Nappiigak 17:7 - Ala Wone Peenok Peebi Mbanak

⁷ at Yaton nen wogonakerak o. It aap ti, at Kayitat nen wone lengganggetak nogo taganogo pogo logonet, Ninowe endagembogut alik ambi wonage nogo ti, endage Yetut aret o, yinuk, yogo menggaarak o,” yoragagerak.

Nappiigak 17:7 ပူးပေါင်းရင်းမြစ်များ

Ndaniyen 3:12

Togop aret me, it aap Yakuri mendek o Mbaben yi awi ndi awi o yime wone lengganogo yorogo logowak nduk, mippiigendak at Tarerak, Metak, Abe'nego nogo perak, kat ninowe kendagembogut wone yagandak ti, it liippunuk, kagugi alut eekwi, kagugi ogut mbuti emas paga eerogo mippegendak nogo it tebe yinuk, ayuk wukwi, eeka'lek ina'me laakot aret wonogwe iigoorak o,” yinuk, yoreegwaarak.

Ndaniyen 6:13

Yorage mbareegi, it nen aap endagembogut nogo yogo logonet, “Ninogoba kendagembogut wae. It aakumi o Yekura nen kugun wogoren piya wogogwaarak ambi Ndaniyen nogo, kat ninogoba kayuk wuke, wone lengganak liiru mbanogo wumbegendak nogo eeka'lek mbo pege, eeke logonet, o ne ambit wege paga tamban ne kenagan eeke menggerak nogo ndak-ndak aret eeke kogoorak o,” yinuk, yoreegwaarak.

Lukat 10:38

Yetut at oone waganggwi inom nogo logonet, o yaga'lelo ambime unggwi nogo mbareegwa, kwe ambi endage Marata nen Yetut at ame unggwi woraawak nduk, yoreegerak.

Lukat 23:2

Wonok nogo nogogwaarik, inoone pilit at oba pogo logonet, “Aap yi, nit aakumi abok ninabut wurit nege logonet, aap endagembogut Kayitat o unde wonage onggo wu wogoriyak mage o. Kinowe endagembogut Keritut an aret o, agan nege me, kwaakkogoorak o.”

Yaya 19:12

Wone ti yoreegerak nogo at Pilatut aruk konembunuk, Yetut keele piinogo teppuurak aret eereegerak mendek, it aap Yakuri mendek inoone nggwok paga at yogo logonet, “Aap ambi nen, Nendagembogut aret o, ari kenok, aap ti, Kayitat imbirak ogookkolage me, kat aap yi, piinogo teppege keenok, kat Kayitat kimbirak kunik lek aret kombarugun o,” yinuk, yoreegwaarak.

Nappiigak 17:5

Iya wogo mbareegwa, it aap Yakuri nen, “Nit yogwe nogo aakumi konenuwak lak, it yogwe mban konenggwi yi, nineebi a!” yinuk, yogo logonet, it aap maluk eeko menggaarak ineenggi lebenak kunggo menggam wonogwe nogo mendek kuwak eeppiinok, it aakumi o kota time abok noone-koone yogo logowak nduk, inikime manabeegwaarak. Manako mbareegwa, it nen aakumi time wonogwe nogo inikime manabit nogo mbareegwa, aakumi ambik noone-koone agan, at Pawulut Tilat imbirak nggwok me inawone mbanuwok nduk, aap Yaton awi oonda mbaneegwaarak mendek,

Nappiigak 17:8

Yoragagerak nogo it inoweewi o kota unde inom, aakumi kuwak ogogwaarak nogo inom, inaruk konembogo nogogwaarik, inanini nen noone-koone yogo nogogwaarak.

Yakobut 2:25

Ti eereegerak ndak-ndak, kwe terak wuka Arakap nogo nen it aap Iterali mendek o pekkoorak nduk wogogwaarak nogo, inookwi iyo, kumaappiinok, tu alik paga nomonogo nappiyareegerak nogo paga, Ala nen, “Kwe yi, abe o,” yinuk, obeelom agago pereegerak nogo lek a?

1 Peterut 2:15

It wone lengganogo yokkirogwe nogo ndak-ndak eerit namonggotak paga, aakumi iniki lek we ugun agan nogo menggaarak nogo, at Ala nen, “Inoone taganogo piigo logowak,” kinombareegerak me, kinogobamini nogo nen wone lengganogo yokkirogwe iinok, “E o,” yinuk, konenggo logonip o.