Nappiigak 16:15 - Ala Wone Peenok Peebi Mbanak

¹⁵ Iniki tu paarogo pereegerak paga wone wagangge mbareegi, kwe nogo at ame menggaarak inom yiime wuppiyareegerak. Yiime wuppiige mbareegi, at kwe nogo nen, “Kit nen, Kwe yi, ninogoba Yetut abet mbakerak o, nombakotak kenok, an name ninom logowok nduk woraanip o,” yinuk, nabenak mban yo'nirage mbareegi, “E o,” yinuk, ame aret unggwi nogogurak.

Nappiigak 16:15 ပူးပေါင်းရင်းမြစ်များ

Wakkagagerak 19:3

Yoreegwaarak kwe, at Lot nogo, oone nimi-nomoorak mban yorage mbareegi, ame inom unggwi nogo nogogwaarik, wonogo logonet, inabugo oroti piika'lek mendek we worarogo nunggugwaarak.

Wakkagagerak 33:11

An togon at Ala nabuwa mbake logonet, namindik-namendek ambik aret wo'negerak nogo ando mogonogo we kumbi wappagukwak wokkirikit nduk, wonok wagarak me, kolagak nak o,” yinuk, nimi-nomoorak mban ari mbareegi, at Etawu nogo nen, “Kolagak naakit o.”

2 Endagembogut 4:8

Ne ambi paga at Elita nogo o Tunem nagagerak me, kwe eenggi warak o time menggerak nen Elita imbirak mbi nawok nduk, oone nabek togon yoge mbareegi, imbirak nunggugwaarak me, ti'nuk, time nagak eeke logonet, kwe nogo ame ka unggunuk, mbi nenggak eeke nagagerak.

Matiyut 10:41

Kit nen, Aap yi, Ala nen yoge kagak yo'niraga me, yinuk, aap ti, waganggwi kiinok ti, it aap Ala nen yoge kagak, yoraga onggo waagun nogo ndak-ndak aret kolaamunggup o. Ndi, Aap yi, iniki abe koonak mendek me, yinuk, aap ti waganggwi kiinok ti, it iniki abe koonak mendek onggo waagun nogo ndak-ndak aret kolaamunggup o.

Matiyut 3:6

inomaluk paganggwi iinok, at Yaya nen yi Yoraran inikime wuppiige nagagerak.

Lukat 14:23

Yoge mbareegi, ogoba nogo nen ayeloman yoge logonet, Ndi, ti kenok, aakumi endekem tu andogon-andogon ugun wonogwe nogo an name yagabit eeri unggwi woraawak nduk, koone omaawi paga waganogo piya wage logot o.

Lukat 24:29

tebembunuk, yogo logonet, “Oonegen abu kilu yi nagaarak o kiip age me, ninom aret logowok o,” yogo mbareegwa, inom logowok nduk, iname aret unggwi nagagerak.

Nappiigak 11:14

kat kaakkapuri kinom kinagap ndaruwak nduk, wone yokkira woraagin o, yinuk, yogerak wone nogo an yo'negerak.

Nappiigak 16:31

Yoge mbareegi, it nogo nen, “Lek o. Kiniki ninogoba Yetut oba panggombunuk abet mbake keenok, kat inom, kaakkapuri inom, kinagap ndarigin o,” yoreegwaarak.

Nappiigak 16:33

Oonikiya ti eyom paga aret at keele maarak inarum waka nen it nogo wogoren nage nagagerik, inagabolo mbannarit nagagerak nogo koorinake mbareegi, at inom, at akwe-apuri inom, yiime wuppiyareegwaarak.

Nappiigak 16:34

Yiime wuppiigo mbareegwa, wogoren at ame unggunuk mbi wogorage nagagerik, at inom, at apuri inom, iniki Ala oba panggombunuk abet mbareegwaarak paga iniki ale'nggen ogogwaarak.

Nappiigak 18:8

It Yakuri tamban eeko menggam unde menggerak Keriput nogo inom, at aaganapuri inom, iniki ninogoba Yetut oba panggombunuk abet mbareegwaarak. Ndi, it Korindut mendek ambik at Pawulut nen yoragagerak nogo konembunuk, abet mbako mbareegwa, yiime wuppiyareegerak.

Nappiigak 8:12

at Piliput nogo nen Ala abu'me piyoorak wone obeelom wone nogo inom, Yetut Keritut eereegerak wone inom, yoragagerak iniki abet mbako mbareegwa, aap inom, kumi inom, yiime wuppiyareegerak.

Nappiigak 8:38

Yoge nagagerik, kuda nogo puk aruwak nduk yoreegerak puk age mbareegi, imbirak yiime unggwogo nogogwaarik, Piliput nen aap nogo yiime wuppereegerak.

Oroma 16:23

An ka wagarak nimbirak wonage aap Nggayut nogo inom, it Ala apuri at ame inom kuwak eeko menggaarak inom, abok nen aret keyage wappinagaga o. It aakumi o kota yime menggaarak inake wu kuwak aago porogo menggerak aap Eratut ninore Kuwarutut imbirak nen keyage wakkinaka o. (

2 Korindut 12:11

An kumili negen aret ari kwe, alom kit eekwi paga an wone ti yokkirage agarik o. An aap iya me nduk, tiyappaniyak lek kwe, kit nen, “It aap ti, nappiigak mondok iya nen yo'nirogwe o,” yinuk, tiyappiigwi nogo, it iya, ndi, an meek, ti mbake lek it ninom ndak-ndak me, it wogoppiigo logonet, an ninom wogoppaniyak op aret kwe, wogoppanega'lek kiinok, yokkirage agarik o.

2 Korindut 5:14

At ambi nit aakumi abok ninobaane'me kambeegerak nogo paga nit abok at ninom kunik me, ninom aret kambeegurak. Ndi, “Nit abok ninobaane'me kambeegerak nogo ti, nit ninobaalombok mban eerit nugu logowok nduk, kambulik o. Ata, at ninake kangge mbareegi, eenik agago mippereegerak nogo, ake eerit nugu logowok nduk, ninobaane'me aret kambeegerak kogo,” yinuk, Keritut iniki kunik lombok ee'ninabeegerak me, eereegerak wone ti, nit puk aga'lek yoragak mban eeriyak ee'ninake agaarik o.

Nggalatiya 6:10

It yi aakumi ndi aakumi abok aret obeelom eeppiyoorak, “Nanonggwan aga o,” yinuk, obeelom eeppiinet nogo logonet kwe, it ninom ndak-ndak abet mbakwi kenok perak, logorogon obeelom eeppiyoorak mondok aberak aret logonip o.

Epetut 1:1

Ala mbareegerak paga Keritut Yetut ayonggo nappiigak mendek agago paneegerak an Pawulut nogo nen kit Ala apuri at ake leenak Keritut Yetut kinom kunik logonet, obeelom wone liirogon mugurok nogo monggotak o Epetut wonogwe nogo, wone ambi yokkira o.

Pilipi 1:7

An yogondak keele maarak wonage neegak inom, aa'nduk nawone mbanuwak nduk, mippanugo mbareegwa, obeelom wone mondok nu'lek logowak nduk, yorage neegak inom, kit mbo panulik me, Ala iniki kunik nen unde eeppaneegerak nogo, “Kat ninom ndak-ndak eeko logowok o,” yinuk, kit abok aret eeko nogogutak nogo paga, an niniki mondok kit ninom kunik wonage me, kinoba abe'nage kenok, niniki ale'nggen logonet, kit kinake Ala, “Wa!” yoriyak ti, op aret mbake agarik o.

Pilemon 1:17

Ti kenok, kat nimbirak ndak-ndak abet mbareegurak me, “Nore Pawulut aret o,” yinuk, an wo'naburak mbake nogo kokwak, at aret wamen o.

Iberani 13:2

It aakumi nen malayikat mendek kagak, “Yi aakumi aret o,” yinuk, kobak logonet inabugo lako nogogwaarak me, it aakumi nggiru kiya wogwe iinok, keyage warogo kiniki ale'nggen paga wogonako logonip o.

1 Peterut 5:12

Wone yokkirage ti abok aret at iniki kunik nen obeelom eeppinanege menggerak Ala nogo nen an ndak-ndak eeppanege kagak paganogo yokkirage me, “Yi abet aret eeppinanege menggerak o,” yinuk, kiniki eyak wappinagawak nduk, at li'lak mban eerit nage kage minggirak ninore Tilat nogo nen yeenggwaanege kagak, liiru yi, we nggaruk togon mbanggirage kwe, wone yi ti, mondok iya me, porogo logonip o.

2 Yaya 1:10

Aap ambi wone yi mendek lek alik mendek wonok yokkira wage kenok, keyage warogo kiname mambuurak mage o.

3 Yaya 1:5

Noreeluk o. Kat an niniki kunik me, wone ambi yokkiri o. Kat kulinik-kalinik ninoreewi Ala apuri nogo obeelom eeppiige logonet, ninoreewi ando nggiru wogwe iigak kwe, abu iya tit eeppiige nogo paga, “Wa!” lombok yokkigi o.

3 Yaya 1:8

It aap Ala ndogop menggerak wone nogo nggwok wiganit nage logowak nduk, eerit nogwe nogo nen, “Ninom ndak-ndak yoranet nogwe o,” yinuk, ninombaruwak nduk, yeenggwaarogo logorak ti op aret o.

1 Tamuwen 28:23

Yoreegerak kwe, at Tawun nogo nen, “Mbi noorak neebi o.” Ari kagak, kwe nogo inom, Tawun inom eeko menggaarak nogo inom, nen yogo logonet, “Mbi namen o,” inoone nambeerit yogo mbareegwa, at Tawun nogo, “E o,” ari nagagerik, mi'na'nuk, eyo kwi'nogo menggaarak ndoonak paga kwi'nagagerak.