Nappiigak 15:18 - Ala Wone Peenok Peebi Mbanak

¹⁸ At togop eeke menggerak o maan nen yereegerak nogo kinogoba Ala nen aret yereegerak me, yokkiragi o, yinuk, yoragagerak wone liiru mbaneegwaarak me, yokkiragi o.

Nappiigak 15:18 ပူးပေါင်းရင်းမြစ်များ

Yetaya 44:7

Togop me, an kokwak ambi ta agaarik mbakop? Wonage kenok, oone yiyok nda! Ari logomenggerik, at eenu nogo nenggaanom paga ari kaakit nduk, An maan aa'nduk nen napuri leenogo piyareegirak kuli nen nok-nok arit wagagerak nogo mbininogo yo'nege, Peebi ndogop eerigin o, yinuk, yo'nege, Eeri woraawak o. Abet aret yi woraawak nduk yagi o.

Yetaya 45:21

It alom ngge panggombunuk eekwi nogo, an lik togon yo'nugwi, Wone nonggop yo'niriyak nogo inagugi inom wone mbanggwi, Eeruwak o. Wone agaarak yi, aga'lek kagak ariyak nduk, o aa'nduk lombok ta nen yoranet nage, O maan nen wone ti, ta nen inaruk paga pit nage, Eereegerak mbakop? An Naliku ALA nen yoragagirak nogo lek a? An wonage neegak, Ala alik ambi wonage lek aret o. Inagap Ndaka iniki abe koonak alik ambi lek, an Ala nalik aret minggirak o.

Takariya 14:7

Ne ti alik lombok eerogo pigin me, o weege, o kiip age, eeke nogo lek age logonet, o liingge mban aret logogin o. Ti eeriyak nogo ti, Aliku ALA eenu menggerak o.

Linggineegwaarak 23:19

At Ala ti, aakumi kwak lek me, at oone pilit ari, At aakumi inaput lek me, iniki alik koongge, Eekeelik o. At nen, An yogop eerikit, yegetak ti, a'me aret eeke, At wone mbanggetak ti, a'me aret nggelok ari, Eekeelik mbaken?

Matiyut 13:35

Ti yorage nagagerak nogo ti, Ala yoge kagak yoraga nogo nen, “An wone yokkirage logonet, eegu laarogo mban yokkirage, Ndi, o yi wakkagagerak eyom paga nen nobarak mban wonagagerak nogo aret yokkirage, Eeke logogin o,” yinuk, yereegerak, yoragagerak nogo, a'me lik yereegerak.

Matiyut 25:34

Eeke logominggirik, an nendagembogut aret me, it aakumi neenggi abe'nggan piyaminggirak nogo yorage logonet, An nogoba ale'nggen kinoba pinagi o. An mbi abu me, kit nen mbi wo'nugwi, yi abu me, yi too'niri nogwe, aap nggiru me, wo'nakwi, nayum yirik lek me, yum yippanugwi, andi warak me, pe'neya wogwe, an keele maarak me, kit neya wogwe, eeko nogogutak me, an nogoba nen o mbogut nggween awo wakkaga'lek kagak, kit aap nggwok kinendagembogut logobagip nduk, punogo pinagareegerak nogo ndak-ndak, kit mondok tiyanak logobagip nduk, wa'nip o.

Nappiigak 17:26

At yi awi ndi awi abok o nenaarit nogo logowak nduk, kuli ogoorogo piinet nage, ti'nuk, nineyom-naneyom eerit nogo logowak nduk, koonogo pege, eeke nagagerik, yi aap ndi aap inanebunu lombok yi awi ndi awi wiganuwak nduk, alom aap ambit aret wakkagagerak.

Epetut 1:11

At eeriyak koonggetak ndak-ndak aret eeke menggerak nogo nen, “An napuri ndogop obeelom eeppiyaakit o,” yinuk, o maan togon nit nda'naga'lek niigak, koonogo pereegerak nogo ndak-ndak, Keritut eeremenggerak paga nit at apuri aret miirogo pinaneegerak wonogo ogoorik o.

Epetut 1:4

At Ala nen, “Peebi Keritut nen eeppiyamenggerak paga an napuri maluk inoba lenggenna'lek nenggaanom paga mondok alik leenak logowak o,” yinuk, o nggween yi, awo wakkaga'lek kagak mii'ninabeegerak.

2 Tetalonika 2:13

Kit noreewi o. Nit ninowe nen iniki kunik eekkinabeegerak nogo kit aret kiinok, “Ala wa,” yoriyak mban ee'ninake menggerak. Kit Ala ari menggerak wone abet mbakwi kiinok, Ala apuri logobagip nduk, Aberiniki nen leenogo pinagage kagak, Ala nen, “Kinagap ndarikit o,” yinuk, kit kinaa'nduk togon miikkinabeegerak me, “Ala wa,” yoriyak mban ee'ninake menggerak.

1 Peterut 1:20

O maan mbogut-nggween wakkaga'lek kagak, at Ala nen, “An ogobakkigirogo piyaminggirak peebi maluk eerugun neenu aret me, inake Keritut aret leenogo pikit o,” yinuk, leenogo pereegerak kote kumaarak wonagagerak kwe, yogondak irip paga yi aret, at Keritut eereegerak paga nit niniki Ala oba panggombunuk abet mbakwi nogo, ninake aret kin eeppereegerak me, niniki at oba panggombunuk, abet mbakwi, niniki lunik wonogwe, eekwi ti, at Keritut kambunuk nogo menggam nen eenik agago mippege nagagerik, tiyappereegerak Ala eebe nogo aret o.

Wayu 13:8

Ndomba Aagaluk wareegwaarak nogo nen o maan mbogut-nggween yi awo wakkaga'lek kagak, aakumi o nggween paga menggaarak abok aret it inendage mondok-mondok ineenik aganaburak mbuku paga liiru mbanak wonage lek kenok, at nggeewo nogo alut eekwi iigirak.

Wayu 17:8

Nggeewo nggwok anini warak kagandak nogo ti, aa'nduk wonagagerak kwe, lek age nagagerik, ti'nuk, Kambunuk Nogo Menggam mbuun ambena nen lagi wage kenok, Ala nen enggaawak lek eerogo pege kaamunggun o. Ndi, mbogut-nggween wakkagagerak kuli nen it mondok-mondok ineenik aganaburak inendage mbuku paga liiru mbanulik o nggween paga awo kangga'lek ineenik wonogwe nogo nen, nggeewo nggwok aa'nduk wonagagerak kwe, lek agagerak mbareegwaarak mendek kin ari wage inigen kogo logomenggaarik, it kunduk, Wi! mbarugun o.