Nappiigak 15:36 - Ala Wone Peenok Peebi Mbanak

³⁶ Nogome wonogogwaarik, ti'nuk, peebi at Pawulut nen, “Yi awi ndi awi ninogoba Yetut eeke nagagerak wone nogo yoranet nogo nogogum nogome ninoreewi Ala apuri nogo, Nonggop wonogwe iyaamun? Pegiinet nawok o,” yinuk, at Mbaranabat yoreegerak.

Nappiigak 15:36 ပူးပေါင်းရင်းမြစ်များ

Etet 2:11

Yoraga'lek aret time wonage kagak, at Morekayi nen, “Etet eebe nonggop wonage kaamun? Ndi, nonggop eeppugwi iyaamun?” yinuk, ko'lu-kii'me kumi tawe wonogo menggam yagat endekem nen enegen mangga nagak mban eeke nagagerak.

Wundeegwaarak 4:18

Ti'nuk, Muta nogo iyokan aru Yitoro owagam nage nagagerik, yoge logonet, “An nowe-nawot o Metit wonogwe nogo ineenik wonogwe ilik, lek a? Pegiya naakit nduk, yokkiri wagi o.” Yoge mbareegi, aru nogo nen, “Pegiya noorak op aret me, nak o,” yoreegerak.

Yeremiya 23:2

Iterali inogoba Aliku ALA nen it aap at apuri ndegeninaka yoroorak mbakerak nogo yi aret. Aliku ALA nen ari logonet, “It an nandomba liirogon ndegeninaka'lek wumbiigwi, mak eerogo piigwi, eekaarak me, maluk eekaarak onggo aaninggin inoba kwippiyaagin o,” yinuk, yegerak me, yokkiragi o.

Nappiigak 13:12

Inowe gubernur nogo nen aap enegen mbuk agaarak kage nagagerik, “Inogoba Yetut wone mamunirogwe yi, abet aret kagi,” mbake nagagerik, “Wi!” yinuk, pi wareegerak.

Nappiigak 13:4

It Mbaranabat Tawulut imbirak Aberiniki nen nappiige mbareegi, o Telewukiya wambi wogo nogogwaarik, ti'nuk, time nen, nggween kup mbanak Tipurut time wunda nawok nduk, yiiro paga unggwi nanuk,

Nappiigak 13:51

Mugogo wumbiigo mbareegwa, it nogo nen, “Kinobaalombok o,” yinuk, iniyok paga liirubu aa'ngga eerogo mbo piinok, o Ikoniyum wogogwaarak.

Nappiigak 14:1

O Ikoniyum time o Andiyokiya eereegwaarak nogo ndak-ndak eereegwaarak. At Pawulut kunduk, Mbaranabat kunduk, it Yakuri tamban eeko menggam unggwogo nogogwaarik, wone abe liirogon yorogogwaarak paga it Yakuri mendek inom, Yunani mendek inom, ambik aret iniki abet mbareegwaarak.

Nappiigak 14:21

Aakumi o kota Nderebe time obeelom wone yorogogwaarak paga aakumi ambik abet mba'nuk Yetut oone waganeegwaarak. Waganggo mbareegwa, it wogogwam o Andiyokiya iniyok paga nogo logonet, o Litera unggwogwe, Ikoniyum unggwogwe, eerit o Andiyokiya unggwi nogogwaarak.

Nappiigak 14:6

it eeppiyoorak koonogo pereegwaarak wone nogo Pawulut Mbaranabat imbirak inaruk konembunuk, kole o Likawoniya wogo nogogwaarik, o kota Litera inom, o kota Nderebe inom, o time enaagan-ambokan yanggwagak nogo logonet,

Nappiigak 7:23

At nda'nagagerak kagak, tahun 40 eeke mbareegi, Nowe-nawot Iterali mendek nenegen iya naakit o, mba'nuk,

Oroma 1:11

Kiniki kole aruwak nduk, Ala nen an eeppanegerak ambi kit yokkiraakit nduk pekkiya woroorak uugwe lombok mbake minggirak o.

2 Korindut 11:28

Ti we nagabolo paga mban ee'nabeegerak me, yagi o. Ndi, niniki nen perak, Ala apuri yi awi ndi awi kuwak eekwi nogo abok aret ko'lu-kii'me inoba aberit nage minggirak ti inom aaninggin mban aret o.

Pilipi 1:27

An yime wonage neegak eekwi konenigin a, time kiya wage neenok eekwi kiyaagin a, kit obeelom wone abet mba'nuk waganeegutak nogo, mbo pega'lek kiniki ambit a'nuk, nu'lek logonet, eerit nogwe neenu arigin me, obeelom wone Keritut nen yo'niragagerak nogo, ndak-ndak liirogon aret eerit nogo logonip o.

1 Tetalonika 3:6

Ndi, yogondak perak, at Timotiyut muk kit wonogome nen nit niya wagaarak o. Ndi, niya wage nagaarik, wone obeelom wone kit kiniki abet mbakwi wone inom, aakumi kinom kiniki kunik aganakwi wone inom, ndi, nit nen, “Kit kiyaawok lak, ao,” mbakwi kwak, kit nen, “It iyaawok lak, ao,” ninomba'nuk, kulinik-kalinik ninoba abeko logonet, kinale'nggen mbakwi nogo inom, yo'nira wagaarak o.

2 Timotiyut 1:4

Kat le yereegindak nogo abe'nage kenok, an niniki ale'nggen nggwok lombok kaakit nduk, “Keya woraakit lak ao,” mbake minggirak.