Nappiigak 16:14 - Ala Wone Peenok Peebi Mbanak

¹⁴ Yorogogurak koneneegwaarak nogo, kwe o kota Tiyatira mendek ambi mbogoyum maa'ngga kunik kigirikwe lombok kungge menggerak endage Liriya nogo nen Ala alut eeke menggerak me, at Pawulut yoragagerak wone nogo waawak nduk nogoba nen iniki tu paarogo pereegerak.

Nappiigak 16:14 ပူးပေါင်းရင်းမြစ်များ

Ndawi 110:3

Kat komaawi tiyak ari eyom paga It kawuri wim eeka nen inobaanggi-inobaangge abe lombok li'luk eekko'nok Inale'nggen paga kinom wim eeri unggwogwe, Kubondendok konaananggen luuri wage menggi kwak, “Ninom wim eeruwi o,” yinuk, kawuri aap tawe nogo kiyo'me ari wogwe, Eerugun o.

Ndawi Iya 5:4

Yoge mbaki, at an niniki kunik eeke nen tungga enoona eenggi mambunuk, tu paarikit nduk lin wake kagak, Niniki ponok-ponok eeke logonet,

Yetaya 50:5

At Aliku Itok Menggerak ALA nen naruk liirogon konengge logokit nduk, eeppanegerak me, “An koneniyak neebi,” mbake, nena nomok ari, Eerulik o.

Lukat 24:45

Yorage nagagerik, Ala wone liiru mbanak tena'me kaawak nduk, iniki eya eeppiyareegerak.

Yaya 12:20

Ala alut eeruwok nduk, laago lakome wogogwaarak nogo ti, it aakumi Yunani mendek inom aret wogogwaarak me,

Nappiigak 10:2

At aap nogo aaganapuri inom abok aret Ala inagabiti warak logonet, Ala wone liippunuk eeko nogogwaarak. At aap koowarak aret me, it Yakuri inamendek lek kenok, yeenggwaarage, tamban mban eeke, eeke nagagerak me,

Nappiigak 11:21

Ninogoba omaawi eeppiige kagak yorogo nogogwaarak me, aakumi ambik iniki koombunuk, abet mbako nogogwaarik, ninogoba Yetut oone waganggo nogogwaarak.

Nappiigak 13:43

It tamban eeko menggam nogome nen mbaganggwi iigak, it Yakuri mendek inom, it endekem mendek Yakuri wone waganggo nogogwaarik, Ala inagabiti mbako nogogwaarak nogo inom, apit aret Pawulut Mbaranabat inom nogo nogogwaarik, “Ala iniki kunik en eeppinagage nogo, kiniki liippunuk, at mugurok nogo logonip o,” yinuk, wone mamunirogwe, inaruk wakwi, eereegwaarak.

Nappiigak 13:50

Pawulut Mbaranabat imbirak inooruwak nduk, it Yakuri mendek nogo nen kumi nggaganin Ala inagabiti mbako nogogwaarak inom, it o kota time mendek inoweewi inendage warak inom, inikime manabi nogo mbareegwa, o time nen mugogo wumbiyareegwaarak.

Nappiigak 16:40

wundi nogo nogogwaarik, kwe Liriya ame nogome unggwi nogogwaarak. Unggwi nanuk, time inoreewi ando inom lambunggo nogogwaarik, iniki eyak wappiinok, nogogwaarak.

Nappiigak 18:7

Ti eeke nagagerik, nogome nen wundi nanuk, aap Ala agabiti mbaka endage Titiyut Yutut ame it Yakuri tamban eeko menggam eraanu time wonage me ka wagagerak.

Nappiigak 8:27

Ti yoge mbareegi, nage me, aap nggwok ame arum waka ambi Etiyopiya mendek imbirak aabuk agagerak. Aap nogo it Etiyopiya mendek inoweegelo endagembogut kwe Kandake awuri ambi endage warak logonet, awu unde me, o Yerutalem tamban eeri wage nagagerik,

Oroma 9:16

Togop me, Ala nen mbo pinanege a, obeelom eeppinanege a, ti, nit aakumi nen, “Eeppinanuwak,” mbakwi, “Eeppinanuwak nduk, ambi eekkola o,” yinuk, yogwe, eekwi paga eeppinanigin lek o. Ata, iniki mba'nuk nen mban ninabuwa mbake logonet, obeelom eeppinanege menggerak kogo ogoorik o.

Pilipi 2:13

At Ala nen eeriyak inikilom mbake menggerak nogo, kit nen, “Eerikit,” mbakwi, ti'nuk, eebe aret eekwi, eekwi nogo ti, Ala nen mban aret koonggirage menggerak.

Wayu 1:11

yo'nege logonet, “Eeriyak titikkege neegak, mbuku pirik-perek aago paga liiru mbangge logomenggendik, it Ala apuri o Epetut inom, Timirina inom, Peragamut inom, Tiyatira inom, Taririt inom, Pilarelipiya inom, Laworikiya inom, nggereya 7 paga kuwak eekwi nogo abok aret pekkaawak nduk, nappunu o,” yinuk, yo'nege konenggirak o.

Wayu 3:20

An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambit lambunik nore-kore logonet, mbi nonggo logogun o.

Wayu 3:7

“Ndi, ambi at malayikat Ala apuri o Pilarelipiya kuwak eekwi inarum menggerak nogo nen apuri yoraawak nduk, yoriyak, yokkiri o. An Ndawut agunci nogo porogo logonet, tu paake neenok aakumi nen nakwi, ndi, nake neenok paakwi, eekulik an mban unde logonet, pilit ariilik abet mban ari minggirak nalik leenak minggirak nogo nen,