Nappiigak 13:48 - Ala Wone Peenok Peebi Mbanak

⁴⁸ Yoragagerak nogo, it endekem konenggulik mendek nogo nen inaruk konembunuk, iniki ale'nggen ambik mbako logonet, “Ninogoba wone yi ti, iya!” yinuk, tiyappereegwaarak. Ndi, ineenik mondok logorak miirogo piyareegerak nogo nen wone ti paga iniki panggombunuk abet mbareegwaarak.

Nappiigak 13:48 ပူးပေါင်းရင်းမြစ်များ

Ndawi 138:2

Kat aakumi inabuwa nen kiniki kunik eeginake, Liirogon eeppiinet nage, Yi mendek ndi mendek tebenak iigak, kat kendage inom, Kat eeriyak koonogo pereegindak wone inom, abu tiyappege, Eereegindak me, Kawi wurik alik leenak me nena na'na'nuk, Kendage tiyappagage logogin o.

Matiyut 25:46

yorage logominggirik, it aap nogo, inomaluk onggo mondok-mondok yagan wako logowak nduk, nappiyaagin kwe, it iniki abe koonak menggaarak nogo perak, ineenik mondok-mondok logowak nduk, eeginabigin o, yinuk, yoraagin,” yoragagerak.

Matiyut 28:16

At Yetut oone waganggwi ineebe 11 nogo, o Nggalileya puurom ambi paga lagi noorak Yetut nen yoragagim nogome aret lagi nogo nogogwaarik, wonogwe me,

Lukat 7:8

An kunduk, noweewi inabu'me logonet, inoone konengge, ndi, an nawuri yigin unde nogo nabu'me logonet, an noone konenggwi, eeko monggoorak me, nawuri ambi, Nak o, yoge neenok ti, nage, ambi, Mok o, yoge neenok ti, wage, ndi, nayeloman, Yi eeru o, yoge neenok ti, eeke, eeko menggaarak me, yori nanip o, yinuk, nappinani wagaarak me yokkogo o,” yinuk, yoreegwaarak.

Yaya 10:16

An nandomba anggenogo yime mban wonogwe lek o. Ando alik ambime wonogwe me, wogonabit nage logominggirik, inom piya woroorak aret me, piya woraaminggirak logonet, it an noone konenggwi, ndi, ineebe ambi lambunik iigak, an nalik aret ineebe ndegeninake, eeke logogin o.

Yaya 11:52

Aakumi Iterali mendek inake mban ti lek o. Ata, it aap Ala apuri yi awi ndi awi mak eerak wonogwe nogo kuwak eeppiyamenggerak iniki ambit lambunik logorak inake kambuurak me nduk, yoragagerak.

Nappiigak 13:12

Inowe gubernur nogo nen aap enegen mbuk agaarak kage nagagerik, “Inogoba Yetut wone mamunirogwe yi, abet aret kagi,” mbake nagagerik, “Wi!” yinuk, pi wareegerak.

Nappiigak 13:42

Yorage mbareegi, Pawulut Mbaranabat imbirak it Yakuri tamban eeko menggam nogome nen wundi nogwe me, it aakumi nen, “Wone yo'nirogotak nogo, ando peebi tamban eekwi paga yo'niroorak o,” yinuk, yorogo mbareegwa, wundeegwaarak.

Nappiigak 15:2

it Pawulut Mbaranabat imbirak it nogo inom wone nggwok wappunuk, ogoorak negen wonogo mbareegwa, it imbirak inom, it Andiyokiya mendek abet mbareegwaarak ando nogo inom, leenogo piinok, yorogo logonet, “Kit Yerutalem nogo logomonggotik, it nappiigak nogo inom, Ala apuri unde nogo inom, wone ti, kinom kooni nanip o,” yinuk, yorogogwaarak.

Nappiigak 15:31

Wogorogo mbareegwa, pekkogo nogogwaarik, iniki eyak warogo liiru mbanirogogwaarak kogo nogogwaarik, iniki ale'nggen ambik agagerak.

Nappiigak 2:41

Eeke mbareegi, it aakumi nen at oone waganeegwaarak nogo yiime wuppiyareegwaarak. Ne ti eyom paga inom nabennari unggwogogwaarak nogo, ineebe lambuk togon aap ambik tiga ribu aret.

Nappiigak 2:47

Ala alut eekwi iigak, aakumi abok nen it Ala apuri ti, iniki kunik aganako nogogwaarak. Ndi, ninogoba nogo nen ko'lu-kii'me it aakumi inagap ndarogo ambit nabek kuwak eeppiige nagagerak.

Nappiigak 20:13

Ndi, at Pawulut nen, “An niyok paga o Atot noorak mbakirak me, kit kinaa'nduk o Atot time to'neegwi a nanip o,” yo'nirage mbareegi, at nggween paga wage kagak, nit ninaa'nduk yiiro paga unggunuk, o Atot tokkogwe a wogogurak.

Nappiigak 22:10

Yo'nege mbareegi, Nogoba o. An nonggop eeri? yoge mbareegi, at nogoba nen, Mi'na'nuk, o Ndamitik time unggwi nak o. Time unggwi nage keenok, kat yi eekak ndi eekak eeke logorak wone koonak nogo yokkirigin o.

Nappiigak 28:23

Ndi, “Ne ndi paga ambinom yo'niraawak o,” yinuk, koonogo pereegwaarak nogo eyom ari wage mbareegi, at Pawulut wonage me ineebe ambik aret kuwak ari wogo mbareegwa, Pawulut nogo o kuubondendok nen Ala abu'me piyoorak wone nogo amburu liirogon mbanogo yorage, ndi, Yetut eereegerak wone nogo liirogon ineenu aruwak nduk, Muta liiru mbaneegerak wone inom, it aap Ala yorage kagak yoraga nen yorogo nogogwaarak wone inom, mbininogo yorage, eeke tit kagak, o kiyoma aret agagerak.

Nappiigak 8:8

it o kota time mendek nogo iniki ale'nggen ambik mbareegwaarak.

Oroma 11:7

Ti kenok, it Iterali ti, nonggop o? It Iterali abok nen, “Nit obeelom agago pinaniyak nduk, nonggop eeruwi o?” yinuk, eekaatak mendek, eeppiiga'lek aret wonagagerak kwe, it ando mbuuluk miirinabeegerak nogo mban obeelom eeppiige nagagerik, it ando apit aret iniki omaawi agago piyareegerak.

Oroma 13:1

It yi aap ndi aap wone lengganogo yorogo menggaarak nogo ti, Ala nen koonogo mippiige lek kenok, mi'ndak wonogolik me, it pemerintah kinarum wonogwe nogo ti, Ala nen aret koonogo mippiyareegerak me, wone lengganogo yokkirogwe iinok, kit abok aret liirogon konenggo logonip o.

Oroma 8:28

Nit Ala iniki mbake ndak-ndak eeko logowok nduk, ninayonggo pinaneegerak nogo, at ninom niniki kunik niinok, yi mendek ndi mendek eekwi inom, eeppinanugwi inom, ti abok at Ala nen nit obeelom eeriyak ambi kaawok nduk, eeppinanege menggerak.

1 Korindut 16:15

At Tepanut apurilogwe inom o Akaya iyaalok togon Ala apuri ogo nogogwaarik, “It Ala apuri alik leenak yime wonogwe nogo, nit yeenggwaarogo logowok o,” yinuk, ineebi mbaka'lek inake nggwiirit-nggwaarit eeko nogogwaarak kit kineenu nogo o. It aap ti eeko menggaarak nogo inom, it abok ninowe eyabu liirit-laarit eeko menggaarak inom, inabu'me logonet, kinom eerit nogo logobagip nduk, yokkirage agarik o, noreewi.

Epetut 1:11

At eeriyak koonggetak ndak-ndak aret eeke menggerak nogo nen, “An napuri ndogop obeelom eeppiyaakit o,” yinuk, o maan togon nit nda'naga'lek niigak, koonogo pereegerak nogo ndak-ndak, Keritut eeremenggerak paga nit at apuri aret miirogo pinaneegerak wonogo ogoorik o.

Epetut 1:19

Nit abet mbakwi niinok, at omaawi mondok iya lombok nogo paga eeppinanege nogo ti, Keritut kambunuk, nogo menggam nen eenik agago mippege nagagerik, kugi nggween abu'na mendek inom, eyonggaame mendek inom, mbogut abu'na o oolo yayi mendek inom, yi kugi ndi kugi inayuk wuko menggaarak o yogondak wonogwe inom, peebi logorak inom, it abok aret tebenak iigak, at Keritut alik mban Ala eenggi abe'nggan tiyanak logowak nduk, mbogut paga mippereegerak nogo ndak-ndak, nit yogondak at omaawi ti paga togop aret eeppinanege agaarik o.

Epetut 1:4

At Ala nen, “Peebi Keritut nen eeppiyamenggerak paga an napuri maluk inoba lenggenna'lek nenggaanom paga mondok alik leenak logowak o,” yinuk, o nggween yi, awo wakkaga'lek kagak mii'ninabeegerak.

Epetut 1:5

Nit awo nda'naga'lek niigak, at Ala nen Yetut Keritut eeremenggerak paga, nit at apuri lombok logowok nduk wo'ninaburak inikilom mbareegerak nogo ndak-ndak, iniki kunik en, “Eeppiyaakit o,” yinuk, koonogo pereegerak nogo aret eeppinaneegerak.

2 Tetalonika 3:1

Ndi, ninoreewi o. Wone abu aret yokkirogoorak kwe, irip paga iluk ambi yi aret me, yokkiraawi o. Nit ninowe wone waganggo nogogutik, wiganinuk wundi nogo logonet, tiyappit nogo nogogutak nogo ti kokwak, nit togop aret yi awi ndi awi wiganinuk mbet-mbet nogo logowok nduk, ninake tamban eeko logonip o.