Nappiigak 17:11 - Ala Wone Peenok Peebi Mbanak

¹¹ It aakumi Tetalonika mendek ti, inogogumbuk kwe, it Mbereya mendek perak, iniki abu obeelom me, Ala wone yorogogwaarak nogo, iniki ale'nggen paga waganggo nogogwaarik, “At Pawulut nen wone yo'nirage yi, abet aret ilik?” yinuk, ko'lu-kii'me Ala wone liiru mbanak malenggo nogogwaarak.

Nappiigak 17:11 ပူးပေါင်းရင်းမြစ်များ

Ayup 23:12

At lombok nen, Yogop ee'nu ndogop ee'nu, yo'nege nogo, Mbo pega'lek ti mban mugurok nage, At oone ari menggerak nogo niniki kunik eekko'nok li'lak mban eeke, Eeke agarik o.

Ndawi 119:100

Eeko logorak koone yugu nogo Porogo logonet, eerit nage minggirak me, Aakumi inoweewi yi wone ndi wone mbuuluk negen Ineenu iigak, an perak, iya negen neenu minggirak o.

Ndawi 119:148

Oonikiya paga aap tum ambi wakak eekwi iigak, An nogo yega'lek neenik logonet, Wone koonogo pereegindak nogo ninikime mbininit nage, Eeke minggirak o.

Ndawi 119:97

Koone yugu Muta nen liiru mbaneegerak nogo Niniki kunik lombok minggirak me, Ninikime mbininit nage neegak, Kubondendok nen nok oonikiya ari nage menggerak o.

Kini Wuppiige 1:5

Wone yogo nogogwaarak alom inom, Eegu nobat wone inom, Wone it aap iniki warak nen yogwe inom, Iniki warak nen eegu laarogo yogwe inom, Nogo yelok kogwe, Eeko logowak nduk, Wone alom eenu paga kini wuppiige nagagerak nogo ti aret. It aap iniki warak nogo inaruk konembunuk Wone ambinom ineenu ogwe, Ndi, it aap wone mbet-mbet yelok kaga nogo Wone yi paga panggombunuk koonggwi, Eeko logowak o.

Kini Wuppiige 8:10

Mbuti perak kolookwak an mamunggirage yi, waganggwi, Mbuti emas abe lombok kolookwak, yi wone ndi wone lippakwi, Eeko logonip o.

Kini Wuppiige 9:9

Aap iniki warak aruk wakwi kiinok, abunuk iniki warak age, Aap iniki abe koonak mamunugwi kiinok, ambinom eenu age, Eeke logogin o.

Yetaya 34:16

“At Aliku ALA nen wone lengganogo yorage kenok, At Aberiniki nogo nen kuwak eerogo piyaagin me, Yi mendek ndi mendek endage yagarak nogo ambi lek ti lek abok aret ogonggelo-akweegelo imbirak lunik aret logogun o. At Aliku ALA nen yugum wakkogo mengga kwak, wakkaanuk it inowagam ari nage kenok, it time aret unde eeppiige, Wakkagak paga wakkaanuk tumburirage, Eeke mbaremenggi, Unde eeppatinuk mondok-mondok wonogwe iigak, nda'narit wundi wogo logogun o,” yinuk, Aliku ALA oone mbuku perek-parek aago togop aret mbanak me, maleninip o.

Yetaya 8:20

wone yugu liiru mbanak inom, abeko logorak wone yugu inom, pekkaanip o. It aakumi ti, Ala wone yugu ndak-ndak yaga'lek kenok, inikime o eya aago wonage lek apit aago wonage mbarumunggup o.

Yeremiya 2:21

Eyo anggur awi abu abe kero leenogo yako mengga kwak it togop aret eerogo piyareegirak kwe, Yogondak an mbakirak ndak-ndak aga'lek eyo anggur abe lek ogun penaame mendek kwak ogogwaarak ti, Nonggop eeginabeegerak paga ogogwaarak?

Matiyut 13:23

Ndi, nggween mili paga wambit nagagerak nogo ti, it wone inaruk konenggo nagaatik, liippunuk, eekwi paga anggen yi'nage logonet, ero ambi 30 yege, ambi 60 yege, ambi 100 yege, eeko menggaarak nogo aret o,” yoragagerak.

Lukat 1:2

Eereegwaarak me, it obeelom wone yoranet nugu nogogwaarak nogo iyaalok nen eerit wage inigen kogo nogogwaarik, mbininogo nit yo'nirogogwaarak nogo ndak-ndak,

Lukat 11:3

Ninambi ko'lu-kii'me nonggo logorak wo'nirage logot o.

Lukat 16:29

Yoge mbareegi, Abarakam nen at yoge logonet, Muta yoreegerak wone inom, Ala nen yorage kagak yoraga inoone inom, yorogwe nogo aret konenggo logowak o.

Lukat 24:44

Nengge nagagerik, yorage logonet, “Ninom logonet, an eeriyak wone nogo aap Muta nen Ala wone yugu liiru mbangge logonet, mbaneegerak nogo inom, it aap Ala yorage kagak yorogo nogogwaarak liiru mbaneegwaarak inom, mbuku Ndawi paga liiru mbanak nogo inom, abok aret a'me lik yigin o, yinuk, yokkirage nagarak nogo yi aret eeppanggaarak o.”

Yaya 3:21

it aap Ala ndogop menggerak wone nogo, eeko menggaarak kenok perak, Ala inom kunik logonet, eeko menggaarak pagak yuwak nduk, at eya nogo owagam wogo menggaarak o,” yinuk, yoragagerak.

Yaya 5:39

Ala wone liiru mbanak paga mondok nineenik ee'ninabigin, mba'nuk, liirogon malenggo monggotak. Ala wone liiru mbanak ti, an nabok paganak nogo liiru mbanak aret me,

Nappiigak 10:33

yo'nege mbaki, yonggo nappiigirak yokkiri nogo mbaka, neya wagandak me, nore wa. Neya wagandak me, yogondak kogoba Ala nen, Togop yoranu, yokkegerak nogo abok yo'niraanok nduk Ala enggaanom kuwak eeko o,” yinuk, yoreegerak.

Nappiigak 11:1

It nappiigak inom, inoreewi o Yureya time mendek inom, nen aap endekem mendek kunduk Ala wone waganggwi inaruk koneneegwaarak me,

Nappiigak 17:1

Nogo nogogwaarik, o Ambipolit unggwogwe, Apoloniya unggwage, eerit o Tetalonika unggwi nogogwaarak. Unggwi nogo nogogwaarik, it Yakuri tamban eeko menggam time wonage me,

Nappiigak 2:41

Eeke mbareegi, it aakumi nen at oone waganeegwaarak nogo yiime wuppiyareegwaarak. Ne ti eyom paga inom nabennari unggwogogwaarak nogo, ineebe lambuk togon aap ambik tiga ribu aret.

Pelaareegerak 29:29

Yi wone ndi wone ando ti, at Aliku Ala inikime nobarak menggerak kwe, yi wone ndi wone kenom paga yo'nirage nogo ti, mondok-mondok eeko logowak nduk, yo'nirage me, eeko logorak wone yugu yi, nit inom, ninapuri inom, mondok liippunuk, eeko logowok o,” yinuk, yoragagerak.

1 Tetalonika 1:6

Maluk eeppinagagwi iigak, Aberiniki nen kiniki ale'nggen eekkinake kagak, wone waganggo nogogutik, nit ninowe ninom eeko monggoorak nogo ndak-ndak aret eeko nogogutak.

1 Tetalonika 2:13

Togop me, Ala wone yokkirogogurak konenggo logonet, “Yi we aakumi inoone lek o. Yi Ala wone nit abet mbakwi ninikime koonninake menggerak wone abet aret o,” yinuk, waganeegutak me, nit puk aga'lek kulinik-kalinik, “Ala wa,” yogo monggoorak.

Yakobut 1:21

Eeriyak lek mendek peyak wurik pogom kagak ugun eekwi, ndi, yi maluk ndi maluk eekwi, eeko monggotak nogo abok aret mbo punuk, kiniki yanggonak logonet, wone ninagap ndariyak wone Ala nen ninikime awi yappinanege menggerak wone nogo mban liirogon waganggo logonip o.

1 Peterut 2:2

Ala nen obeelom eeppinanege nogo, kit eekkinake muk liippogotak kenok, elege awo ngget ndarak yilak abu nen le yogonok yilak mili lenggenak lek abe wogoragaatak nonggo logonet, tawe ogo mengga kwak, at Ala nen muk kinagap ndakkinabeegerak me, kiniki kole eekkinake logowak nduk, abe wone ti mban, “Ao,” yinuk, waganggo logonip o.