Nappiigak 16:34 - Ala Wone Peenok Peebi Mbanak

³⁴ Yiime wuppiigo mbareegwa, wogoren at ame unggunuk mbi wogorage nagagerik, at inom, at apuri inom, iniki Ala oba panggombunuk abet mbareegwaarak paga iniki ale'nggen ogogwaarak.

Nappiigak 16:34 ပူးပေါင်းရင်းမြစ်များ

Yetaya 55:12

Inale'nggen mbako logonet wundi wogwe, Wogoren wage neegak, iniki ugun tayenak aret wonogwe, Eerugun o. Wogwe iigak, puut-puut tiyarogon inom, puut-puut teberogon inom, it inaame nen Inale'nggen yogo logonet, na'ndo-wa'ndo yogwe, Yi eyo ndi eyo penaame wonage nogo nen ineenggi telak yogwe, Eerugun o.

Yetaya 61:10

O Tiyon nen ari logonet, “Aap kwe lambumbugwi paga aap nen anobak paga obaanggi-obaangge eekkolage menggi kwak, Kolaga nen alilibano eekkolage menggi kwak, Yum yippiigo mengga kokwak at nogoba Ala nen nagap ndarogo panege, Yum age langgumbiigo mengga kwak, an obeelom eerit nage logokit nduk eeppanege, Eekerak me, Aliku ALA eeppanegerak ti paga nale'nggen alik negen ee'nake, Nogoba Ala nen eekerak paga niniki ale'nggen kani negen wunuk ari, Eeke agaarik o.

Lukat 15:32

Ndi, kat kawot yi perak, kambeegerak negen kwe, eenik agaarak o. Ndi, kobak agagerak kwe, kwaakkogoorak me, niniki ale'nggen logonet, laago yi op aret lako, yoreegerak o,” yinuk, Yetut nen it aakumi yoragagerak.

Lukat 19:6

Yoge mbareegi, Takeyut nogo mbet-mbet eyo paga nen wambi wage nagagerik, keyage wappunuk, ale'nggen mbakak imbirak aret at ame nogogwaarak.

Lukat 5:29

Ti'nuk, aap Lewi nogo ame Yetut anooniya nggwok lareegerak. Lareegerak me, it aakumi kuwak aago apit aap o unde inake wu kuwak eeka inom, aakumi ugun nogo mendek inom, laago noorak nduk, Yetut Lewi imbirak inom mbi nunggwi me,

Nappiigak 11:14

kat kaakkapuri kinom kinagap ndaruwak nduk, wone yokkira woraagin o, yinuk, yogerak wone nogo an yo'negerak.

Nappiigak 16:15

Iniki tu paarogo pereegerak paga wone wagangge mbareegi, kwe nogo at ame menggaarak inom yiime wuppiyareegerak. Yiime wuppiige mbareegi, at kwe nogo nen, “Kit nen, Kwe yi, ninogoba Yetut abet mbakerak o, nombakotak kenok, an name ninom logowok nduk woraanip o,” yinuk, nabenak mban yo'nirage mbareegi, “E o,” yinuk, ame aret unggwi nogogurak.

Nappiigak 16:35

O weege mbareegi, it o kota unde inoweewi nen, “Aap keele maarak inarum waka nen it aap mbere keele maarak nogo keele piinogo wumbiyaawak nduk, yori nanip o,” yinuk, it inawuri yigin unde nogo nappiya wogogwaarak.

Nappiigak 2:46

It nogo iniki ambit a'nuk, ko'lu-kii'me Ala awi wurik me kuwak ari unggwogwe, iniki mot-mot logonet, ale'nggen paga iname lombok mbi karerogo punuk nunggwi, eeko nagaatik,

Nappiigak 8:39

Wuppege nagagerik, wundi wogwe me, at Piliput nogo Aberiniki nen wonok nggarek ari mbareegi, aap nogo Piliput enegen kaga'lek logonet kwe, iniki ale'nggen mbarit ame nagagerak.

Oroma 15:13

“Niniki lunik wonogwe nogo kola nagun aret,” mbarubagip nduk, Aberiniki omaawi paga kiniki kole eeppinagit unggwage kagak, kiniki at oba panggombunuk, abet mbareegutak paga kiniki lunik wonogwe alom unde Ala nogo nen kinale'nggen lombok logobagip nduk, eeppinagage, ndi, wone ambi kinoba aga'lek kiniki abu tayenak lombok logobagip nduk, eeppinagage, eeke logowak o.

Oroma 5:11

Ti eereegerak paga mban ninale'nggen mbako logorak lek o. Ata, ambi nit ninowe Yetut Keritut eereegerak nogo paga Ala ninom lambunogo pinaneegerak me, “Ala wa,” yinuk, ninale'nggen mbako logowok o.

Oroma 5:2

Ala iniki kunik nen onggo lek we aret obeelom eeppinaneegerak niniki abet mbakwi paga kologogurak wonogwe nogo ti, nit kolaawok nduk koonogo pinaneegerak ninowe Yetut Keritut nogo aret o. Ala tiyanak menggi kwak, nit togop ndak-ndak tiyappinaniyak niniki lunik logonet, ale'nggen mbako ogoorik o.

Nggalatiya 5:22

Togop kwe, eyoonggen abe yi'nage menggi kwak, Aberiniki ninikime logonet, eerit nogo monggoorak nogo yi o. Aakumi inabuwa mbakwi, niniki ale'nggen mban mbakwi, niniki ugun tayenak wonogwe, niniki aanaganggenggwi lek kwi'ndak wonogwe, ninobaabut abu obeelom wonogwe, aakumi obeelom eeppiinet nugwi, liippunuk mban eerit nogwe,

Pilipi 4:17

Kinamendek ambi wo'nirubagip nduk, an nggino yokkiraga'lek neegak, wo'nereegutak waganeegirak nogo ti, Ala nen peebi onggo nggwok wokkiraawak nduk, eyo anggen yi'nage menggi kwak, kit togop aret anggen nggwok yikkologwe kiyaakit nduk, waganeegirak o.

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.

Pilemon 1:7

It Ala apuri alik leenak kiniki kunik aganake logonet, iniki eyak wappiinet nage paga niniki kwippaneegindak me, niniki ale'nggen nggwok mbake logonet, “Wa,” yokkigi o, noreeluk.

1 Yaya 3:18

Napuri niniki kunik yi wae. Nit ninoone paga nen mban, “Aakumi ninom niniki kunik wonogwe o,” yinuk, yuurak mage o. Ata, niniki paga nen aret inabuwa lombok mbako logonet, obeelom eeppiinet nogo logowok o.