Nappiigak 15:41 - Ala Wone Peenok Peebi Mbanak

⁴¹ o Tiriya inom, Kilikiya inom, yi awi ndi awi yanggwagak nugu logonet, at Pawulut nogo nen it Ala apuri kuwak eerit nogo menggaarak nogo iniki nu'lek logowak nduk, yoranet nege nagagerak.

Nappiigak 15:41 ပူးပေါင်းရင်းမြစ်များ

Matiyut 4:24

Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.

Nappiigak 15:23

nappiyaawok nduk, liiru mbanggo logonet, “Ninoreewi wa. Kinoreewi nit nappiigak inom, Ala apuri unde inom, nogo nen ninoreewi kit endekem mendek abet mbareegutak o Andiyokiya inom, o Tiriya inom, o Kilikiya inom, kit time wonogwe abok aret keyage wokkinako o.

Nappiigak 15:32

It Yurat Tilat imbirak Ala nen yorage kagak yoraga mendek me, it inoreewi Ala apuri time nogo yi wone ndi wone ambik yorogo logonet, iniki eyak wappiigwi, iniki kole eeginakwi, eereegwaarak.

Nappiigak 18:18

At Pawulut o Korindut time logonet, nogo ambik yege nagagerik, ti'nuk, ninoreewi Ala apuri time iigak, at Akwila akweeluk Piritikila imbirak inom yiiro paga o Tiriya woraawok nduk, eeko logonet, at Pawulut nen ambi eeriyak Ala enggaanom yoreegerak nogo ndak-ndak o Kenggereya taati at eeruwak mbaneegerak.

Nappiigak 21:3

Wogo nogogurik, o Tipurut nineebe kwaare'nggan nina wunggagak wogo logonet, yi mendek ndi mendek yiiro me yonggolak nogo o Tirut kilirogo wumbegak woraawok nduk, o Tiriya unggwi wogogurak.

Nappiigak 6:9

it Yakuri mendek o Kirene nen, Alekandiriya nen, Kilikiya nen, Atiya nen, it Yakuri kuwak eeko menggam endage Wondet Eerogo Pinaneegim tooneegwam nogome kuwak eeri wogo nogogwaarak nogo nen, Tepanut inom wone wareegwaarak.

Nggalatiya 1:21

An aap Kepat nimbirak wonagagirik, ti'nuk, o Tiriya inom, Kilikiya inom, wage nagagirik, o nogome enaagan-ambokan nege neegak,