Nappiigak 16:19 - Ala Wone Peenok Peebi Mbanak

¹⁹ Wungge mbareegi, kolaga nogo ogobamini nen, “Wu nuurogo wo'nirage logorak niniki lunik monggoorak nogo lek aga o,” mbako nogogwaarik, at Pawulut Tilat imbirak pippiinok, niigeren, mbi-mbiingga kunggo logonet ambi age kenok wone mbanggo menggam nogome inoweewi inowagam piya nogogwaarak.

Nappiigak 16:19 ပူးပေါင်းရင်းမြစ်များ

Ndaniyen 6:12

Kogo nogogwaarik, aap endagembogut wonage me nanuk, wone lengganogo wumbereegerak nogo yogo logonet, “Ninogoba kendagembogut wae. Yogondak kuli nen nok, nogo 30 yit nogwe niigak, aap ambit ambi nen an nendagembogut yo'nega'lek at lombok agugi a, aap alik a, alut eeke logonet yeenggwaaruwak nduk, nggino yoge kenok, at keele maarogo mbuun ambena singa wonogwe me time mbo wuppigin o, yinuk, liiru mbangge nagandik, keenggi amburu punuk, wumbegendak nogo lek a?” Yogo mbareegwa, aap endagembogut nen onggo yorage logonet, “Wone ti, it aap Meriya mendek inom, Peretiya mendek inom, nen eeko logorak liiru mbanogo pereegwaarak lek ariyak lek mondok logorak nogo ndak-ndak, liiru mbanogo wumbigirak me, taganiyak lek o.”

Matiyut 24:9

O ti eyom paga it aakumi nen pigogo kinoba andi-pandi eeppinaganuk, kinooruwak nduk, wogorogwe, kit an noone waganggotak paga, it aakumi inanebunu lombok nen inanini agaket kinombakwi, eerugun o.

Marakut 13:9

Wone amburu mbangga inowagam pikkiret nogwe, it Yakuri tamban eeko menggam nen yawi lomba agago kinookwi, eerugun me, kiniki tum wakkologo logonu o. An noone waganeegutak paga it aap yo'nggok inom, aap inendagembogut inom, inowagam wokkiren pinagi nogwe iinok, Lek o! At Yetut nen togop ee'ninakerak o, yinuk, yorogo logomunggup o.

Nappiigak 14:19

Teppogo mbareegwa, it aap Yakuri mendek o Andiyokiya inom, o Ikoniyum inom, nen wogo nogogwaarik, it inom aruwok nduk, aakumi inikime manabi nogo mbareegwa, it aakumi nogo nen Pawulut yugum toguurit wappogo nogogwaarik, “Abu kanggi o,” yinuk, niigogo o kota endekem nggwe mbo wumbereegwaarak.

Nappiigak 14:5

Eeko logonet, it endekem mendek nogo inom, it aap Yakuri mendek inom, it inoweewi nogo inom, iniki ambit eeppunuk, Pawulut Mbaranabat imbirak ale-pale eerogo yugum paga toguurit inooruwok nduk, koonogo pereegwaarak kwe,

Nappiigak 15:22

Yorage mbareegi, it nappiigak inom, it Ala apuri unde inom, Ala apuri time kuwak eeko menggaarak nogo abok inom, nen, “Pawulut Mbaranabat imbirak nit yime mendek ambi inom leenogo o Andiyokiya nappiyaawok o,” yinuk, Ala apuri inoweewi ambi Yurat, endage ambi Mbaranabat inom, aap Tilat inom, leenogo piinok,

Nappiigak 15:26

iniki nggaruk togon ninogoba Yetut Keritut wogogo nogogwaarik, Yetut ake kambuurak kenok op aret, mba'nuk, wone yoranet nogo nogogwaarak ninoreewi niniki kunik Pawulut Mbaranabat imbirak nogo, inom nappiya wogo ti o.

Nappiigak 15:40

Ndi, at Pawulut nogo perak, Tilat miike mbareegi, it ninoreewi Ala apuri nen, “Ala kinabuwa mbake, kinarum wonage, eeke logogin o,” yinuk, yorogo mbareegwa, nogo nogogwaarik,

Nappiigak 16:16

Ne ambi paga tamban eeko menggam nawok nduk nogwe me, kolaga aap inayeloman ambi kugi inikime unggwagagerak nogo, tili pagangge paga wu nuurogo ogobamini wogorage menggerak me, tu paga ninom lambumbunuk, nogwe niigak,

Nappiigak 16:20

It inoweewi o kota unde nogo inowagam piya nogo nogogwaarik, yorogo logonet, “Nit aap Oroma mendek nen eeko logorak mage yugu kagak, aap Yakuri yi, it eeko menggaarak mamunnirogo logonet, nit niname o kota yime naalop-kaalop eerogo pugwi iigo o,” yinuk,

Nappiigak 16:25

Mbet tebenogo piyareegerak time wonogogwaarak kwe, oonikiya nogo iniki paga it ando keele maarak nogo konenggwi iigak, it Pawulut Tilat imbirak tamban eekwi, Ala alut eeko logonet ndawi yogwe, eekwi me,

Nappiigak 16:29

Yoge mbareegi, at keele maarak inarum waka nogo nen, “Ndi wonok wa'nip o,” yorage nagagerik, agabiti nen aganak nugirit nggarek togon Pawulut Tilat imbirak inabu'me ngginnari nagagerak.

Nappiigak 17:6

it imbirak ineebe lek mbareegwa, at Yaton inom, ninoreewi ando inom, nigiren inoweewi o kota unde inowagam piya nogogwaarak. Piya nogo nogogwaarik, it yorogo logonet, “O yi awi ndi awi abok aret piyaginabit nugu menggaarak nogo, ineebe yime wagaarak me,

Nappiigak 21:30

Yorogo mbareegwa, o kota nogome aakumi abok pilak yinuk, mbe agan kuwak ari wogo nogogwaarik, at Pawulut ineenggi pippunuk, Ala awi wurik me nen niigogo wumbunuk, tu nareegwaarak.

Nappiigak 8:3

Aleenggu maakwi iigak kwe, at Tawulut nen perak, it Ala apuri kuwak eerit nogwe nogo kumi nen, aap nen, lek eerogo piinet nage logonet, o ambi me unggwage, niigogo wumbiige, ambi me unggwage, niigogo wumbiige, eerit wogoren keele maarogo mambiigo menggam nogome piya nage nagagerak.

Nappiigak 9:16

Ndi, at Tawulut nogo, an naana'le mbangge me, aaninggin-paaninggin eeppogo logorak nogo an nen yoge logogin o,” yinuk, abinggaanggo paga yoge kagagerak.

2 Korindut 6:5

yawi ninookwi, keele maarogo mambinanugwi, keekok paga niniki taganggwi, yoranet nugwi niigak, anggon-panggon ee'ninake, wu yega'lek nogo yega'lek kinoba aberak mban wonage, mbi abu tit nogo yugwi,

Pilipi 1:30

Piyak-payak eerogo panugwi iigak, Ala wone lek age kero nduk, nggwiirit-nggwaarit yorage neego nogogutak nogo inom, ndi, yogondak eeppanugwi iigak, nogogumbuk logonet, eerit nage konenggwi nogo inom, kit ninom ndak-ndak aret eeppinanggo agaarik o.

1 Tetalonika 2:2

Nit o Pilipi wonogwe niigak, aaninggin-paaninggin ninoba pinanugwi, miyuk-meya eerogo pinanugwi, eereegwaarak kineenu nogo kwe, kagak, Ala nen yo'niragagerak wone obeelom wone nogo it apit aret, “Nineebi o,” yogwe iigak, Ala yeenggwa nirage me, ninagabiti mbaka'lek yokkirogo nogogurak nogo o.

1 Timotiyut 6:10

Yiluk-maluk alom lombok ti, wu mban uugwe mbarit nugwi ti aret o. It aakumi ando nen uugwe nduk, kwaarit nugu logonet, wone abet mbareegwaarak nogo mbo punuk, tu alik nomoninuk nogwe me, aap togowa paga ndanunggologo nagaatik, andi kogo mengga kwak, it aap ti, togop aret wakkologo menggaarak.

Yakobut 2:6

It aap ineenggi lek nogo, Ala nen aret miirinabeegerak kagak, kit nen meek eerogo piigwi kiigi o. Piyak-payak eekkinako logonet, niikkiren wone owak loonggo menggam pinagi nogwe nogo ti, it aap ineenggi warak nen eerogo pinagagwi nogo lek a?