Nappiigak 2:22 - Ala Wone Peenok Peebi Mbanak

²² Kit aap Iterali mendek yi, wae. An yokkirage yi, liirogon konenggo logonip o. Ala nen aap Yetut Nataret mendek leenogo nappi wagagerak kit liippatubagip nduk, Ala nen omaawi eeppege kagak, at kinom logonet eerubok mendek eeke, inagabiti warak mendek eeke, tam warak eeke, eeke nagagerak kineenu nogo o.

Nappiigak 2:22 ပူးပေါင်းရင်းမြစ်များ

Yetaya 41:14

Kit abu ndeyak puron kwak Yakup mendek yi wae. Kinomaawi abu lek waalo mbonoon kwak Iterali yi wae. An lombok nen yeenggwa kiraagin me, kinagabiti mbarugup o, yinuk, An Kikak Nakeelik Nalik Leenak Wondet Eerogo Pinagaga kit Iterali kinogoba Naliku ALA nen aret yokkirage agarik o.

Matiyut 12:28

Ndi, an nen Ala Aberiniki nogo paga kugi nggiginogo wumbiige neenok perak, Ala abu'me pinagarak muk kinowagam aret wagaarak, mbako logonip o.

Matiyut 2:23

Nage nagagerik, o tini endage Nataret aret puk ari nagagerak. Ti nagagerak nogo ti, it Ala yorage kagak yoraga nogo nen, “At aap Nataret mendek aret yogo logogun o,” yinuk, yereegwaarak nogo, a'me aret agagerak.

Matiyut 9:8

Ti eereegerak nogo, it aakumi inigen kogo nogogwaarik, inagabiti a'nuk, “Ala nen it aakumi togop eeko logowak nduk, unde eerogo mippiige menggerak me, iya!” yinuk, wogoppereegwaarak.

Lukat 11:20

An nen Ala eenggi omaawi paga kugi nggiginogo wumbiige neenok perak, Ala abu'me pinagarak muk kinowagam wagaarak aret mbako logonip o.

Lukat 18:37

Yorage mbareegi, it aakumi nen, “Lek o! Yetut awi Nataret mendek nogo, tu yi paga wage kenok, agan wogo agaarik o.”

Lukat 24:18

it mbere nogo ambi endage Keleyopat nen at Yetut yoge logonet, “It aap nggiru yi awi ndi awi nen o Yerutalem unggwi wagaarak wonogwe nogo yogondak iluk eekerak yi, apit ineenu kwe, kat kalik keenggo'lek me wage nagandik, yagan ya?”

Yaya 1:45

“Nimbirak nawok nduk, mok o,” Piliput nogo yoge mbareegi, Piliput nen aap Natanayen kwaakkage nagagerik, yoge logonet, “Natanayen wae! At ambi woraagin o, yinuk, Muta nen Ala wone yugu liiru mbangge, ndi, it aap Ala nen yorage kagak yoraga nen kunduk, liiru mbanggwi, eereegwaarak eebe nogo ti, Yutup aput Yetut awi Nataret mendek aret me, muk wagaarak ninigen kogoorak o.”

Yaya 10:37

An nogoba eeke menggerak nogo, eeka'lek neenok, kit kiniki noba panggombunuk abet nombariyak lek ti op aret kwe,

Yaya 11:47

it aap Ala unde inoweewi inom, it aap Pariti mendek inom, nen aap wone amburu mbangga nogo kuwak eeppiigo nogogwaarik, yorogo logonet, “Aap ti, ineenu agak inagabiti warak mendek apit aret eerit nage menggerak me, nit nonggop eerumun o?

Yaya 12:17

It aakumi ambik Yetut inom logonet, Latarut kambeegerak eenik agago mippege nagagerik, ndoome nen wundi woraawak nduk, “Mok o,” yoge kogogwaarak nogo nen, “Yetut togop eeke kogoorak o,” yinuk, aakumi paganogo yoranet nogogwaarak.

Yaya 15:24

An it inenggela'me logonet, eekulik mendek eeke logonetak lek en, it maluk ineenggo'lek ugun aret logonetak kwe, yogondak perak, an eeke nagagirak nogo, it muk neego nagaarik, an nogoba nimbirak aret ineebi ninombako agaarik o.

Yaya 19:19

Piigo mbareegwa, at Pilatut nen, “Yetut Nataret mendek it aap Yakuri inowe endagembogut yi aret o,” yinuk, liiru mbanogo eyo karo-karo aago paga nabenogo puwak nduk yoragagerak.

Yaya 3:2

At nogo ne ambi oonikiya paga Yetut owagam wage nagagerik, yoge logonet, “Ngguru wae! Kat aakumi mamuninake logonok nduk, Ala nen nappagi wagaarak nineenu aret o. Aakumi Ala inom kunik lek kenok, ineenu ariyak inagabiti warak mendek kat eerit nege menggendak nogo, it nen eeriyak abu meek o.”

Yaya 4:48

Yoge mbareegi, Yetut nen at yoge logonet, “Eerubok mendek eeke, kineenu ariyak kinagabiti warak mendek eeke, eeke neyaamunggup lek kenok, kiniki noba panggombunuk, abet nombarumunggup lek kiigi o.”

Yaya 5:36

at Yaya nen an nabok paganogo yokkirage ti, meek negen. An abu worok togon eeke logokit nduk, nogoba nen yo'nereegerak eeke minggirak nogo paga nogoba nen nappani wagagerak nabok pagak ari nogo ti, mondok iya lombok aret o.

Yaya 6:14

Yonggologo pogo mbareegwa, aakumi nen ineenu ariyak inagabiti warak mendek eereegerak ti, inigen kogo nogogwaarik at yogo logonet, “At Ala nen yoge kagak yoraga o nggween paga yime woroorak nogo, yi aret wagaarak kogo o.”

Yaya 6:27

Mbi lek ariyak mendek nogo mban yabu eeko logogup o. Ata, aap aret nda'nagagirak an nogo nen mbi mondok-mondok logorak mendek wokkirage nogo koloorak yabu mban eeko logonip o. An ti mendek aret wokkirage logokit nduk, nogoba Ala nen ineenu agak eerogo paneegerak nogo o.”

Yaya 7:31

Ti eereegwaarak kwe, kagak, it aakumi ambik iniki at oba panggombunuk, abet mbareegwaarak. Abet omba'nuk, yogo logonet, “Aap yi, nineenu ariyak ninagabiti warak mendek eerit nege kogoorak nogo mbuuluk negen eerit nege, ndi, Ala nen leenogo mippereegerak nogo peebi wage logomenggerik, at nggwok eerit nege, eeke kaagun mbakop? Meek o,” yinuk, yereegwaarak.

Yaya 9:33

aap yi, Ala nen nappi woraanetak lek nen, yi eekak ndi eekak abok eeriyak mondok meek aret kaanetak.”

Nappiigak 13:16

yorage mbareegi, kin wogiigo mbareegwa, at Pawulut nogo mi'nage nagagerik, eenggi paga, “Puk logonip,” yoragagerak. Yorage nagagerik, “Kit aap Iterali mendek inom, kit Yakuri mendek lek kwe, Ala kinagabiti mbako monggotak inom, kinaruk logonip o, noreewi.

Nappiigak 14:27

O Andiyokiya unggwi wogo nogogwaarik, Ala apuri nogo kuwak eeppiinok, Ala eeppiige kagak eeginabit nogo nogogwaarak nogo inom, ndi, Ala nen it endekem mendek ninogoba Yetut oone abet mbaruwak nduk, tu koonogo piyareegerak nogo inom, wone mbininogo yorogo nogogwaarik,

Nappiigak 2:19

Agi mbogut paga nen tam warak mendek eeke, Ogu nggween paga nen eerubok mendek eeke, Eeke logonet, Inamiya inom, kani omoonuk inom, kaluk aagi inom, eerigin o.

Nappiigak 2:43

It nappiigak nogo nen eerubok mendek eekwi, ineenu ariyak inagabiti warak mendek eekwi, eekwi iinok, it nogo abok nen, “Ia! Ninagabiti o,” yinuk, pi waganako nogogwaarak.

Nappiigak 21:28

“Aap Iterali mendek yi wae! Mbet piga woraanip o. Aap yi nen, yi awi ndi awi mamuniranet nege logonet, nit ninabok mbanit nage, Ala wone yugu liiru mbanak nogo taganogo pit nage, Ala awi wurik yi, lek eeriyak agan nege, eeke menggerak yi aret me, pi'niraanip o. At nogo nen aap Yunani mendek wogoren, Ala awi wurik me unggwi wage nagaarik, mage menggim maluk eerogo pegerak o,” yinuk, inoone ya-mba yorogogwaarak. (

Nappiigak 22:8

Naruk konengge nagagirik, Ai, nogoba. Kat ta o? Yoge mbareegi, Lek o. Kat keebi-keeba agago nooke menggendak Yetut Nataret mendek an aret o, yinuk, yo'nereegerak.

Nappiigak 24:5

Ari nagagerik, “Aap yi, aakumi ale-pale eeginabit nage logonet, it Yakuri yi awi ndi awi abok inikime manabit nege at aret kogoorak o. Aap Nataret mendek oone waganggo menggaarak inowe at aret o. Ndi, at Ala awi wurik me maluk eerogo pikit nduk eeke me pigaganggoorak o.

Nappiigak 26:26

Nogoba Agiripa wae. An yorage minggirak ti, mina paga yorage logolik o. Wone an yorage minggirak nogo ti, kat nogoba Agiripa kunduk, keenggo'lek ti lek, abu keenu aret mbaki o. Wone ti abok keenu me, nagabiti lek logonet, yokkege agarik o.

Nappiigak 26:9

An aa'nduk togon at Nataret mendek Yetut ti, endage miyuk-meya eerogo pikit aret mbake nagagirik,

Nappiigak 3:12

Kuwak ari wogwe nogo at Peterut enegen iige nagagerik, it yorage logonet, “Kit aap Iterali mendek yi wae. Aap yi agaarak ti, nonggop nduk pi wako ogotik? Nit obeelom eeko monggoorak paga a, ninomaawi paga a, aap yi obeelom eekoorak me nduk, kinigen pe'niigo ogotik ya?

Nappiigak 3:6

Enegen pegiige mbareegi, at Peterut nogo nen, “Ninawu mbuti perak inom, emas inom, abu lek aret kwe, an unde minggirak ti, ambi wonage me, wokkiri o,” yoge nagagerik, “At Nataret mendek Yetut Keritut endage paga mi'na'nuk nege logot o.”

Nappiigak 4:10

kit inom, aakumi Iterali mendek abok inom, kineenu arubagip nduk alom liirogon yokkira o. At aap obeelom agaarak kinowagam mi'ndak wonage yi, at Yetut Keritut Nataret mendek kit eyo aago paga nabenogo wako mbakop, Ala nen kambunuk nogo menggam nen eenik agago mippegerak nogo endage paga abu obeelom agaarak o, yinuk, yokkirogo ogoorik o.

Nappiigak 5:35

Yorage mbareegi, wundi nogogwaarak iigak, it wone amburu mbangga nogo yorage logonet, “Kit aap Iterali mendek yi, wone ambi yokkira o. It aap yi, eeppiyoorak nogo liirogon aret koonggo logonip o.

Nappiigak 6:14

At aap yi nen ari logonet, Yetut Nataret mendek nogo nen Ala awi wurik yi, minogo pege, ndi, Muta lengganninabeegerak wone ninitok kunik eeko monggoorak nogo lek eerogo pege, eerigin o, yinuk, ari kogoorak o.”

2 Korindut 12:12

Kit nen, “Pawulut yi, Ala nen nappiigak mendek logowak nduk, abet aret leenogo pereegerak,” nombarubagip nduk, an niniki kwi'ndak kinenggela'me logonet, yokkirage neegak, kineenu ariyak mendek inom, eerubok mendek inom, kinagabiti warak mendek inom, abok aret Ala nen eeke nagagerak nogo o.

Iberani 2:4

“Wone yi abet aret o,” yinuk, waawok nduk, Ala nen ninagabiti warak mendek eeke, tam warak negen eeke, eerubok mendek eeke, eerit nage logonet, ninalitak lombok eeko logowok nduk, at Ala iniki mbareegerak nogo ndak-ndak Aberiniki nen tumbu'niragagerak kwe, mbo pugwi niinok, teppinanigin mbakop? Mondok lek aret o.