Nappiigak 17:23 - Ala Wone Peenok Peebi Mbanak

²³ O kota yime kit kugi eerit nogo monggo'nom nenegen kanet nage logonet, kugi eeko monggo'nom ambi, Ninogoba Endage Nineenggo'lek Eeko Monggom o, yinuk, liiru mbanak pugunik nenegen kagarak. Kit kineenggo'lek logonet, ayuk wuppunuk alut eeko monggotak ti'nogo an nen yokkira o.”

Nappiigak 17:23 ပူးပေါင်းရင်းမြစ်များ

Ndawi 147:20

Ndi, eeko logorak wone nogo Yi aakumi ndi aakumi abok aret togop yoraga'lek Iterali mendek kenok mban yorage, Eereegerak o. Aliku ALA tiyappogo logowok o.

Ndawi 50:21

Kit ti eerit nugwi kiigak, An onggo eeppinagaga'lek puk aret wonage neegak, At ninom ndak-ndak aret, nombako monggotak kwe, Eerit nogwe nogo paga an nen mbekkirage, Yi aret eekotak o, yinuk, lok togon yokkirage, Eerigin o.

Yetaya 45:4

Nayeloman mini Yakup mendek yeenggwaarage, An leenogo piyareegirak Iterali yeenggwaarage, Eerenok nduk, Kat nen an neebe liippanega'lek keegak kwe, Kat kendage kunogo wiigege nagarik, yabu iya lombok unde logonok nduk, mippagagirak o.

Matiyut 15:9

It mamunirogo menggaarak ti, aakumi inoone yugu kagak, mamunirogo menggaarak me, Aanom warogo aret nalut ee'nako agaarik o, yinuk, yereegerak, nogo ti, kit yi eekwi kiinok aret yereegerak kagi o,” yoragagerak.

Yaya 17:25

Ai, nogoba! Kat kiniki mondok abe koonak mban menggendak o. It aakumi o nggween paga yime menggaarak nogo nen kat Ala ineenggo'lek kwe, an perak, kat neenu aret o. Ndi, kat nen abet aret nappani wagagindak nogo, it aap yi, muk ineenu agaarak o.

Yaya 17:3

It aakumi mondok-mondok ineenik logorak nogo ti, kat Ala abet aret kalik menggendak inom, ndi, kat nen nappani wagagindak an Yetut Keritut inom, ineenu ogwe ti aret o.

Yaya 4:22

Kit alut eeko monggotak eebe kineenggo'lek logonet, alut eeko monggotak kwe, at ninagap ndaka nit aap Yakuri ninenggela'me nen mi'narigin me, nit alut eekwi nogo perak, nineenu logonet, alut eeko monggoorak o.

Yaya 8:54

Yogo mbareegwa, at Yetut nen, “An tiyappake neenok ti, we aanom warogo aret tiyappatit nege o. Kit nen, Ninogoba Ala o, yogo monggotak nogo ti, an nogoba aret me, at nen mban tiyappanege menggerak o.

Nappiigak 17:30

O maan nen nineenggo'lek logonet eekwi niigak, Ala nen malenninaka'lek aret wonagagerak kwe, yogondak perak, nit yi aakumi ndi aakumi abok aret ninomaluk mondok mbo puwak nduk yo'nirage agaarik o.

Oroma 1:28

Ndi, it nen, “Ala ti abet aret wonage, yuurak kwe, ambi eeppinaniyak lek me,” mbako nogogwaarak paga, iniki lek negen a'nuk, eeriyak lek mendek kagak, eeko logowak nduk, Ala nen pulunogo mbo piyareegerak.

1 Korindut 1:21

At Ala iniki warak nen ari logonet, “It aakumi nggween paga mendek iniki koonit nugwi paga, an yelok neyaagun lek o. Ata, it an noone yorogo menggaarak nogo, aakumi nen, Ti aap wi inoone negen aret o, yinuk, mbakwi iigak kwe, wone nogo abet mbakwi iinok inagap ndarigin o,” yinuk, kooneegerak me, yokkiragi o.

1 Korindut 8:5

Mbogut paga nggween paga, “Ninagugi ambik wonogwe o,” yinuk, yogwe nogo ti, nit kunduk, “Nagugi nombo o, nowogolo o,” yinuk, ambik inowak mbanit nogwe iigo monggoorak kwe,

Epetut 2:12

Nogo ne ti eyom paga, it aakumi Iterali mendek mban Ala apuri leenak wonogwe iigak, kit Keritut kinom ogoorak logonet, we aakumi nggiru negen aret wonogogutak me, at apuri iinok, wone abok yoragagerak nogo, kit koloorak meek aret wonogogutak. Kit aa'nduk kinogoba Ala lek me, kiniki lunik ambi lek

2 Tetalonika 2:4

It aakumi nen yi mendek ndi mendek mippunuk, “Ninogoba Ala aret o,” yinuk, ayuk wukwi, kugiwak ogobakkigirogo punuk, alut eekwi, eeko menggaarak abok aret, at mondok maluk lombok eeka nogo nen tebenogo piinok, at alik tiyappake logonet, Ala awi wurik me mi'nari unggwage logomenggerik, “Kinogoba Ala an aret o,” yinuk, yorage logogin o.

1 Timotiyut 1:17

Ndi, yogondak, naput o. Yi o ndi o aakumi aa'nduk wonogogwaarak inom, yogondak wonogwe inom, peebi logorak inom, ninogoba endagembogut kanggeelik mondok itok eenik menggerak ninigen kogolik alik menggerak Ala nogo endage mondok-mondok tiyanak ayuk warak logogin o. Amin!

1 Yaya 5:20

At Ala aput wambi wage nagagerik, Ala ambit alik lombok menggerak nogo nit liippuwok nduk nineenu eeppinaneegerak o. Ndi, at alik lombok menggerak Ala aput Yetut Keritut imbirak ninom niniki ambit kunik aret ogoorik o. At Yetut Keritut ti, at alik lombok menggerak Ala nogo aret me, nineenik mondok logorak unde eeppinanege menggerak alom at aret o.