Nappiigak 19:34 - Ala Wone Peenok Peebi Mbanak

³⁴ at aap Yakuri mendek yelok kogo nogogwaarik, “Nit Epetut mendek ninowogolo Aretemit nggwok aret o,” yinuk, keekok kunik aret yogwe iigak, oonegen mbere agagerak.

Nappiigak 19:34 ပူးပေါင်းရင်းမြစ်များ

1 Endagembogut 18:26

Yorage mbareegi, tapi nogo wa nanuk wonok wogora wogo mbareegwa, warogo kani ndoonak paga nippunuk, o kuubondendok nen nok, liingge inagugi Mba'an endage kunogo wiigo logonet, “Ninogoba Mba'an wae. Ninoone konenu o,” yinuk, inoone nggwok paga yogak mban eekwi, kani ndoonak yendok-wandok yagan yobak-nggolak yogwe, eereegwaarak kwe, inogoba nogo oone ari, wone onggo yorage, eeka'lek aret wonagagerak.

Matiyut 6:7

It aap endekem konenggulik mendek nen, Ninoone nggorek yogwi paga aruk konenigin, mba'nuk, inoone nambi-namberak yogo mengga kwak, kit tamban eeko logonet togop eeko logogup o.

Nappiigak 16:20

It inoweewi o kota unde nogo inowagam piya nogo nogogwaarik, yorogo logonet, “Nit aap Oroma mendek nen eeko logorak mage yugu kagak, aap Yakuri yi, it eeko menggaarak mamunnirogo logonet, nit niname o kota yime naalop-kaalop eerogo pugwi iigo o,” yinuk,

Nappiigak 19:24

Aap mbuti perak ogobakkigika ambi endage Ndemeteriyut nen inowogolo Aretemit awi mbuti perak ogut ogobakkigike menggerak me, onggo nuukkoloorak nduk awuri ambik lengganinaketak ogobakkigikwi iinok, onggo nggwok wogorage nagagerak.

Nappiigak 19:26

aap endage Pawulut nogo nen, Kugiwak aakumi nen ogobakkigikwi ti, abe mendek lek o, yinuk, o Epetut yime nen mban lek o. Ata, o Atiya yi awi ndi awi time abok aret aakumi apit inikime manabit nege logonet, nomoninabit nage kinigen kogwe, kinaruk konenggwi, eeko ogotik o.

Nappiigak 19:28

Yoragagerak inaruk konembogo nogogwaarik, inanini wu agan nage mbareegi, “Nit Epetut mendek ninowogolo Aretemit nggwok aret o,” yinuk, keekok yereegwaarak.

Nappiigak 19:33

it Yakuri nen aap endage Alekandet nogo waganogo panggok irit oolo pi unggwogogwaarak me, it aakumi ando nen, “At yo'niraawak o,” yogo mbareegwa, wone onggo liirogon yoraakit nduk eenggi paga, “Puk logonip o,” yoragagerak mendek,

Nappiigak 19:35

Oonegen mbere age mbareegi, it aap o kota Epetut mendek wone koonggaatak liiru mbangga nogo nen, “Kinoone mage o,” yorage mbareegi, puk iigak, yorage logonet, “Kit aap Epetut mendek yi, ambi yokkira o. At ninowogolo yiindi nuuka aganggenggwi Aretemit awi wurik inom, yugum mbogut paga nen wambi wagagerak, Ninagugi yi aret o, yinuk, ogut porogo monggoorak nogo inom, unde nogo nit Epetut mendek aret me, yi aakumi ndi aakumi ineenggo'lek me, yogo ogotik?

Oroma 2:22

Kit nen aret, “Mbabi eeriyak mage o,” yorogo logonet kwe, nonggop nduk kit aret mbabi eeko monggotak? “Kugiwak ogole o,” yogo monggotak kwe, kit aret kugi awi wurik me unggunuk, kugiwak nogo aret kiraakko'nok wunggo monggotak nogo lek a?

Wayu 13:4

Ndi, waalo nggwok nogo nen at nggeewo negen niyome nen wundi wagaarak nogo, awone kiliregerak me, waalo nggwok nogo tiyappunuk, alut eekwi, ndi, nggeewo nogo kunduk alut eeko logonet, “Nggeewo yi kokwak ambi wonogwe mondok lek me, taani nen at inom wim namburiyak mbakop? Mondok lek aret o,” yinuk, at tiyappugwi, eekwi iigirak.