Nappiigak 18:18 - Ala Wone Peenok Peebi Mbanak

¹⁸ At Pawulut o Korindut time logonet, nogo ambik yege nagagerik, ti'nuk, ninoreewi Ala apuri time iigak, at Akwila akweeluk Piritikila imbirak inom yiiro paga o Tiriya woraawok nduk, eeko logonet, at Pawulut nen ambi eeriyak Ala enggaanom yoreegerak nogo ndak-ndak o Kenggereya taati at eeruwak mbaneegerak.

Nappiigak 18:18 ပူးပေါင်းရင်းမြစ်များ

Linggineegwaarak 6:18

An Aliku ALA ake leenak logokit o, yinuk, yemenggerak yelok kaawak nduk, eeruwak mbangga'lek teppemenggerak nogo ninom lambungge minggim nawooliya wurik tungga paga taati nen eeruwak mbanogo punuk, nimbirak lambunik logokit nduk, nake warak kani nengge me, time mambuwak o.

Linggineegwaarak 6:2

“It aakumi Iterali wone yoroorak nogo yi aret. Aap ambi nen, An Aliku ALA ake aret leenak logokit o, yinuk, kumbuk mbangge menggi kwak, aakumi Iterali mendek aap a, kumi a, ineenik logonet, An Aliku ALA ake leenak aret logokit o, yinuk, kumbuk mbangge kenok,

Matiyut 4:24

Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.

Marakut 6:46

nogwe iigak, aakumi nogo iname nappiinok, tamban eerikit nduk puurom time laganeegerak.

Nappiigak 1:15

It time wonogwe iigak, ne ambi paga it aakumi abet mbareegwaarak nogo ineebe seratus dua puluh negen kuwak eereegwaarak inenggela'me Peterut nogo mi'nage nagagerik,

Nappiigak 15:23

nappiyaawok nduk, liiru mbanggo logonet, “Ninoreewi wa. Kinoreewi nit nappiigak inom, Ala apuri unde inom, nogo nen ninoreewi kit endekem mendek abet mbareegutak o Andiyokiya inom, o Tiriya inom, o Kilikiya inom, kit time wonogwe abok aret keyage wokkinako o.

Nappiigak 15:41

o Tiriya inom, Kilikiya inom, yi awi ndi awi yanggwagak nugu logonet, at Pawulut nogo nen it Ala apuri kuwak eerit nogo menggaarak nogo iniki nu'lek logowak nduk, yoranet nege nagagerak.

Nappiigak 18:2

O Korindut nage nagagerik, time logonet, aap Yakuri mendek ambi o Pondut nda'nagagerak endage Akwila, ndi, akweeluk endage Piritikila imbirak inom lambuneegerak. Aap endagembogut Kelawuriyut nen, “It Yakuri mendek o Oroma yime logorak lek o,” yinuk, wone lengganogo yoragagerak paga, aap akwe imbirak ti, awo nggeriluk o Italiya teppunuk, o Korindut wogogwaarak. Wogo nogogwaarik, time wonogo logonet,

Nappiigak 18:26

At agabiti lek logonet, it Yakuri tamban eeko menggam nogome wone yorage nagagerak. Yorage me, it Piritikila Akwila imbirak inaruk konenggo nogogwaarik, at Apolot wonok, iname nogo nogogwaarik, Ala eeke menggerak wone nogo liirogon mbinuk-mbenak eerogo yoreegwaarak.

Nappiigak 18:27

At Apolot nen o Akaya wunda naakit nduk, eeke mbareegi, it ninoreewi Ala apuri o Epetut mendek time nen, “Nage logot o,” yinuk, Yetut oone waganeegwaarak o Akaya wonogwe nen at keyage warogo waawak nduk, liiru mbanogo nappereegwaarak. Nappogo mbareegwa, wonok, wunda nage nagagerik, Ala inabuwa nen eeppiyareegerak paga abet mbareegwaarak nogo inom logonet, mondok iya lombok yeenggwaarage nagagerak.

Nappiigak 21:23

yinuk, wone koonggoorak, yokkugwi yi aret eeru o. Aap ineebe 4 nen ambi eeriyak koonogo Ala yogaarak ninom wonogwe me,

Nappiigak 21:24

yogondak kat kinom nage logomenggendik, it inoba mbeenogo pakwi, kat kunduk koba mbeenogo pake, eeko logomonggotik, it ineeruwak mbaniyaawak nduk, onggo kat nen pi nanu o. Ti eeremenggendak paga Ala wone yugu liiru mbanak kat kunduk eeke keenok, Pawulut eeke menggerak konenggoorak nogo, alom lek kagak yogwe iigo o, mbarugun me, togop aret eeri nanu o.

Nappiigak 21:3

Wogo nogogurik, o Tipurut nineebe kwaare'nggan nina wunggagak wogo logonet, yi mendek ndi mendek yiiro me yonggolak nogo o Tirut kilirogo wumbegak woraawok nduk, o Tiriya unggwi wogogurak.

Oroma 16:1

Nit niniri kwe Pebe nogo nen Ala apuri kuwak eeppunuk tamban eeko menggam o Kenggereya time mondok iya negen yeenggwaarage menggerak me, kinom logobagip nduk, nappi wagi ti o.

1 Korindut 9:20

An nen it Yakuri mendek Ala apuri eerogo piyaakit nduk, inenggela'me logonet, it Yakuri eeko menggaarak aret eerit nage, ndi, it wone Muta yoreegerak eeko menggaarak nogo, an togop eekeelik kwe, Ala apuri eerogo piyaakit nduk, inenggela'me logonet, Muta wone yoreegerak eeko menggaarak an ndak-ndak eerit nage,

Nggalatiya 1:21

An aap Kepat nimbirak wonagagirik, ti'nuk, o Tiriya inom, Kilikiya inom, wage nagagirik, o nogome enaagan-ambokan nege neegak,