Nappiigak 13:29 - Ala Wone Peenok Peebi Mbanak

²⁹ Ndi, Togop eeppugun o, yinuk, yogo nogogwaarak liiru mbaneegwaarak nogo ndak-ndak eeppogo mbareegwa, eyo karo-karo aago paga nabenogo pereegwaarak nogo piinogo wuppi wogo nogogwaarik, kanggwi iinok, piigo menggam ndoome nogome mambereegwaarak.

Nappiigak 13:29 ပူးပေါင်းရင်းမြစ်များ

Marakut 15:42

At Yetut nogo kangge mbareegi, ko'lu it Yakuri tamban eeriyak nduk pipuk agago pugwi paga o kiip arikit nduk eeke kagak,

Lukat 23:50

O Yureya kota ambi endage Arimateya time aap ambi endage Yutup wonagagerak. At aap abe iniki abu koonak it Yakuri inawone amburu mbangga nogo mendek aret wonagagerak me, oreewi wone amburu mbangga nogo nen, “Yetut eeppuurak,” koombunuk eereegwaarak nogo at oone inom abu nabenulik o. “Ala abu'me panuwak o,” yinuk, tokkage nagagerak.

Lukat 23:53

eebe warak nogo piinogo wuppi wage nagagerik, mbogoyum laambu tabak paga perenogo yugum ndo ngget nendaarak aakumi awo mambiiga'lek iyaalok nogome mambi nagagerak.

Lukat 24:44

Nengge nagagerik, yorage logonet, “Ninom logonet, an eeriyak wone nogo aap Muta nen Ala wone yugu liiru mbangge logonet, mbaneegerak nogo inom, it aap Ala yorage kagak yorogo nogogwaarak liiru mbaneegwaarak inom, mbuku Ndawi paga liiru mbanak nogo inom, abok aret a'me lik yigin o, yinuk, yokkirage nagarak nogo yi aret eeppanggaarak o.”

Yaya 19:28

Ti yorage nagagerik, at Yetut nen, “Abok aret eeki,” mbake logonet, Ala wone liiru mbanak nogo a'me lik yuwak nduk, “An yi abu o,” yereegerak.

Yaya 19:30

Ambe me pereegwaarak nogo nengge nagagerik, “Abu eeki o,” yinuk, uut yuwak ari logonet, iniki woronggolage nagagerik, kambeegerak.

Nappiigak 13:27

Togop aret kwe, it aakumi Yerutalem mendek inoweewi inom nogo nen, At Yetut ti, ninagap ndaka aret o, yinuk, yelok koolik kwe, kulinik-kalinik it Yakuri tamban eeko logonet, it aap Ala yorage kagak yorogo nogogwaarak wone liiru mbanak pekkagak yorogo nogogwaarak nogo, at wariyak koombunuk, warogo pereegwaarak paga wone ti, a'me aret agagerak.

Nappiigak 2:23

At Ala nen peebi eeriyak koonogo pereegerak mugurok aap Yetut nogo pigogo wokkirogo mbaka, kambuwak nduk, it aap maluk eeka kinom nen eebe eyo paga nabenogo pogotak kwe,

Nappiigak 26:22

o aa'nduk nen nok, yogondak kuli, Ala nen yeenggwaanege kagak neenik logonet, it aap inendage warak inom, inendage lek inom, yorage agarik o. Yorage minggirak ti, wone alik mendek yorageelik o. Ata, aap Ala nen yorage kagak yoraga nogo inom, at Muta inom, nen, Togop eerigin o, yinuk, abok yorogo nogogwaarak wone nogo aret paganogo yorage minggirak o.

Nappiigak 4:28

Kat keenggi omaawi paga yi eekak ndi eekak eeriyak aa'nduk koonogo pereegindak nogo, eeruwok nduk eekaarak o.

Nappiigak 5:30

Yetut eyo paga nabenogo wakotak nogo ninombomini inogoba Ala nen kanggo menggam nen eenik agago mippegerak o.

1 Korindut 15:4

Kangge mbareegi, at eebe waganogo ndoome mambereegwaarak. Mambogo mbareegwa, Ala wone liiru mbanak ndak-ndak, nogo mbere yinuk, eenik agago mippereegerak.