Nappiigak 13:46 - Ala Wone Peenok Peebi Mbanak

⁴⁶ Miyuk-meya eerogo pugwi iigak, it Pawulut Mbaranabat inagabiti lek yorogo logonet, “Ala wone kit aa'nduk yokkiroorak agaarak kwe, Nit nineenik logorak wone ti, woorak ndak lek o, yinuk, nineebi, yogotak me, kit lambembinaganuk, it endekem mendek nogo aret yora nogo ogoorik o.

Nappiigak 13:46 ပူးပေါင်းရင်းမြစ်များ

Nappiigak 28:28

Togop me, at Ala ninagap ndariyak wone yi nogo ti, it endekem mendek konenuwak nduk yora nagun aret me, it perak, konenugun aret mbako logonip o,” yinuk, yoragagerak. (

Nappiigak 26:20

Yo'nereegerak nogo aa'nduk lombok it o Ndamitik wonogwe nogo yorage, o Yerutalem wonogwe nogo yorage, ti'nuk, o Yureya enaagan-ambokan inom, it endekem konenggulik mendek inom, yoranet nege, eeke logonet, Kit abok aret kiniki koonogo punuk, kinomaluk paganogo mbo pogo logonip o. Ndi, kinomaluk mbo punuk, Ala mugurok nogwe abet aret kinombaruwak nduk, yi eekak ndi eekak abe mban eerit nogo logonip o, yinuk, yorage nagagirak.

Matiyut 21:43

Ti kenok, kit Ala abu'me pinagarak aret wonogogutak kwe, pinagagin lek o. Kinobaane'me it aakumi anggen mbanogo wogogo logorak nogo mendek aret at abu'me piyaagin o.

Nappiigak 3:26

Ti kenok, at Ala nen at ayeloman eenik agago mippege nagaarik, kit maluk eekwi nogo kinalitak lombok mbo pugwi kiinok, at ale'nggen kinoba pinagawak nduk, aa'nduk kit aret kinowagam nappi wagaarak o,” yinuk, at Peterut nen wone ti aret yoragagerak.

Oroma 2:10

it aakumi obeelom eeko menggaarak kenok perak, Ala nen tiyappiige logonet, inayuk warak agago iniki ugun obeelom logowak nduk, it Yakuri mendek eeppiige logonet, aakumi endekem konenggulik mendek inom abok aret ndak-ndak eeppiyaagin o.

Oroma 1:16

Obeelom wone ti, aa'nduk it Yakuri mendek inom, ti'nuk, peebi Yunani mendek inom, aakumi abok aret abet mbakwi iinok, inagap ndake logorak Ala omaawi ti aret me, wone obeelom wone ti, an nagabiti lek logonet yokkirage agarik o.

Nappiigak 22:21

Yoge mbareegi, ti'nuk, nogoba nen an yo'nege logonet, It aap endekem wonogo menggam o nda time nappagarak, mbakirak me, nak o, yo'nege kagagirak o,” yinuk, yoragagerak.

Nappiigak 13:26

Yorage nagagerik, “Noreewi o. Kit Abarakam ombowologwe kunduk, kit Yakuri lek kwe Ala kinagabiti mbako monggotak kunduk, kit ninom ninagap ndaruwak nduk, ninake wone yi aret nappi wagagerak o!

Yaya 1:11

At ame lombok aret wambi wagagerak kwe, it aap at owe-awot nogo nen at eebe wagangga'lek aret wonogogwaarak.

Yetaya 55:5

Aakumi nen, Wi! irogo logowak nduk, an Kikak Nakeelik Nalik Leenak Iterali inogoba Naliku Ala nen tiyappiyareegirak me, An napuri aakumi inanebunu it ineenggo'lek mendek wiirogwe iinok, Yi aakumi ndi aakumi ineebe ineenggo'lek kwe kagak mbe agan iya woraagun o,” yinuk, yegerak me, yokkiragi o.

Nappiigak 7:51

Kinogogumbuk kiniki omaawi logonet, Ala oone konengga'lek kit aret. Kinombomini Ala oone taganggo nogogwa kwak, Aberiniki oone taganggwi kit aret o.

Lukat 24:47

Kit maluk eeko monggotak nogo kiniki koombunuk, kinomaluk mbo pugwi kiinok, Ala nen kinomaluk lek eerogo pinagagin o, yinuk, wone nogo at endage kumbunuk, iyaalok o Yerutalem nen yi awi ndi awi abok aret yoranet wundi nogo logogun o, yinuk, Ala wone liiru mbaneegwaarak nogo yi aret eeppanggaarak o.

Pilipi 1:14

Ndi, ninoreewi ninowe inom kunik wonogwe ando apit nogo ti, an keele maa'nabeegwaarak nogo paga iniki ninowe oba panggombunuk logonet, yogondak Ala wone yoroorak inagabiti lek mondok inogogumbuk logonet, yoranet nugu agaarik o.

Pelaareegerak 32:21

Mbo paninuk, nalut eekwi nobaane'me kugi ayuk wukwi iinok, Neebi o, yinuk, niniki laakot inombake, Kugi nen ambi eeppiyoorak lek kagak kugiwak aanom warogo ayuk wukwi iinok, An nanini wungge, Eeruwak nduk, Eerogo paneegwaarak me, It aakumi inendage lek alik mendek eeppiige paga napuri nen, Ao, mbakwi, Ndi, aakumi inanebunu wi-wa mendek eeppiige paga napuri nen inanini ogwe, Eeruwak nduk, Eeppiyaagin o.

Nappiigak 13:14

O kota Peraga time nen nogogwa-nogogwa, o Pitiriya tini ambi Andiyokiya unggwi nogo nogogwaarik, it Yakuri tamban eekwi paga it tamban eeko menggam unggwi nanuk, kwi'nogogwaarak.

Nappiigak 13:5

wunda nogo nogogwaarik, o kota Talamit unggwi nanuk, time logonet, it Yakuri tamban eeko menggam lombok Ala wone yoranet nugu nogogwaarak. Yoranet nugwi me, at Yaya Marakut nogo inom yeenggwaaranet nege nagagerak.

Nappiigak 4:13

Yorage mbareegi, it kuwak ogogwaarak nogo nen Peterut Yaya imbirak nogo, tekola eerulik aap weelek mendek wonogogwaarak kwe, inagabiti lek logonet, yorogwe yelok iigo nogogwaarik, “Yetut inom nugu nogogwaarak yi aret iigo o,” yinuk, pi waganabeegwaarak.

Yaya 4:22

Kit alut eeko monggotak eebe kineenggo'lek logonet, alut eeko monggotak kwe, at ninagap ndaka nit aap Yakuri ninenggela'me nen mi'narigin me, nit alut eekwi nogo perak, nineenu logonet, alut eeko monggoorak o.

Matiyut 10:6

Ata, it aakumi Iterali mendek ndomba kobak ogogwaarak pogom wonogwe nogo mban iya nanip o.

Kini Wuppiige 28:1

It aap maluk mendek nen aap muguren naga'lek iigak, mbaganit nogo menggaarak kwe, It aap iniki abe koonak nogo nen perak, singa agabiti mbaka'lek nege menggi kwak, nugu menggaarak.

Iberani 11:34

kani omoonuk eyak ambik kwe, naganak-paganak eerogo pugwi, tege wooluwak paga inooriyak nduk eekaatak kwe, melak togon woppatinuk nggarek yogwe, ndeyak aganaketak kwe inomaawi eekkologwe, ndi, waka'ngget a'nuk wim nambuko logonet aap inanebunu alik mendek inawuri yigin unde nogo mondok mugogo wumbiinet nugwi, eerit nogo nogogwaarak.

Yetikiyen 2:5

It ti, an yorage eeriyak ineebi mbaka mendek aret me, yoramenggendak inaruk konenggwi kenok konenggwi, mbo pugwi kenok mbo pugwi, togop eerugun me, kat yora namenggendak ti paga an nen yorage neegak yoraga mendek ambi nen inenggela'me logonet, wone yoragagerak nogo ineenu arugun o.

Matiyut 21:41

Yorage mbareegi, it nogo nen, “Lek o! Inogoba wage kenok, it aap maluk lombok nogo ti, mondok lek eerogo inooppiinok, inobaane'me awi yareegerak arum logonet, anggen mbaniyak eyom paga anggen mbanogo wogogo logowak nduk, aap alik mippiyaagin o,” yinuk, yoreegwaarak.

Matiyut 25:46

yorage logominggirik, it aap nogo, inomaluk onggo mondok-mondok yagan wako logowak nduk, nappiyaagin kwe, it iniki abe koonak menggaarak nogo perak, ineenik mondok-mondok logowak nduk, eeginabigin o, yinuk, yoraagin,” yoragagerak.

Nappiigak 9:20

ti'nuk, “Yetut ti, Ala aput aret o,” yinuk, it aap Yakuri tamban eeko menggam lombok wone nogo yoranet nege nagagerak.

Nappiigak 19:9

Yorage nagagerak kwe, it ando inogogumbuk a'nuk, “Abet mbariyak nineebi o,” mba'nuk, nggwok paga ineenik logorak tu nogo, miyuk-meya eerogo pogo mbareegwa, at Pawulut nen it lambembiinok, at oone waganeegwaarak nogo mban wogoren, aap Tiranut tekola awi wureegim time unggwi nage nagagerik, ko'lu-kii'me inom wone yorage, it nen kin wokkogwe, eeko nogogwaarak.