Nappiigak 17:13 - Ala Wone Peenok Peebi Mbanak

¹³ Abet mbako mbareegwa, it Yakuri o Tetalonika wonogwe nogo nen at Pawulut o Mbereya Ala wone yorage konenggo nogogwaarik, aakumi o Mbereya mendek wone munuurogo inikime manabi nogo mbareegwa,

Nappiigak 17:13 ပူးပေါင်းရင်းမြစ်များ

1 Endagembogut 21:25

Ti yoreegerak nogo ti, Akap akwe Iteben nen ogonggelo maluk eeruwak nduk, inikime manake kagak, Akap nen, “Maluk ayeloman arikit o,” yinuk, miike nagagerik, Aliku ALA enegen kagak maluk mban eerit nage nagagerak kokwak, aap togop ambi lek aret o.

Kini Wuppiige 15:18

Aap anini mbet-mbet wungga nogo nen ndugwi puwak nduk eerogo piinet nage menggerak kwe, Aap anini mbet-mbet wunggeelik yanggonak nogo nen wone wakwi nogo lek eerogo piige menggerak.

Kini Wuppiige 28:25

Aap, “An mban kolaakit,” mbaka nen wone wariyak eerogo piinet nage menggerak kwe, Aap ambi iniki Aliku ALA oba panggombunuk wonage kenok perak, amendek ambik aret age menggerak.

Matiyut 23:13

Wone ambinom yorage logonet, “Kit Ala wone liiru mbanak unde aap Pariti kinom kiniki laakot logonet, eeko monggotak yi, aakumi at mbogut paga mendek abu'me unggwogwe iyo, tu narogo wumbiigwi, kit unggwaga'lek logonet, it unggwi woroorak mbakwi nogo, tu non mbanogo piigwi, eeko monggotak me, kinabuwa o! (

Lukat 12:51

It aakumi o nggween paga yime iniki ugun lambunik logorak eeppiyaakit nduk, wambi wagagirak mbakop? Lek o. Ogoorogo piyaakit nduk, aret wambi wagagirak o, yinuk, yokkirage agarik o.

Nappiigak 14:2

Abet mbako mbareegwa, it Yakuri ando abet mbariyak ineebi mbareegwaarak nogo nen it endekem mendek nogo inanini ogo logomenggaarik, Yetut apuri inom ogooruwak nduk iniki nggagani nogo mbareegwa,

Nappiigak 17:1

Nogo nogogwaarik, o Ambipolit unggwogwe, Apoloniya unggwage, eerit o Tetalonika unggwi nogogwaarak. Unggwi nogo nogogwaarik, it Yakuri tamban eeko menggam time wonage me,

Nappiigak 17:10

O kiip age mbareegi, it ninoreewi Ala apuri time nen Pawulut Tilat imbirak, “O Mbereya nanip o,” yorogo mbareegwa, oonikiya nogo nogogwaarik, it Yakuri tamban eeko menggam unggwi nogogwaarak.

Nappiigak 17:5

Iya wogo mbareegwa, it aap Yakuri nen, “Nit yogwe nogo aakumi konenuwak lak, it yogwe mban konenggwi yi, nineebi a!” yinuk, yogo logonet, it aap maluk eeko menggaarak ineenggi lebenak kunggo menggam wonogwe nogo mendek kuwak eeppiinok, it aakumi o kota time abok noone-koone yogo logowak nduk, inikime manabeegwaarak. Manako mbareegwa, it nen aakumi time wonogwe nogo inikime manabit nogo mbareegwa, aakumi ambik noone-koone agan, at Pawulut Tilat imbirak nggwok me inawone mbanuwok nduk, aap Yaton awi oonda mbaneegwaarak mendek,

Nappiigak 20:4

At inom wogogwaarak nogo ti, aap awi Mbereya mendek Pirut aput Topatet inom, o Tetalonika nen wogogwaarak Aritarukut Tekundut imbirak inom, o Nderebe nen wagagerak at Nggayut inom, Timotiyut inom, ndi, o Atiya nen wogogwaarak it Tikikut Toropimut imbirak inom, aret wogogwaarak.

Nappiigak 21:27

Nogo 7 yuurak age kagak, it Yakuri Atiya mendek at Pawulut eebe Ala awi wurik me unggwage inigen kogo nogogwaarik, it aakumi nggwok kuwak aago abok inikime manako logonet, eebe kok pippunuk,

Nappiigak 6:12

Wogorogo mbareegwa, wone ti, agan it aakumi inom, inanggok inom, Ala wone liiru mbanak unde inom, inikime manabi wogo mbareegwa, inanini nen aap Tepanut nogo piganok, aap wone amburu mbangga inowagam pi nogogwaarak.

2 Korindut 11:26

yi awi ndi awi nege me, niyo wurik wage logonet, wo'neren noorak eeke, aap yogoot wagangga nen nooriyak eekwi, an nowe-nawot aap endekem mendek inom nen maluk eeppanugwi, kota inom, karume inom, yi nggwok yenggenak me inom, noreewi pilit yogo menggaarak inenggela'me inom, it abok nen maluk eeppaniyak nduk, eereegwaarak kwe, a'me lik yuulik, mbeyok yereegerak o.