Nappiigak 15:32 - Ala Wone Peenok Peebi Mbanak

³² It Yurat Tilat imbirak Ala nen yorage kagak yoraga mendek me, it inoreewi Ala apuri time nogo yi wone ndi wone ambik yorogo logonet, iniki eyak wappiigwi, iniki kole eeginakwi, eereegwaarak.

Nappiigak 15:32 ပူးပေါင်းရင်းမြစ်များ

Ndaniyen 11:1

aap Meriya mendek Ndariyut nogo endagembogut a'nuk tahun aa'nduk eereegerak paga wone lengganogo yorage logonet, eeriyak mbaketak nogo, at Mikayen nen tebenogo pege kagak, an nen at Mikayen yeenggwaage, nimbirak tabonak nege, eeriyak koombunuk, eeke minggirak me nduk yagi o,” yinuk, yegerak o.

Matiyut 23:34

Ti kenok, an nen it aap Ala nen yorage kagak yoraga inom, aap iniki warak mendek inom, aap Ala wone liiru mbanak unde inom, kinowagam nappiya woraminggirak ando eyo karo-karo paga nabenogo inookwi, ando kit tamban eeko monggo'nom time ya'mbiran nggora eerogo inookwi, ando muguret-magaret eerogo mappiigwi, eeginabumunggup o.

Lukat 11:49

O nggween yi wakkagagerak paga nen, it aap Ala yorage kagak yoraga aap Kaben amiya wambeegerak kuli nen nok, Ala ake warogo kani kunggo menggam Ala awi wurik me oolo muundak aap Takariya amiya wambeegerak kuli, it abok inamiya wambeegerak nogo inane'me kit aakumi yogondak wonogwe yi aret kinoorikit nduk, at yi mendek ndi mendek abok eenu menggerak Ala nen ari logonet, An noone yorage neegak yoraga inom, yonggo nappiya wage minggirak inom, nappiya wage neenok, ando inookwi, ando piginabuwak nduk, muguret nugwi, eekwi, kiyaagin o, yinuk, yereegerak nogo ti, it aap aa'nduk inamiya wambit nagagerak nogo inane'me kit aakumi o yogondak wonogwe yi aret kinoorikit nduk, yereegerak me, yokkiragi o.

Nappiigak 11:23

At Mbaranabat nogo iniki kwi'ndak me, iniki abet mbake logonet, yungguppegak eeke logolik Aberiniki inikime mondok liinik wonage me, nappereegwaarak. Nappereegwaarak nage nagagerik, at Ala iniki kunik en eeppiige nogo enegen kage nagagerik, iniki ale'nggen ambik a'nuk, “Kit kiniki mondok nu'lek logonet, ninogoba Yetut oba panggombunuk logonip o,” yinuk, inaruk wake nagagerak. Inaruk wake inom wonage me, ambi nabek unggwagak mban eeko logonet, Ala apuri ambik aret ogogwaarak.

Nappiigak 11:27

Time mamunirogwe iigak, it Ala nen yorage kagak yoraga mendek ando o Yerutalem nen o Andiyokiya lagi nogogwaarak.

Nappiigak 13:1

O Andiyokiya time it Ala apuri kuwak eekugak inenggela'me it ando nen Ala wone yorogwe, ando nen wone mamunirogwe, eeko nogogwaarak inendage ti, Mbaranabat inom, Timeyon endage ambi toonak Niget inom, aap awi Kirene mendek Lukiyut inom, inowe endagembogut Keroret ogoba nen at imbirak tawe eeginabeegerak endage Menakem inom, Tawulut inom, it nogo nen aret eeko nogogwaarak.

Nappiigak 14:22

O nogome yanggwagak nogo logonet, “At Ala abu'me unggwi noorak ti, aaninggin-paaninggin ninoba arit unggwage tit kagak aret unggwi noorak o,” yinuk, it Yetut oone waganeegwaarak nogo, iniki eyak wappiigwi, “Wone abet mbakotak nogo mbo puurak mage o. Ata, kiniki nu'lek eeppunuk logonip,” yinuk, kini wuppiigwi, eerit nogogwaarak.

Nappiigak 15:1

Nogome wonogwe me, it Yureya mendek ando o Andiyokiya nogo nogogwaarik, ninoreewi Ala apuri time yorogo logonet, “At Muta nen, Aap inagabolo mbaniyak o, yo'niragagerak nogo ti ndakndak eekkinaka'lek kenok, kit kinagap ndarigin lek o,” yinuk, yorogo mbareegwa,

Nappiigak 15:22

Yorage mbareegi, it nappiigak inom, it Ala apuri unde inom, Ala apuri time kuwak eeko menggaarak nogo abok inom, nen, “Pawulut Mbaranabat imbirak nit yime mendek ambi inom leenogo o Andiyokiya nappiyaawok o,” yinuk, Ala apuri inoweewi ambi Yurat, endage ambi Mbaranabat inom, aap Tilat inom, leenogo piinok,

Nappiigak 15:27

Togop me, it aap Yurat Tilat imbirak nen liiru mbanak yi ndak-ndak mbininogo yokkiraawak nduk wonok nappiya wogo ti o.

Nappiigak 15:3

Yorogo nogogwaarik, it Ala apuri time kuwak eekwi nogo nen nappiya wogo mbareegwa, o Penitiya inom, Tamariya inom, yanggwagak eerit wogo logonet, it endekem mendek inomaluk mbo pereegwaarak wone nogo, mbininogo yorenet wogo mbareegwa, ninoreewi Ala apuri time wonogwe nogo nen iniki ale'nggen ambik aganabeegerak.

Nappiigak 15:31

Wogorogo mbareegwa, pekkogo nogogwaarik, iniki eyak warogo liiru mbanirogogwaarak kogo nogogwaarik, iniki ale'nggen ambik agagerak.

Nappiigak 15:41

o Tiriya inom, Kilikiya inom, yi awi ndi awi yanggwagak nugu logonet, at Pawulut nogo nen it Ala apuri kuwak eerit nogo menggaarak nogo iniki nu'lek logowak nduk, yoranet nege nagagerak.

Nappiigak 18:23

Time wonagagerik, ti'nuk, peebi o time lambembunuk, yi awi ndi awi o Nggalatiya inom, o Perigiya inom, yanggwagak nege logonet, Yetut oone waganggwi nogo iniki nu'lek logowak nduk, yoranet nege nagagerak.

Nappiigak 2:40

Yorage nagagerik, wone ando ambik aret yorage logonet, “It aap o yogondak ndarak maluk eekwi ti, kinom maluk eekkinabukwak kinagap ndakkolaabagip nduk, kinom mondok ogoorak logonip o,” yinuk, inaruk wake, oone nabek togon yorage, eeke nagagerak.

Nappiigak 20:2

Nage nagagerik, o yi awi ndi awi time yanggwagak nage logonet, iniki eyak wappiinet nagagi-nagagi o Yunani aret ari nagagerak.

Oroma 12:6

Togop me, Ala iniki kunik nen obeelom eeppinanege logonet, nit eeko logowok nduk, ninalitik-ninalitak unde eeppinaneegerak ti ndak-ndak aret liirogon eerit nogo logowok o. At Ala wone yorogo logorak unde eeppinagareegerak kenok, kiniki Ala oba panggombunuk logonet, yorogwe,

Oroma 12:8

iniki eyak wappiigak yogo logorak unde eeppinagareegerak kenok, iniki eyak wappiigwi, aakumi inamendek lek wogorogo logorak unde eeppinagareegerak kenok, “Onggo wo'niruwak,” mbaka'lek we aret wogorogwe, aakumi inowe logorak mippinagareegerak kenok, kineebi mbaka'lek nggwiirit-nggwaarit eekwi, ndi, aakumi inabuwa mba'nuk eeppiyoorak kenok, kiniki ale'nggen paga aret eeppiigwi, eeko logonip o.

1 Korindut 1:8

At ninowe Yetut Keritut woroorak eyom paga kit maluk kinoba lenggenak lek wonogwe me kiya woraawak nduk, yogondak nen nok, peebi at woroorak kuli paga kiniki mondok nu'lek logobagip nduk, eeppinagage logogin o.

1 Korindut 14:29

It aap Ala wone liippunuk yorogo menggaarak nogo ineebe mbere a, kenagan a, nen aret wone yokkirogo logowak o. Ndi, yokkirogwe iigak, kit ando nen, “Wone yo'nirogwe ti, abet aret yigi?” yinuk, liippako logomunggup o.

1 Korindut 14:3

Ndi, it aap Ala wone yorogo menggaarak nogo nen perak, aakumi iniki kole eerogo piigwi, inaruk wakwi, iniki eyak wappiigwi, eeko menggaarak.

1 Korindut 14:32

Ala ti, naalop-kaalop eerogo piiga lek o. Ata, iniki lambunik ale'nggen logorak eerogo piiga at aret me, it Ala wone yorogo menggaarak nogo yoroorak aganake kenok, tebeppunuk logonuk, at aa'nduk yorage nogo puk age kagak, yoroorak mbake nogo peebi yoragak eeko logorak op aret o.

Epetut 3:5

Wone ti, it aakumi aa'nduk nda'narit wundi wogo nogogwaarak nogo, paganogo yoraga'lek aret wonagagerak kwe, yogondak perak, Ala nen at Aberiniki nappi wagagerak nogo paga nen it aap Ala ake leenak nappiigak inom, it aap Ala wone yoraga inom, abok aret ineenu eeppiyareegerak.

1 Tetalonika 2:11

Ala mondok tiyanak logonet, “Kit tiyappinagakit nduk, nabu'me woraanip o,” yinuk, ayonggo pinagareegerak nogo, iniki mbake ndak-ndak eerit nogo logobagip nduk, aap ambi apuri kenok yorage nogo kokwak, nit togop aret niniki aganggen kerek togon kit kinalitak lombok kinaruk wakwi, kiniki eyak wappinagagwi, kini wuppinagagwi, eeko nogogurak nogo kineenu aret o.

1 Tetalonika 3:2

at ninawot Ala ayeloman Keritut eeke nagagerak obeelom wone ninom yorogo monggoorak Timotiyut nogo nen, it aakumi aaninggin kinoba pinagagwi paga wone ti, “Nineebi o,” yinuk, mbo pugwi kiyo, kit abet mbakwi nogo nu'lek agago pinagage, kit kiniki eyak wappinagage, eeke logowak, mba'nuk, at kinake nappi wogogurak. Nit togop aret eeppinanogo logorak Ala nen koonogo pinaneegerak kineenu aret o.

1 Tetalonika 4:1

Ndi, noreewi o. Wone irip paga iluk ambi yokkiroorak mbakoorak me yokkiraawi o. Ala inikilom kinombaruwak nduk, “Nonggop eerit nogo logorak?” mamunggirogogurak nogo, muk eerit nogwe aret kwe, ambinom mondok nggwok togon eerit nogo logobagip nduk, ninowe Yetut nen yo'nirage kenok lengganogo yokkirogo o.

1 Tetalonika 5:14

Ndi, noreewi o. It aap iniki nen alik eerit nugwi iinok, inaruk wakwi, aaninggin inoba age kero, inagabiti mbakak nugwi iinok, iniki kwippiigwi, iniki awo kole aga'lek kenok, eyak wappiigwi, ndi, aakumi abok kinoone yanggorogon yorogwe, eeko logonip o.

1 Tetalonika 5:20

Ndi, Ala nen yorage kagak, yokkirogwe wone nogo, miyuk-meya eerogo pugwi ti, mage mban o.

2 Tetalonika 3:12

“It aap togop eekwi ti, ineyabu liirogon eekkologo logonet, it inambi mban nonggo logowak o,” yinuk, wone ti abok aret ninowe Yetut Keritut nen yo'niragagerak me, lengganogo yokkiragi o.

1 Timotiyut 2:1

Wone aa'nduk yokkiriyak mbakirak nogo yokkiri o. Yi aakumi ndi aakumi abok aret inake Ala nggino yoge, tamban eeke, aakumi inake yoge, eeppagage nogo, “Wa,” yoge, eeke logonok nduk, noone nabek togon yokkege agarik o.

2 Timotiyut 4:2

Ala wone yoranet nege logot o. Anggon kagak, anggon lek kagak, yiyom-ndiyom ugun yorage logonok nduk, pipuk aago logot o. “E o,” yuwak nduk yorage, maluk eekwi iinok mberirage, koone yanggorogon inaruk wake, eeke logonet, kaanaga-nggenggwi lek kiniki kwippunuk liirogon mamunirage logot o.

1 Peterut 5:1

Nowe-nawot o. Kit Ala apuri inenggela'me logonet inarum monggotak kwak, an togon Ala apuri inarum minggirak nen wone ambi yokkira o. At Keritut aaninggin-paaninggin oba pogo nogogwaarak nogo, an nenegen kagagirak me, peebi at pi wakwi iigak, woroorak eyom paga, “An togon tiyappani woraagin,” mbake logonet, “Wone eebe yokkiraakit,” mbakirak nogo liirogon konenggo logobagip nduk, yokkira o.

1 Peterut 5:10

At iniki kunik nen wo'nirage menggerak alom unde ninogoba Ala nogo nen Keritut ninom kunik wonogwe paga at tiyanak menggim nogome ninom ndak-ndak mondok-mondok tiyanak logowok nduk ninayonggo pereegerak me, ne ambiriluk ambi andi-pandi eerogo pinagagwi iinok, ninogoba Ala nen kinobaabut koonogo pinagage, kiniki nu'lek eerogo pinagage, kinomaawi agago pinagage, kinogogumbuk nu'lek logobagip nduk eerogo pinagage, eeke logogin me, kiniki kwi'ndak logonet, waganggo logonip o.

1 Peterut 5:12

Wone yokkirage ti abok aret at iniki kunik nen obeelom eeppinanege menggerak Ala nogo nen an ndak-ndak eeppanege kagak paganogo yokkirage me, “Yi abet aret eeppinanege menggerak o,” yinuk, kiniki eyak wappinagawak nduk, at li'lak mban eerit nage kage minggirak ninore Tilat nogo nen yeenggwaanege kagak, liiru yi, we nggaruk togon mbanggirage kwe, wone yi ti, mondok iya me, porogo logonip o.