Nappiigak 17:18 - Ala Wone Peenok Peebi Mbanak

¹⁸ Eeke me, it aap yi wone ndi wone alom kibingga mendek Epikurot wone ari inom, Towa wone ari inom, agan nogo nogogwaarak nogo nen, Pawulut inom wone onggo-onggo yogo logonet, “Wone yogwe iigetak kambok agan nege menggerak yi, nonggop mba'nuk agan nege mbakop?” yogwe, ndi, at Pawulut nen wone obeelom wone Yetut eeke nagagerak wone inom, at eenik a'nuk mi'nagagerak wone inom, yorage kenok, it ando nen, “Lek o. Aakumi alik inagugi awone wonok wage nagaarik, ari kogo o,” yinuk, yogwe, eekwi me, yogo nogogwaarak.

Nappiigak 17:18 ပူးပေါင်းရင်းမြစ်များ

Kini Wuppiige 23:9

Kat kiniki warak nen koone yoremenggendak paga aap iniki lek wi nogo nen meek eerogo pagarak me, Aap iniki lek wi negen ti, wone yoriyak mage o.

Kini Wuppiige 26:12

Aap ambi iniki lek kagak iniki warak ombaruwak nduk wogoppake nogo kage menggendak ilik, lek a? Aap iniki abe wi nen iniki warak eekkoloorak ti, op negen kwe, aap ti perak, iniki warak eekkoloorak abu meek aret o.

Marakut 9:14

At oone waganggwi ando piinok laganeegwaarak nogo inowagam wambi wogo nogogwaarik, aakumi ambik kuwak aago iigak, it Ala wone liiru mbanak unde nogo inom wone wakwi iyareegwaarak.

Lukat 11:53

Yorage nagagerik, o time mbo punuk, endekem wundi nage mbareegi, it Ala wone liiru mbanak unde inom, aap Pariti mendek inom, at oone ninggin yemenggerak paga yilunogo punuk, waruwok nduk, inanini nen eegwa'me liirit-laarit waganggo nogogwaarak.

Nappiigak 26:23

At Ala nen leenogo mippereegerak Keritut nogo, nit Yakuri mendek inom, it endekem konengga'lek mendek inom, o eya eerogo piige logowak nduk, yagan warogo kangge logomenggerik, kambunuk nogo menggam nen aa'nduk at aret eenik a'nuk mi'narigin o, yinuk, yogo nogogwaarak nogo aret yorage minggirak o,” yinuk, yoragagerak.

Nappiigak 4:2

“At Yetut aakumi kanggo menggam nen eenik eerogo mippegerak o,” yinuk, Peterut Yaya imbirak nen aakumi kanggwi iinok, ineenik agago mippiyoorak wone nogo mamunirogo mbareegwa, inanini nen

Nappiigak 5:42

Nogo nogogwaarik, Ala awi wurik me nen, oome nen, abok aret ko'lu-kii'me wone mamunirogwe, “Ala nen leenogo mippereegerak nogo ti, Yetut aret o,” yinuk, wone obeelom wone nogo yorogwe, eerit nugu nogogwaarak.

Nappiigak 6:9

it Yakuri mendek o Kirene nen, Alekandiriya nen, Kilikiya nen, Atiya nen, it Yakuri kuwak eeko menggam endage Wondet Eerogo Pinaneegim tooneegwam nogome kuwak eeri wogo nogogwaarak nogo nen, Tepanut inom wone wareegwaarak.

Oroma 1:22

It nogo nen, “Nit abok nineenu aret o,” yinuk, yikko'net nugu nogogwaarak kwe, ineenggo'lek wi negen a'nuk, agan nugu logonet,

1 Korindut 3:18

Kit nen, “An abu neenu,” mba'nuk, eekko'net nugwi paga kinambokan laganggologwe me, togop mbarugup o. It aakumi nggween paga mendek nen, “Nit abok nineenu me, niniki warak aret o,” yinuk, mbakwi ndak-ndak, kit ambi togoti mbakwi kiinok, Ala nen kiniki warak kinombaruwak nduk, wi negen a'nuk, logonip o.

1 Korindut 4:10

Kit ti, Keritut kinom kunik me, kiniki warak wonogwe kiigak kwe, nit perak, Keritut wone yoranet nugwi paga wi negen aret ninombako agaarik o. Kit kinomaawi ambik kwe, nit perak, ninomaawi lek lebenak aret o. Kit tiyanak aret wonogwe kwe, nit perak, meek ninombako agaarik o.

Kolote 2:8

It aakumi ambi eeppiyoorak lek kagak we inambokan laganuwok nduk, iniki koonogo yorogo menggaarak nogo ti, Keritut wone lek o. Ti, it inombomini wandek inom, it kugi inayuk wuko menggaarak nogo inom, inoone mamunik aret agan nugwi me, keele maarak negen it inabu'me logonet, inoone mban konenggo logobagip nduk, kit kinambokan laganggwi iyo, tum wakkologo logonip o.