Nappiigak 19:19 - Ala Wone Peenok Peebi Mbanak

¹⁹ It kugi unde ando kunduk, kugi eeruwok nduk mbuku mbanak pekkagak eeko nogogwaarak nogo, wonok aakumi abok inenggaanom kani kuneegwaarak. Ndi, inambuku kani kuneegwaarak onggo ineenggi lingginggo logonet, wu ambik, satu milyar ndak-ndak aret kogogwaarak kwe, kagak kani kuneegwaarak.

Nappiigak 19:19 ပူးပေါင်းရင်းမြစ်များ

Wakkagagerak 35:4

Yorage mbareegi, it nogo nen inagugiwak nogo inom, inaruk tiimba pugunik inom, abok aret kuwak eeppunuk muunogo Yakup wogori wogo mbareegwa, at Yakup nen wonok eyo teno alome o Tikem koorok time aret nggween taambereegerak.

1 Mbinineegwaarak 10:13

Aap Tawun nogo at Aliku ALA liirogon mugurok nage logolik paga kambeegerak. At Aliku ALA wone yugu nogo liirogon eerit nage, ambi age kenok, Aliku ALA nen yoruwak nduk, yoge, eeke logolik o. Ata, aap kambeegwaarak inogoma nen, “Ndogop eeke logot o,” yoruwak nduk, inowagam nage nagagerak me, Aliku ALA nen warogo punuk, at abu'me piige menggim nogo, at Itayi aput Ndawut unde logowak nduk, mippereegerak.

2 Mbinineegwaarak 33:6

o Mben-Kinom Kobappaga time at apuri ineenik ngge-ngge agugi ake kani kungge, magagirak iyagalo age, tili pagangge, kuguruwo ayonggo pege, aakumi inogoma wiiraga inowagam nage, kambeegwaarak kin aruwak nduk, eeppiiga inom wone mbani nage, eerit nage logonet, Aliku ALA enegen kagak maluk lombok eerit nage nagagerak paga Aliku ALA anini mbareegerak.

Wundeegwaarak 32:20

Nappege nagagerik, tapi aagaluk ogut ogobakkigirogo pereegwaarak nogo waganogo kani paga worarogo wun pogom yigirik-noonom agago punuk, niyo inom nenggelak-kenggelak eerogo it aakumi Iterali mendek nawak nduk wogoragagerak.

Wundeegwaarak 7:11

Waalo aret age mbareegi, at Pirawun nen o Metit time aap kugi alom ineenu inom, tili pagangga inom, wiiragagerak wogo nogogwaarik, inalitik-inalitak inowaanggun woppunuk, inikime nen mban inagugi nogo linogo mbo nappogo mbareegwa, waalo aret agagerak kwe, Karun owaanggun nogo nen perak, it inowaanggun nogo tigitogon aret nenggegerak.

Wundeegwaarak 7:22

Ti eereegerak nogo it aap Metit mendek kugi alom ineenu nogo nen inagugi nogo inikime nen mban eeko mbareegwa, niyo nogo amiya age mbareegi, at Pirawun nogo Aliku ALA aa'nduk yereegerak nogo ndak-ndak iniki omaawi age nagagerik, it Muta Karun imbirak inoone konenulik mbo punuk,

Yetaya 30:22

Kinagugiwak mbuti perak paga nabenak inom, kugi ogut ogobakkigirik mbuti emas paga nabenak inom, “Yi maluk ogole warak aret,” mbakwi, ndi, kumi tut kagaatak inayum paga lenggenak mbo pogo mengga kwak, “Kugiwak inom, kugi inogut inom, yi, yayi logorak lek o,” yinuk, mbo wumbugwi, eeko logomunggup o.

Yetaya 8:19

Aakumi nen kit yokkirogo logonet, “It aakumi ambi mendek nen ambi age kenok, inagugi yoroorak lek mbakop? Eeriyak nonggop o? yinuk, it aakumi ineenik wonogwe nogo inake it kambeegwaarak yoroorak op nogo lek a? Yoroorak op aret me, it aap yagap wone yogwe, inoone mumun paga yogwe, eekwi nogo tili pagangga inom, aap inogoma nggiiraga inom, yoret o,” yinuk, yokkirogwe iinok,

Ndaniyen 2:2

Meek age mbareegi, it kugi alom ineenu nen yoraga inom, inagugi nen yorage kenok, yoraga inom, it aap tili pagangga inom, laaluguragan pekkenok yaga inom, abok aret nen abi kagagerak eebe nogo mbininogo yoruwak nduk, wiiragagerak. Wiiragagerak owagam mi'nari unggwogo mbareegwa,

Ala Unde 13:52

yi mendek ndi mendek ku'lu eerogo pit namenggerak abu maluk nogo ti, ogole warak lombok me, ambinom ku'lu eerogo pit nookwak, yi mendek ndi mendek eeko menggaarak kagak, tigitogon kani nen nawak nduk, kumbuwak o.

Lukat 14:33

Ti eeko mengga kwak, kit ambi kinamindik-kinamendek apit aret mbo pega'lek kagak an noone waganggwi mendek arumunggup lek o,” yoragagerak.

Lukat 15:8

Ti yorage nagagerik, ambinom yorage logonet, “Kwe ambi wu 10 porogo wonage me, ambiret kobak age kenok, ndi wunimbunuk, liirubu koorogo nagake logonet, puk aga'lek kwaarit-mberaarit eeke nagaatik, kwaakkage menggerak nogo lek?

Nappiigak 13:6

Yi yenggenak oolo nggween kup mbanak me nogome ambime unggwagak eerit o Papot unggwi nogogwaarak. Unggwi nogo nogogwaarik, aap Yakuri mendek ambi endage Mbareyetut tili pagangga me, tili pagangge logonet, pilit pugunit nege menggerak nogo inom aabuk ogogwaarak.

Nappiigak 13:8

at tili pagangga nogo endage it Yunani inoone paga Elimat, ndi, nit ninoone paga Tili Pagangga yogo monggoorak nogo nen, iniki abut lagangge logonet, “Yetut wone abet mbarugun o,” yinuk, aap nogo inikime manabeegerak.

Nappiigak 19:18

It aakumi ambik abet mbareegwaarak nogo wogo nagaatik, “Nit togon maluk togop aret eeko nogoorak o,” yinuk, nggwok paga paganggo nogogwaarak.

Iberani 10:34

Kinoreewi ando keele maarak wonogwe nogo, inabuwa mbako logonet, yeenggwaarogwe, ndi, kinamendek ndinggola unggwogwe iigak, “Namendek abe mondok logorak mendek alik ambime wonage aret me, op aret kolaga o,” yinuk, kiniki ale'nggen mbakwi, eeko nogogutak me,