Nappiigak 15:28 - Ala Wone Peenok Peebi Mbanak

²⁸ Aberiniki ninom nen kit eeko logorak mbakoorak nogo ti, aaninggin mendek ambinom kinoba luurogo pinagaga'lek, we, eeriyak mendek kenok mban eeko logorak mbakoorak nogo yi aret o.

Nappiigak 15:28 ပူးပေါင်းရင်းမြစ်များ

Yaya 16:13

Ala ndogop menggerak paganogo yokkiraga Aberiniki nogo wage logomenggerik perak, Ala ndogop menggerak o, yinuk, mamungginake logogin o. At iniki koombunuk nen yokkirage logogin lek o. Ata, at konembunuk mban yokkirage, ndi, peebi eeriyak wone nogo at nen paganogo yokkirage, eeke logogin o.

Wayu 2:24

Ndi, it ando o Tiyatira wonogwe nogo, kwe ti, oone inom, Tile eeke menggerak kote kumaarak yogo menggaarak wone nogo inom, it mugurok naga'lek mbo pereegwaarak me, an nen aaninggin mendek ambi inoba piyoorak mbarulik kwe,

1 Peterut 1:12

Mbogut paga nen Aberiniki nappi wagagerak it aap ti, inikime unggwage nagagerik, yorage kagak, obeelom wone yokkirogogwaarak konenggo nogogutak wone nogo, maan it aap Ala nen yorage kagak yoraga nogo nen, wone ti yorogwe iigak, at Ala nen, “Wone yi ti, kit kinake nduk yokkirage lek o. Wone ti, it peebi nda'naremenggaarak inake nduk aret yokkiragi o,” yinuk, kin paga yoragagerak me, it malayikat kunduk wone ti, koneniyak uugwe mbakwi kwe, nit ninake nduk aret yorogo nogogwaarak kogo o.

1 Korindut 14:37

Kit ambi nen, “An Ala wone yorage logokit nduk, unde eeppaneegerak kagi,” yinuk, mbake, ndi, ambi nen, “An eeke logokit nduk, Aberiniki nen, Yi aret, wo'nireegerak kagi,” yinuk, mbake, eekwi nogo nen, “Wone yi ti, ninowe nen Pawulut yoge kagak mbanniragagerak kogo o,” yinuk, kiniki liippinip o.

1 Korindut 7:40

Aap kolaga'lek we logorak mbake kenok perak, iniki ale'nggen ambik kage logogin mbake agarik o. An mbake logonet, yokkiragarak ti, Ala Aberiniki nen yo'nege kagak yokkirage mbake agarik o.

Nappiigak 15:19

Liiru togop mbaneegwaarak me, it endekem mendek iniki koombunuk Ala wone waganggwi nogo, iniki aaninggin ariyak mendek eerogo piyoorak lek o.

Nappiigak 15:8

At Ala aakumi iniki abok eenu me, nit Aberiniki wo'niragagerak kwak, it endekem mendek kunduk, at apuri eeginakerak mbaruwok nduk, Aberiniki wogoragagerak.

Nappiigak 5:32

Ala nen yo'nirage nit liirogon eekwi niinok, Aberiniki wo'niragaarak nogo ninom logonet, eerit wage kogoorak nogo abok aret paganogo yokkirogo ogoorik o,” yinuk, yorogogwaarak.

1 Tetalonika 4:8

Togop me, aap ambi nen, “Wone yi, Ala nen yegerak lek o. Aakumi nen aret yagaarak o,” yinuk, taganogo mbo pege kenok, at nen aakumi mbo piige ti lek o. Ata, at Aberiniki wo'nirage Ala nogo aret mbo pege menggerak o.

1 Korindut 7:25

Kit komologwe tawe eeko logorak Ala nen wone ambi lengganogo yo'nirulik kwe, it aakumi Ala nen inabuwa mbake menggerak me, “Ninoone abet mban yogo logowok o,” yinuk, mbakwi nogo ndak-ndak an kunduk togop logonet, niniki mbakirak nogo ambi yokkira o.

Nappiigak 15:25

Ninaruk konenggoorak me, yogondak nit kuwak eeppunuk, ninom monggoorak aap ando kinowagam woraawak nduk, niniki ambit eeppunuk, leenogo piinok,

Matiyut 23:4

It nen aaninggin ambik waganogo aakumi inuum paga piinok, luwi aago nugwi iigak, yeenggwaaroorak mbaka'lek inigen pengge agan mbaganggo menggaarak.

Nappiigak 16:4

It Pawulut Timotiyut imbirak yi awi ndi awi o kota lombok nugu logonet, it nappiigak inom, o Yerutalem Ala apuri unde inom, nen wone kooneegwaarak nogo, it liippunuk eeko logowak nduk yoranet nugu nogogwaarak.