Nappiigak 2:37 - Ala Wone Peenok Peebi Mbanak

³⁷ Yorage nogo konembunuk, iniki wakkologo nogogwaarik, Peterut inom, it nappiigak ando inom, kin wogiigo logonet, “Noreewi o. Togop me, nit nonggop eeruwi o?”

Nappiigak 2:37 ပူးပေါင်းရင်းမြစ်များ

Ndawi 73:21

An niniki andi lombok ee'nake, “Eeppanega'lek ao,” yinuk, Luwaap ngguurik negen malonnirit nege, Eerak negen logonet,

Wone Alom Kibingga 12:11

Aap iniki warak nen wone yogwe nogo ti, yawi wam teegak kwak wonage, ndi, wone yogo nogogwaarak kuwak eerak nogo ti, pulu eyo paga warak kwak wonage, eerak menggerak me, wone ti abok aret at ndegenninaka ambit nen aret wo'niragagerak o.

Yetaya 21:12

Yo'nege mbaki, an tum waka nen onggo yoge logonet, “Lek o. O weerigin aret kwe, o kiip ari woraagin o. Ndi, kat kin wo'neyoorak mbake kenok, ambinom kin wo'neya wa'nu o,” yinuk, yoge kagarak o.

Yetikiyen 7:16

It ando inenggela'me nen peberagangge eerak mbaganit puut-puut paga ari namenggaarak wonogo logonet, it inobaalombok inomaluk paga towe puume inoone yogo mengga kwak iniki wakkologo logonet, Ai-au, yogwe,

Takariya 12:10

“An nen at Ndawut paga wiganak inom, it Yerutalem wonogwe inom, aakumi inabuwa mbakwi, inake tamban eekwi, eeko logowak nduk, inikime mambiige neenok, it an ndanuk togon nooremenggaarak nogo nen inigen neego logomenggaarik, aap ambi apuluk ambolom ndarak kangge kenok, abuwa nen aleenggu maake menggi kwak an nale yogwe, aap aput manggu ndarak kangge kenok, iniki wakkolage menggi kwak, an paga iniki wakkologwe, eerugun o.

Lukat 3:10

Yorage mbareegi, aakumi apit nen, “Togop kenok, nit nonggop eeruwi o?”

Lukat 3:12

Yorage nagagerik, wonage me, it o unde inake wu kuwak eeka nogo nen kunduk, “Yiime wuppinanuwak o,” yinuk, at owagam nogo nogogwaarik, “Ngguru wae. Nit nonggop eeruwi o?”

Lukat 3:14

Yorage mbareegi, it aap yigin unde nogo nen at yogo logonet, “Ndi, nit kunduk, nonggop eeruwi o?” yogo mbareegwa, at Yaya nen, “Aakumi inageerok wokkiraawak nduk, kinoone omaawi paga yoroorak ti mage o. Ndi, pilit wone aakumi inoba piyoorak ti mage mban. Ata, yabu eekwi onggo wokkirogwe iinok, Yi ndak-ndak aret wo'niraga, yinuk, waganggo logonip o,” yoragagerak.

Yaya 8:9

Wone yoragagerak nogo konenggo nogogwaarik, inoweewi inaa'nduk nggigik-mbonok nogwe, inawuri peebi togop aret nogwe, eeko mbareegwa,

Nappiigak 1:16

yorage logonet, “Nowe-nawot o. At Yurat ninom Yetut oone woppunuk, at eyabu eeko logowok nduk leenogo mippinaneegerak kwe, at eeriyak wone o aa'nduk togon Aberiniki nen Ndawut yoge kagak yereegerak Ala wone liiru mbanak nogo, a'me lik yuwak nduk, at Yurat nen yorage mbaki, Yetut eebe pigaganggaarak o,” yinuk, yoragagerak. (

Nappiigak 22:10

Yo'nege mbareegi, Nogoba o. An nonggop eeri? yoge mbareegi, at nogoba nen, Mi'na'nuk, o Ndamitik time unggwi nak o. Time unggwi nage keenok, kat yi eekak ndi eekak eeke logorak wone koonak nogo yokkirigin o.

Nappiigak 5:33

Wone ti konembogo nogogwaarik, inanini wu agan nage mbareegi, “Mondok inooruwok,” mbakwi me,

Nappiigak 7:54

Yoragagerak it wone amburu mbangga nogo inaruk konenggo nogogwaarik, inanini wu agan nage logonet, inambe mam kambumbunuk wonogwe iigak,

Oroma 7:9

Aa'nduk ti, Ala nen wone Muta yoreegerak nogo, an neenggo'lek logonet, ninikiigun teeluk nege nagagirak kwe, wone, “Eeriyak mage,” yugu nogo kin age mbareegi perak, maluk eeriyak ee'nake alom nogo ninikime pilak ari nagagerik, noorogo negen paneegerak o.