Nappiigak 18:12 - Ala Wone Peenok Peebi Mbanak

¹² Ala wone mamunirage wonage me, at Nggaliyo aakumi Akaya mendek inowe gubernur mi'ndak wonage kagak, it Yakuri mendek abok lambumbunuk ambugwi mi'nogo nogogwaarik, Pawulut pippunuk eebe wonok, wone amburu mbanggo menggam pi nogogwaarak.

Nappiigak 18:12 ပူးပေါင်းရင်းမြစ်များ

Matiyut 27:19

Yorage nagagerik, owak looninake menggim taati kwi'na'nuk, wonage me, aap ambi wage nagagerik, Pilatut yoge logonet, “Pilatut wae. Kat kakwe nogo, oonikiya yi paga abi kage logonet, Aap ti iniki abu koonak kagak maluk eeppugwi, kage nagarik, niniki aaninggin ambik agaarak me, nore nen maluk eeppege kero, yori nak o, yo'nege mbaki, yokkiri wagi o,” yoreegerak.

Yaya 19:13

Yogwi nogo at Pilatut aruk konembunuk, Yetut wonok wungge nagagerik, wone inowak loonggo menggam endage, Yugum Ndoonak o, yogo nogogwam nogome aret kwi'nagagerak. (Yugum Ndoonak o, yogo nogogwam nogo ti, it Iberani inoone paga Nggabata aret.)

Nappiigak 13:12

Inowe gubernur nogo nen aap enegen mbuk agaarak kage nagagerik, “Inogoba Yetut wone mamunirogwe yi, abet aret kagi,” mbake nagagerik, “Wi!” yinuk, pi wareegerak.

Nappiigak 13:50

Pawulut Mbaranabat imbirak inooruwak nduk, it Yakuri mendek nogo nen kumi nggaganin Ala inagabiti mbako nogogwaarak inom, it o kota time mendek inoweewi inendage warak inom, inikime manabi nogo mbareegwa, o time nen mugogo wumbiyareegwaarak.

Nappiigak 13:7

At ore ti, aap iniki warak lombok nggween kup mbanak arum menggerak gubernur endage Terigiyut Pawulut aret me, at ti nen Mbaranabat Tawulut imbirak Ala wone yo'niruwak, mba'nuk inayonggo pereegerak kwe,

Nappiigak 13:8

at tili pagangga nogo endage it Yunani inoone paga Elimat, ndi, nit ninoone paga Tili Pagangga yogo monggoorak nogo nen, iniki abut lagangge logonet, “Yetut wone abet mbarugun o,” yinuk, aap nogo inikime manabeegerak.

Nappiigak 14:19

Teppogo mbareegwa, it aap Yakuri mendek o Andiyokiya inom, o Ikoniyum inom, nen wogo nogogwaarik, it inom aruwok nduk, aakumi inikime manabi nogo mbareegwa, it aakumi nogo nen Pawulut yugum toguurit wappogo nogogwaarik, “Abu kanggi o,” yinuk, niigogo o kota endekem nggwe mbo wumbereegwaarak.

Nappiigak 14:2

Abet mbako mbareegwa, it Yakuri ando abet mbariyak ineebi mbareegwaarak nogo nen it endekem mendek nogo inanini ogo logomenggaarik, Yetut apuri inom ogooruwak nduk iniki nggagani nogo mbareegwa,

Nappiigak 17:13

Abet mbako mbareegwa, it Yakuri o Tetalonika wonogwe nogo nen at Pawulut o Mbereya Ala wone yorage konenggo nogogwaarik, aakumi o Mbereya mendek wone munuurogo inikime manabi nogo mbareegwa,

Nappiigak 17:5

Iya wogo mbareegwa, it aap Yakuri nen, “Nit yogwe nogo aakumi konenuwak lak, it yogwe mban konenggwi yi, nineebi a!” yinuk, yogo logonet, it aap maluk eeko menggaarak ineenggi lebenak kunggo menggam wonogwe nogo mendek kuwak eeppiinok, it aakumi o kota time abok noone-koone yogo logowak nduk, inikime manabeegwaarak. Manako mbareegwa, it nen aakumi time wonogwe nogo inikime manabit nogo mbareegwa, aakumi ambik noone-koone agan, at Pawulut Tilat imbirak nggwok me inawone mbanuwok nduk, aap Yaton awi oonda mbaneegwaarak mendek,

Nappiigak 18:11

yoreegerak me, Ala wone mamunirage kagak tut 18 peneneegerak.

Nappiigak 18:27

At Apolot nen o Akaya wunda naakit nduk, eeke mbareegi, it ninoreewi Ala apuri o Epetut mendek time nen, “Nage logot o,” yinuk, Yetut oone waganeegwaarak o Akaya wonogwe nen at keyage warogo waawak nduk, liiru mbanogo nappereegwaarak. Nappogo mbareegwa, wonok, wunda nage nagagerik, Ala inabuwa nen eeppiyareegerak paga abet mbareegwaarak nogo inom logonet, mondok iya lombok yeenggwaarage nagagerak.

Nappiigak 19:21

O Epetut time togop aret eeko mbareegwa, at Pawulut nogo o Makendoniya inom, o Akaya inom, yanggwagak eerit o Yerutalem naakit nduk, iniki koongge logonet, “O time nage logominggirik, o Oroma kunduk ka nagin aret o,” ari nagagerik,

Nappiigak 25:10

Yoge mbareegi, at Pawulut nen, “At ninogoba endagembogut Kayitat wone amburu mbangge menggim yi aret me, an noba lenggenggaarak yi, yime nen aret nowak looniyak o. An nen it aap Yakuri mendek maluk ambi eeppiige logolik ti, kat abu keenu aret o.

Oroma 16:5

Ndi, it Ala apuri iname lombok kuwak eerit nogo menggaarak nogo inom keyage wappiigi o. O Atiya yi awi ndi awi time Keritut wone awo abet mbaka'lek iigak, aa'nduk abet mbareegerak nore niniki kunik Epenetut nogo keyage wappigi.

1 Korindut 16:15

At Tepanut apurilogwe inom o Akaya iyaalok togon Ala apuri ogo nogogwaarik, “It Ala apuri alik leenak yime wonogwe nogo, nit yeenggwaarogo logowok o,” yinuk, ineebi mbaka'lek inake nggwiirit-nggwaarit eeko nogogwaarak kit kineenu nogo o. It aap ti eeko menggaarak nogo inom, it abok ninowe eyabu liirit-laarit eeko menggaarak inom, inabu'me logonet, kinom eerit nogo logobagip nduk, yokkirage agarik o, noreewi.

2 Korindut 1:1

Ala iniki mbareegerak paga an Pawulut Keritut Yetut nen nappiigak agago paneegerak ninawot Timotiyut nimbirak nen, kit Ala apuri o Korindut kuwak eeko monggotak inom, it Ala apuri alik leenak o Akaya menggaarak inom, kinom abok aret wone ambi yokkiraawi o.

2 Korindut 11:10

“Namendek nalik nen eerogo nenet nage logonet, an iya eeke agarik,” mbake nogo, it o Akaya enaagan-ambokan menggaarak nen, “Ti eeke mage o,” yo'niriyak mondok lek aret o. An Keritut wone waganeegirak paga pilit yuurak lek me, abet aret yagi o.

2 Korindut 11:26

yi awi ndi awi nege me, niyo wurik wage logonet, wo'neren noorak eeke, aap yogoot wagangga nen nooriyak eekwi, an nowe-nawot aap endekem mendek inom nen maluk eeppanugwi, kota inom, karume inom, yi nggwok yenggenak me inom, noreewi pilit yogo menggaarak inenggela'me inom, it abok nen maluk eeppaniyak nduk, eereegwaarak kwe, a'me lik yuulik, mbeyok yereegerak o.

2 Korindut 9:2

Kit kiniki nen yeenggwaaroorak mbakotak nogo an abu neenu aret o. “Tahun aa'nduk nogo paga it o Akaya mendek nen Ala apuri o Yureya mendek yeenggwaaroorak iniki aganggen kerek togon muk kooneegwaarak o,” yinuk, it o Makendoniya mendek inenggaanom paga kit kooneegutak nogo wogoppinagage logonet, mbininirage mbaki, it ando nggwok nen, “Nit togon ndak-ndak yeenggwaaraawok o,” yinuk, koonggaarak.

1 Tetalonika 2:14

Noreewi o. It aap Yakuri nogo nen it Ala yorage kagak yoraga nogo inookwi, ninowe Yetut warogo pugwi, ndi, nit kunduk mugogo nappinanugwi, eeko nogogwaarak nogo nen it Ala apuri Keritut Yetut inom kunik logonet, o Yureya yi awi ndi awi kuwak eerit nogo menggaarak piyaginabit nogo nogogwaarak nogo ndak-ndak, it kinowe-kinawot nen kit togop aret eeppinagagwi iigak kinogogumbuk logonet, waganeegutak me, it inogogumbuk logonet, waganggo nogogwaarak ndak-ndak, kit togop aret waganggwi kiigi o. It Yakuri eereegwaarak nogo ti, it aakumi abok ineebi mbako logonet, inom ogoorak wonogwe me, Ala kunduk, inikilom inombakeelik mondok eebi inombake menggerak o.

1 Tetalonika 2:16

It aakumi endekem mendek Ala nen inagap ndariyak wone, “Kit yorogo logorak lek o,” yinuk, non mbambinanogo menggaarak me, it maluk ambi nabek mban eerit wogoga, wogoga, “Ti kuli ari nawak,” koonak nogo paga ari nage kenok Ala anini inoba piige menggerak nogo ndak-ndak, yogondak anini mondok it inoba piige agaarik o.

Yakobut 2:6

It aap ineenggi lek nogo, Ala nen aret miirinabeegerak kagak, kit nen meek eerogo piigwi kiigi o. Piyak-payak eekkinako logonet, niikkiren wone owak loonggo menggam pinagi nogwe nogo ti, it aap ineenggi warak nen eerogo pinagagwi nogo lek a?