Nappiigak 19:26 - Ala Wone Peenok Peebi Mbanak

²⁶ aap endage Pawulut nogo nen, Kugiwak aakumi nen ogobakkigikwi ti, abe mendek lek o, yinuk, o Epetut yime nen mban lek o. Ata, o Atiya yi awi ndi awi time abok aret aakumi apit inikime manabit nege logonet, nomoninabit nage kinigen kogwe, kinaruk konenggwi, eeko ogotik o.

Nappiigak 19:26 ပူးပေါင်းရင်းမြစ်များ

Yeremiya 10:11

Togop me, kit Ala apuri yi wae. “It nen mbogut ogobakkigirogo pugwi, nggween nenaarogo pugwi, eerulik inagugi nogo, o nggween paga yime nen inenggaawak lek ogwe, mbogut abu'me o oolo ya'i nen ineebe lek ogwe, eerugun, yegerak o, yinuk, yi aakumi ndi aakumi yorogo logonip o,” yinuk, yegerak me, yokkiragi o.

Oteya 8:6

Lembu aagaluk ogut aago ti, an Ala lek o. Ata, it Iterali mendek aap eenggi amburu paga eeka ambi nen ogobakkigireegerak me, Lembu aagaluk ogut o Tamariya paga eerogo pugu ti, yigirogo mbo wurabigin aret o.

Nappiigak 14:15

“Wologo wae. Nit kit kokwak abe aakumi aret me, kit nonggop nduk yogop eeko ogotik? Kit yi eekak ndi eekak aanom warogo eeko monggotak yi, mbo punuk, at mbogut inom, nggween inom, yi nggwok yenggenak laut inom, yi mendek ndi mendek abok wakkagagerak Ala eenik menggerak nogo wone waabagip nduk, obeelom wone wonok yokkira wogoorak kagak kwe, eeko ogotik o.

Nappiigak 17:29

Ti kenok, nit Ala paga wiganak aret wonogwe me, at eebe alom ti, aakumi iniki koonogo punuk mbuti emas paga, mbuti perak paga, yugum paga, kugiwak negen ogobakkigirik ti kwak mbarugup o.

Nappiigak 18:19

Eeruwak mbangge nagagerik, o Epetut wunda wogogwaarak. Wunda woraanuk, Pawulut nen Piritikila Akwila imbirak time piinok, at alik it Yakuri tamban eeko menggam unggwi nage nagagerik, it Yakuri mendek Ala wone piinogo yoragagerak.

Nappiigak 19:1

At Apolot o Korindut wonage kagak, Pawulut nogo o Nggalatiya-Perigiya nggelok-nggobok time nage nagagerik, o Epetut unggwi nagagerak. Unggwi nage nagagerik, Yetut oone waganggwi ando time iya nage nagagerik, it yorage logonet,

Nappiigak 19:10

Eekwi iigak, tahun mbere eereegerak me, it Yakuri mendek inom, it Yunani mendek inom, o Atiya wonogogwaarak nogo abok aret ninogoba Yetut eereegerak wone konenggo nogogwaarak.

Nappiigak 19:25

It at awuri nogo inom, it aap ando yabu ti mendek eeko menggaarak inom, kuwak eeppiinok, yorage logonet, “Nawuri o, nit eekwi yi paga onggo nggwok kologwe kineenu kwe,

1 Korindut 12:2

Kit aa'nduk, Ala wone konengga'lek wonogo logonet, kugiwak nebet-ndalok ariilik mendek kagak, “Ndogop yo'nirage kogo,” yinuk, mugurok nogo nogogutak nogo, kineenu aret o.

1 Korindut 8:4

Ti kenok, “Wam kugi aanggo warak noorak ilik, mage a?” yinuk, yogwe ti, at Ala alik ambit aret menggerak me, nggween paga yime kugiwak abe mendek ambi wonage lek ti, nineenu aret o.

Nggalatiya 4:8

Kit aa'nduk Ala kineenggo'lek logonet, kugi ti, abe mendek lek kagak, inayeloman a'nuk inoone konenggo logonet, kugiwak ogobakkigippunuk alut eeko nogogutak kwe,

Pelaareegerak 4:28

Kit mappinagamenggerak time wonogo logonet, eyo mendek a, yugum mendek a, ineenggi paga inagugi ogobakkigirik nogo nen enegen pegiige, aruk konengge, ambe lagap ari, obari wunggage, eekeelik mendek kagak, Ala obaane'me mippunuk alut eeko logomunggup o.

1 Tetalonika 1:9

Nit kiya wogo mbareegu, wo'ninabeegutak nogo inom, kugiwak eeko nogogutak nogo mbo punuk, Ala abet aret eenik menggerak nogo mugurok nogo logobagip nduk miikkologogutak nogo inom,

Wayu 9:20

It ando andi nen kambulik teppiigerak ineenik wonogwe nogo nen, “Nit togop aret kambit nogwe niyo, ninagugiwak nogo ti, yi mendek ndi mendek inigen kogwe, ninoone inaruk konenggwi, tu nogwe, eekulik kagak we aanom warogo mbuti emas paga, mbuti perak nogo paga, mbuti tembaga etenggen kunik negen nogo paga, yugum paga, eyo paga, ogobakkigirogo punuk, alut eekwi, kugi inendage tiyappiigwi,