yokkirage ti abok aret at iniki kunik nen obeelom eeppinanege menggerak Ala nogo nen an ndak-ndak eeppanege kagak paganogo yokkirage me, “Yi abet aret eeppinanege menggerak o,” yinuk, kiniki eyak wappinagawak nduk, at li'lak mban eerit nage kage minggirak ninore Tilat nogo nen yeenggwaanege kagak, liiru yi, we nggaruk togon mbanggirage kwe, wone yi ti, mondok iya me, porogo logonip o.