Nappiigak 14:17 - Ala Wone Peenok Peebi Mbanak

¹⁷ at nogo eebe yelok kaabagip nduk, eeppinagageelik ti lek o. Kinabuwa nen obeelom eeppinagage logonet, yi mendek ndi mendek kole aruwak nduk, mbogut paga nen mayu wokkirage, kiniki ale'nggen mbarubagip nduk mbi ka'let eerogo wokkirage, eeke menggerak o,” yinuk, inoone omaawi paga yorogogwaarak kwe,

Nappiigak 14:17 ပူးပေါင်းရင်းမြစ်များ

1 Endagembogut 18:1

Ti'nuk peebi logonuk negen, tahun mbere eeppunuk, ambi eerak paga Aliku ALA nen Eliya yoge, “An o yime mayu wuppi woraagin me, aap Akap keyaawak nduk, pekka nak o,” yoreegerak.

Nekemiya 9:25

It ninombomini nen inawi kota-kota pak wurik wonage inom, inanggween mili wonage inom, tebenggologwe, inawi wurik me yi mendek ndi mendek abe mendek wonage nogo inom, niyo nggween kabunik inom, yabu anggur yarak inom, eyo tayitun yarak inom, yi eyo ndi eyo anggen yege menggerak mendek abok aret inom, unde eekkologwe, eeko nogogwaarik, inaanogum palek togon nonggo nogogwaarik, inagabolo ki obeelom aret wonogwe iigak, kat mondok obeelom eeppiige nagagindak paga inale'nggen mbakak nugu nogogwaarak.

Ayup 36:31

Ti eerit nage nogo ti, aakumi inowak looniyak nduk eeke, Inambi ngginu-ngginu eerogo wogoroorak nduk eeke, Eeke menggerak.

Ayup 37:6

At nen ndugu-ndugu yoge logonet, nduguk togon nggween paga wambu o, yoge, Ndi, o mayu yoge logonet, mayu nggwok lubu-lubu wambu o, yinuk, yoge, Eeke menggerak.

Ayup 5:10

At nen o nggween paga mayu wuppi wage, Yabu yarak paga niyo kilirogo pit nage,

Ndawi 145:9

Aliku ALA ti, aakumi abok aret obeelom eeppiige, At nen ogobakkigirogo piyareegerak nogo Abok aret inabuwa mbake, Eeke menggerak o.

Ndawi 4:7

Gandum anggen inom, anggur amburu ngget toolak inom, Ambik age kenok, inale'nggen mbakwi nogo ti, Mbuuluk aret kwe, nale'nggen kaakit nduk, Kat nen eeppanege ti perak, nggwok lombok aret o.

Ndawi 52:1

“An aap iya,” mba'nuk nege yi, kat maluk eeke nagandik, Nonggop nduk wogoppatit nege agandik? It aap Ala inabuwa mbake nogo maluk eeppiige nagandik, O kubondendok nen nok kiyoma ari nage kagak, Nonggop nduk wogoppit nege agandik?

Yetaya 22:13

It nen inale'nggen nggelok yinuk, ugun-ugun eerit nogo logonet, Nit ko'lu aret kambuurak me, amele o, yinuk, Tapi inom, ndomba inom, warogo lappunuk, Enggaanggum larak nenet nugwi, anggur amburu nenet nugwi, Eekwi iigirak o,” yinuk, yegerak me, yokkiragi o.

Yetaya 40:21

Wone ti, kit kineenu ogwe, kinaruk konenggwi, Eeka'lek ogotik ya? O aa'nduk lombok agagerak kuli nen yokkiraga'lek ya? O nggween yi alom kwippereegerak kuli nen liippega'lek ya?

Yetaya 5:6

Neyabu anggur awi yarak nogo anggup mbanogo nagabit nage, mogot mbanogo pit nage, Eerigin lek nggween nggwi-nggwi mban eerogo piminggirak me, Nggonggoondu penggaarogo pege, alok-palok mban lagangge, Ndugwi nen o mayu wuppi wage kero, Mage, yoriminggirak me, nggween mbuk age, Eerigin o,” Yegerak me, yokkiragi.

Yeremiya 14:22

It yi aakumi ndi aakumi aanom warogo ayuk wuko menggaarak inagugi nogo nen o mayu wuppi wage, Ndi, mbogut alik nen o mayu lubu-lubu wurabit wage, Eeko menggaarak mbakop? Lek aret o! Kat ninogoba Kaliku Ala kalik nen mban aret eeke menggendak o. Ti abok aret eerit nage nogo ti, kat nen aret eeke menggendak me, nit niniki kat paga lunik aret ogoorik o.

Yeremiya 5:24

It inikime nen, O mayu wage menggim ari wage kenok, mayu wuppi wage nagaatik, amburu mbangge menggim ari wage kenok, kibi loongge, Ndi, yakootak anggen mbanogo puwok nduk o kibi kagak, Tamban ndi kuli aruwak o, yinuk, koonogo pinanege, Eeke menggerak Aliku ninogoba Ala ayuk wuruwok o, yinuk, iniki me mbariyak kwe, Mbaka'lek aret wonogo menggaarak.

Yetikiyen 34:26

It ineebe paga inom, nabuut enaagan-ambokan it wonogo menggam nogo paga inom, nale'nggen eerogo piige logonet, o mayu wage menggim age paga mayu wuppi woraminggirak wage logonet, yi mendek ndi mendek obeelom eerogo pit wage kenok, inale'nggen mbako logogun o.

Yowen 2:23

Kit aakumi o Tiyon wonogwe yi wae. Kinogoba Aliku Ala nen a'me nggelok eeppinagage logonet, Aa'nduk eereegi kwak, o kibi wonagaatik mayu nappi wage, O loongge nagaatik, mayu wuppi wage, Eeppinagagin me, Gandum agabolo mbelanggo menggam anggen mban yagabit age, Anggur amburu mburunogo tooko menggam anggur amburu inom, eyo tayitun amburu inom, Eno korok yinuk, kilu-kilu wangge, Eerigin me, Kiniki ale'nggen mbakwi, Kinogoba Aliku Ala eeppinagamenggerak ti paga ndawi lubuk yogwe, Eeko logomunggup o.

Ala Unde 26:4

mayu wage menggerak eyom paga mayu nappi wage neenok, inanggween paga yi mendek ndi mendek yaremenggaarak put age, ineyabume yi eyo ndi eyo anggen ambik yi'nage, eeremenggerak me,

Lukat 6:35

Kit perak, at Tiyanak Lombok Menggerak nen it aap maluk mendek iniki lambek-nggoonak menggaarak nogo iniki kunik aganake menggerak me, kit togon, it kinom ogoorak monggotak nogo kiniki kunik eeginako logonet, obeelom eeppiigwi, Peebi wo'niraagun, mbaka'lek logonet, ugun wogorogwe, eekwi kiinok, kit an napuri aret o, yinuk, onggo mondok iya tit wokkirage kaamunggup o.

Nappiigak 14:18

kagak, inaanggo waruwok nduk, eereegwaarak mendek, mage nabenak mban yorogo mbareegwa, nggininogo teppereegwaarak.

Nappiigak 17:26

At yi awi ndi awi abok o nenaarit nogo logowak nduk, kuli ogoorogo piinet nage, ti'nuk, nineyom-naneyom eerit nogo logowak nduk, koonogo pege, eeke nagagerik, yi aap ndi aap inanebunu lombok yi awi ndi awi wiganuwak nduk, alom aap ambit aret wakkagagerak.

Pelaareegerak 11:14

Liippunuk eekwi kiinok, awi yakwi eyom paga awi yarak mbilanuwak nduk mayu wokkirage, eebe mbaniyak eyom paga anggen piiruwak nduk mayu wokkirage, eeke kagak, gandum anggen mbanggwi, anggur anggen aambiranogo amburu tookwi, eyo tayitun amburu toologo pugwi, eerogo pako logomunggup o.

Pelaareegerak 28:12

Yi mendek ndi mendek eerit nugwi kiigak, obeelom eerogo pinagage, yi awi ndi awi yarumonggotak anggen piiruwak nduk, at Aliku ALA nen oona ngginik kagak wo'nirage menggim mbogut paga nen tu paarogo mayu wuppi wage, eeremenggerak paga kinamendek ambik arigin me, yi aakumi ndi aakumi inamendek nggino yoraamunggup lek o. Ata, it nggino yokkira wogwe iinok perak, wogorogo logomunggup o.

1 Timotiyut 6:17

It aakumi o yogondak ineenggi warak wonogwe nogo ti paga iniki wogoppako logonet, yi mendek ndi mendek lek ariyak kagak, iniki ti paga lunik logokwak, yorage logot o. Nit ale'nggen mbaruwok nduk, at yi mendek ndi mendek ngginu-ngginu eerogo wo'nirage menggerak Ala paga mban iniki mondok lunik logowak nduk, yorage logot o.