Nappiigak 2:20 - Ala Wone Peenok Peebi Mbanak

²⁰ An kinogoba Ala woroorak eyom pi wa'nakwi, Namendek li'luk ee'nuk wage neenok, Ia! yinuk, tiyappanugwi, Eekwi iigak, Oonegen apit age, tut inamiya negen age, eerigin o.

Nappiigak 2:20 ပူးပေါင်းရင်းမြစ်များ

Yetaya 13:10

Ti eeppiige neegak, Laaluguragan mbogut paga wonogwe inom, Laaluguragan ambit me ninggirik wonogwe inom, Inabinak pinda yogo menggaarak nogo lek age, Oonegen lagi wage nogo apit age, Tut kunduk abinak lek age, Eerigin o.

Yetaya 13:15

Togop arit wogwe iigak, ineebe niik eerogo wumbiya woraanuk, ndanu eerogo inookwi, Pippiinok, paloowi paga ndegenak-pegenak eerogo inookwi, Eeko logonet,

Yetaya 13:9

Naliku an ALA nen o nggween paga yime yi oone ndi oone lek eerogo pege, It aap maluk eeko menggaarak nogo inenggaawak lek eerogo piige, Eeriyak eyom panggoni wage me, Naliku ALA nanini nen alik negen eeppiinet nage, Niniki aagi inombake logonet, maluk eerogo piinet nage, Eeri woroorak ne ti, mondok iya aret mbako logowak o.

Yetaya 24:23

At Omaawi Lombok Menggerak Aliku ALA o kota Yerutalem puut Tiyon logonet, Endagembogut a'nuk wone lengganogo yorage, Aakumi at apuri inoweewi nen at abinak kwindagala aago logonet eerit nage inigen kaawak nduk eeke, Eeke kenok, Tut nogo nen, “Nabinak mbuuluk me nagabiti o,” ari, Ndi, mo nen, “An nenggali aga o,” yinuk, ari, Eerugun o.

Yetaya 34:8

Ti eerigin nogo ti, at Aliku ALA nen it aakumi maluk eeppiigo nogogwaarak onggo eeppiyoorak eyom punik wonage, O Tiyon eeppiigo nogogwaarak inawone mbanogo piyoorak tahun ambi koonak wonage, Eerak aret agaarik o.

Yeremiya 4:23

An nen o nggween yi pekkage logonet, Owak mbanak naalop-kaalop aago wonage kage, Mbogut paga nikkage logonet, o eya eeka lek aret kage,

Yowen 2:1

O Tiyon time oone nggwok eeka trompet nogo oone pu eekwi, At abuut alik leenak nogo paga nen punu negen agan nugwi iinok, kuum-keek yogwe, Eeko logonip o. Aliku ALA woroorak ne muk panggoni wage, Koorok aret panggo yegerak wonage, Eekerak me, Aakumi o yime wonogwe abok aret inaganak wako logowak o.

Yowen 2:31

An kinogoba Naliku Ala woroorak eyom pi wa'nakwi, Aakumi inamineeri ne agan nage, Eekwi iigak, Oonegen apit age, tut inamiya negen age, eerigin o.

Yowen 3:14

Aliku ALA nen aakumi inowak looniyak ne abu aret koorok panggoni wagaarak me, Inowak loonggo logowam kobappaga nogome aakumi ambik, ineebe apit aago kuwak eeri woraagun o.

Amot 8:9

“Ne ti paga ariyak nogo ti, o liingge kagak oonegen kilu yi nage, O liingge wonage kagak, o nggween paga apit age, Eeruwak nduk, eeppigin o.

Maleyaki 4:5

Naliku ALA woroorak ne abu nggwok aakumi inamineeri ne agan noorak mendek koorok panggoni wage kagak, an yoge neegak yoraga Eliya nogo, inowagam nappi wage neyaagun o.

Matiyut 24:29

Wone ambinom yorage logonet, “Kineebe aaninggin-paaninggin eeppinagago mbaremengga, Oonegen apit age, tut abinak lek age, Laaluguragan mbogut paga nen nggaru-nggaru nggween paga wambit wage, It mbogut oolo yime inomaawi menggaarak nogo, inaganak nugirage, Eerigin o.

Matiyut 27:45

Yogo mbareegwa, o liingge oonegen 12 kuli paga nen nok, oonegen 3 kuli ari nage kagak, o time apit aago aret wonagagerak.

Marakut 13:24

Wone ambinom yorage logonet, “Ti eyom paga aaninggin-paaninggin eeppinagago mbaremengga, Oonegen apit age, tut abinak lek age,

Lukat 21:25

Yorage nagagerik, ambinom yorage logonet, “Kineenu arubagip nduk, oonegen inom, tut inom, laaluguragan inom, ti abu alik tam warak negen eeke kaamunggup o. Ndi, o nggween paga yime yi yenggenak oonebu ari logonet, mondok kilaarak-mogonik eeke kenok, it aakumi inanebunu lombok abok aret, Yi nonggop eerit wage iya! yinuk, iniki abu ma'narugun o.

Nappiigak 2:19

Agi mbogut paga nen tam warak mendek eeke, Ogu nggween paga nen eerubok mendek eeke, Eeke logonet, Inamiya inom, kani omoonuk inom, kaluk aagi inom, eerigin o.

Nappiigak 2:21

Ti eeke mbaremenggi, aap ambi nen, Nogoba Ala o, yinuk, an nendage kunogo yo'neremenggerak kenok, agap ndarigin, yereegerak o, yinuk, at Yowen nen yoragagerak nogo arit wage yi aret o.

1 Korindut 5:5

“Ninowe Yetut woroorak eyom paga kiniki agap ndaruwak nen, yogondak keebe maluk eeppagage logowak nduk, ninowe Yetut awone kili'niragagerak nogo paga keebe apit aret Ibilit eenggi paga pagago o,” yinuk, yogo logomonggotik, mondok endekem wumbunu o.

1 Tetalonika 5:2

At ninowe woroorak eyom nogo ti, aap yogoot wagangga nen oonikiya wogo menggaarak nogo pogom woraagin ti, muk kineenu aret o.

2 Peterut 3:10

At ninowe woroorak nogo ti, “Ne ti eyom woraagin,” mbaka'lek kiigak, aap yogoot wagangga nogo pogom abera'lek me woraagin o. Ndi, wage kenok, mbogut yi, telangge logonet lek age, tut-laaluguragan mbogut paga menggerak inom, nggween yi inom, nggween paga wonogwe inom, abok aret kani nenet nage, eeke kaamunggup o.

2 Peterut 3:7

Ndi, yogondak mbogut-nggween ninigen kogo monggoorak yi nogo ti, peebi it aakumi Ala ineebi mba'nuk, maluk eeko menggaarak nogo inawone amburu mbanogo inowak loombunuk, ineebe lek eerogo piyoorak eyom nogo paga, o yi, kani pikit nduk, at oone paga porogo wonage wone nogo, it kobak logonet agan nugwi me, peebi age yobok paga eeke kaagun o.

Wayu 16:8

Malayikat ineebe 3 nogo nen Ala anini inarologowa'na toolak nogo kilirogo wuppogo mbaka, ambi nen arologowa'na toolak nogo oonegen paga kilirogo nappegerak. Nappege mbaki, oonegen nogo aganggen ambik age logonet, mo aganggen nen aakumi yaganinabit nage logowak nduk, omaawi eeppege kagarak.

Wayu 6:12

Ti'nuk, Ndomba Aagaluk nogo nen keele 5 maarak piingge nagaarik, ambi maarak nogo piingge mbaki, o mi nggwok nuk ari, kibiyan kiik worako mengga kwak oonegen apit age, tut aakumi inamiya negen age,