Nappiigak 16:28 - Ala Wone Peenok Peebi Mbanak

²⁸ at Pawulut nen, “Wulaga. Wakkolaagun o. Nit abok aret wonogo ogoorik,” yinuk, oone nggwok paga yoreegerak.

Nappiigak 16:28 ပူးပေါင်းရင်းမြစ်များ

1 Tetalonika 5:15

Maluk onggo-onggo eekwi iyo, liippiigo logonip o. Kit-kit inom, it aakumi abok inom, obeelom mban eekak yuwak nduk, liippogo logonip o.

Lukat 23:34

Nabenogo piigo mbareegwa, at Yetut nen, “Nogoba o. It ineenggo'lek logonet, eeppanugwi me, it maluk eekwi yi, lek eerogo pu o,” yoreegerak. Ndi, it aakumi nogo nen yugum anggen nggween paga mbo wuppegak eeko logonet, ambogoyum nogo tumbukkologogwaarak.

Matiyut 5:44

kinogoba mbogut paga mendek nogo nen oonegen unde logonet, it aakumi abu maluk mendek inom, obeelom mendek inom, iniki koonak menggaarak inom, iniki koonak lek menggaarak inom, abok aret inabuwa nen obeelom eeppiige logonet, inambi op aruwak nduk, o kibi wogorage, o mayu wogorage, eeke menggerak me, kinogoba mbogut paga mendek apuri arubagip nduk, it kinom ogoorak monggotak nogo kiniki kunik eeginakwi, ndi, it piyak-payak eekkinako menggaarak nogo, inake tamban eekwi, eeko logonip o, yinuk, yokkiragi o.

Wone Alom Kibingga 7:17

Kat kambuurak eyom awo kagak, kambuurak mbakendak ya? Lek me, “Maluk lombok eerit nage logokit,” mbake, Ndi, iniki lek wi nen eerit nugwi kwak eerit nage, Eeriyak mage o.

Lukat 22:51

Tabok togon nappege mbareegi, at Yetut nen, “Togop eeriyak mage o,” yinuk, wulaga nogo aruk eenggi pigagangge nagagerik, obeelom eeppereegerak.

Kini Wuppiige 8:36

It aap an wo'naka'lek mbo panugwi iinok perak, It inobaalombok aret maluk eekkologo menggaarak o. It aakumi an ineebi nombakwi abok aret kambunuk mondok-mondok Ala inom ogoorak logorak inikilom mbako menggaarak o, Yinuk, iniki warak nen yereegerak nogo ti aret o.

Ndawi 35:14

Noreeluk kwak, nawuluk kwak, “Andi eekerak o,” Yinuk, niniki puru agan nage minggi kwak agan nege, Aap ambi agalo kangge kenok, Iniki puru aago menggi kwak Niniki puru aago logonet nanep kumbunuk le ari, Eekirak kwe,

Ndawi 7:4

At nimbirak niniki ugun wonogwe nogo maluk eeppege, Alom lek kagak, at tebembaniyak eeke nogo, Amendek ambi kiraakkolage, Ee'netak en,

Ala Unde 19:18

Naliku ALA an aret me, inore ambi nen maluk eeppiige kenok, inanini nen onggo at maluk eeppugwi, ndi, Yi ee'nakerak ao, yinuk, inikime mban porogo wonogwe, eeriyak mage o. Ata, it ineebe iniki kunik eekkologo menggaarak ti kwak, aakumi inom menggaarak ti, togop aret iniki kunik aganako logowak o.

Wundeegwaarak 20:13

Aap wariyak mage o.

Nappiigak 16:27

Eeke mbareegi, at aap keele maarak inarum waka nogo nen eenik a'nuk, keele maarogo mambiigo menggam tungga paa'narit nagagerak enegen kage nagagerik, “It keele maarak abu mbaganggaarak kagi,” mba'nuk, paloowi nggigik togon agago wakkolaakit nduk eeke me,

Nappiigak 16:29

Yoge mbareegi, at keele maarak inarum waka nogo nen, “Ndi wonok wa'nip o,” yorage nagagerik, agabiti nen aganak nugirit nggarek togon Pawulut Tilat imbirak inabu'me ngginnari nagagerak.