Nappiigak 19:17 - Ala Wone Peenok Peebi Mbanak

¹⁷ Eekerak yogwe nogo, it aakumi o Epetut wonogwe Yakuri mendek inom, Yunani mendek inom, abok aret konembunuk inagabiti ogo nogogwaarik, ninogoba Yetut endage tiyappereegwaarak.

Nappiigak 19:17 ပူးပေါင်းရင်းမြစ်များ

2 Tamuwen 6:9

Ndi, wareegerak kambeegerak ti paga at Ndawut nogo, Aliku ALA agabiti nen ari logonet, “At Aliku ALA aloobut mbanak yi, nonggop togon wonok name pi na o?”

Ndawi 64:9

Yi aap ndi aap abok aret Ala nen eeppiyamenggerak iigo logomenggaarik, inagabiti mbakwi, “Ala nen yogop eeppiigerak kogo o,” yinuk, wone wonok aakumi yoranet nogwe, Ala eeke menggerak nogo iniki koonit nugwi, Eeko logogun o.

Ala Unde 10:3

Kanggo mbareegwa, at Muta nen Karun yoge, “At Aliku ALA nen ari logonet, It aakumi abok an ninom kunik logokit nduk, Nowagam wogo logonet kenok, An mondok kikak nakeelik nalik leenak lombok minggirak inigen neegwi, Ndi, it aakumi Iterali mendek abok aret An mondok tiyanak neego logonet, nayuk wukwi, Eeruwak nduk, Eeppiyaagin o, yinuk, yereegerak nogo ti, yogobi eerukwak nduk, yereegerak o.” Ari mbareegi, aap Karun nogo oone ambi yaga'lek puk aret agagerak.

Lukat 1:65

Ti eereegerak paga it inom menggaarak nogo inagabiti ambik aganabeegerak. Ndi, it aakumi o Yureya nggelok-nggobok me wonogwe nogo nen eerit wagagerak nogo abok aret mbininogo yoranet nogo nogogwaarak.

Lukat 7:16

Agalo nogo wogoge mbareegi, it aakumi apit inagabiti ambik a'nuk, Ala wogoppogo logonet, “Aap Ala nen yorage kagak yoraga mendek nggwok ambi ninenggela'me nen mi'naga o,” yogo nogogwaarik, “At Ala nen at apuri wonde'niya wagaarak kogo o,” yinuk, yereegwaarak.

Nappiigak 13:12

Inowe gubernur nogo nen aap enegen mbuk agaarak kage nagagerik, “Inogoba Yetut wone mamunirogwe yi, abet aret kagi,” mbake nagagerik, “Wi!” yinuk, pi wareegerak.

Nappiigak 18:19

Eeruwak mbangge nagagerik, o Epetut wunda wogogwaarak. Wunda woraanuk, Pawulut nen Piritikila Akwila imbirak time piinok, at alik it Yakuri tamban eeko menggam unggwi nage nagagerik, it Yakuri mendek Ala wone piinogo yoragagerak.

Nappiigak 18:21

woraakit nduk eeke logonet, “Ala nen, Woroorak, mbake kenok, peebi kiya woraagin o,” yinuk, keyage wappiinok, o Epetut time nen yiiro paga

Nappiigak 19:1

At Apolot o Korindut wonage kagak, Pawulut nogo o Nggalatiya-Perigiya nggelok-nggobok time nage nagagerik, o Epetut unggwi nagagerak. Unggwi nage nagagerik, Yetut oone waganggwi ando time iya nage nagagerik, it yorage logonet,

Nappiigak 19:16

Yorage nagagerik, aap kugi ogole warak inikime wonagagerak nogo nen worak togon inoba luk ari nagagerik, tebenogo piinok, inooke mbareegi, it nogo oome nogome nen inagap mbelanak inamiya tene agan kole mbaganit nogogwaarak.

Nappiigak 19:18

It aakumi ambik abet mbareegwaarak nogo wogo nagaatik, “Nit togon maluk togop aret eeko nogoorak o,” yinuk, nggwok paga paganggo nogogwaarak.

Nappiigak 2:43

It nappiigak nogo nen eerubok mendek eekwi, ineenu ariyak inagabiti warak mendek eekwi, eekwi iinok, it nogo abok nen, “Ia! Ninagabiti o,” yinuk, pi waganako nogogwaarak.

Nappiigak 5:11

It Ala apuri kuwak eerit nogo nogogwaarak inom, togop agaarak yogwe koneneegwaarak nogo inom, it abok aret, “Ia!” yinuk, inagabiti alik negen eeginabeegerak.

Nappiigak 5:13

It aakumi ando ugun nogo nen, “It Ala apuri ti op aret eeko agaarik o,” yinuk, inale'nggen mbako nogogwaarak kwe, inagabiti nen inom kuwak eeka'lek aret wonogogwaarak.

Nappiigak 5:5

Yoge nogo Ananiyat aruk konengge nagagerik, kweyak togon nggween paga ngginna'nuk, taati aret kambeegerak. “Kanggerak o,” yogwe inaruk koneneegwaarak nogo abok aret nen, “Ia!” yinuk, inagabiti ambik ogogwaarak.

Pilipi 1:20

An eeke logokit nduk unde eeppaneegerak nogo, ando eeka'lek neenok, nenggali wappaniyak neebi me, “Ao,” mba'nuk, an neebe paga Keritut tiyappuurak mbake minggirak nogo, yogondak ndak-ndak mbake logonet, kambuurak kenok, neenik logorak kenok, “Op mban aret o,” yinuk, nagabiti mbaka'lek yoranet nege logorak uugwe lombok mbake agarik o.

2 Tetalonika 1:12

Ninogoba Ala at ninowe Yetut Keritut imbirak iniki kunik nen eeppinagagwi iigak, kit togop aret eerit nogo logonet, at tiyappugwi kiinok, at nen kit kunduk tiyappinagage logogin o.

2 Tetalonika 3:1

Ndi, ninoreewi o. Wone abu aret yokkirogoorak kwe, irip paga iluk ambi yi aret me, yokkiraawi o. Nit ninowe wone waganggo nogogutik, wiganinuk wundi nogo logonet, tiyappit nogo nogogutak nogo ti kokwak, nit togop aret yi awi ndi awi wiganinuk mbet-mbet nogo logowok nduk, ninake tamban eeko logonip o.

1 Tamuwen 6:20

Leenggu maako mbareegwa, it aap Mbet-Temet mendek nogo nen, “At Aliku ALA nogo ti, abu kikak nakeelik at Ala alik leenak menggerak me, ta nen at enggaanom paga eenik logorak mbakop? Meek aret me, Ala aloobut mbanak ti, nit wonogwe me yime logorak lek wonok nggeeme pi nawok o?”