Nappiigak 13:27 - Ala Wone Peenok Peebi Mbanak

²⁷ Togop aret kwe, it aakumi Yerutalem mendek inoweewi inom nogo nen, At Yetut ti, ninagap ndaka aret o, yinuk, yelok koolik kwe, kulinik-kalinik it Yakuri tamban eeko logonet, it aap Ala yorage kagak yorogo nogogwaarak wone liiru mbanak pekkagak yorogo nogogwaarak nogo, at wariyak koombunuk, warogo pereegwaarak paga wone ti, a'me aret agagerak.

Nappiigak 13:27 ပူးပေါင်းရင်းမြစ်များ

Wakkagagerak 50:20

Kit nen an maluk eeppaniyak kooneegutak kagak kwe, Ala nen perak, kit eeppaneegutak paga obeelom ambi eerikit mba'nuk, yi aakumi ndi aakumi inagap ndariyak kooneegerak paga an eeke wonage me, kinagabiti mbarugup o.

Matiyut 22:29

Yogo mbareegwa, at Yetut nen, “Ala wone liiru mbanak inom, Ala omaawi inom, kit liippega'lek logonet, wone ti, alik lombok yogwe kiigi o.

Lukat 22:34

Yoge mbareegi, at Yetut nen, “Peterut wae. Yogondak aret ayam oone yaga'lek kagak, kat ne kenagan paga, Yetut ti, an neenggo'lek ari, keyaagin o, yinuk, yokkigi o,” yoreegerak.

Lukat 23:13

Yetut iyok paga nappi wagagerak wage mbareegi, at Pilatut nen it aap Ala unde inoweewi inom, Yakuri inanggok inom, aakumi ugun inom, wiirage nagagerik, wogo mbareegwa,

Lukat 24:20

Ti aret kwe, it aap Ala unde ninoweewi inom, nit Yakuri ninoweewi inom, nen wariyak lenggambunuk, eyo karo-karo paga nabenogo puwak nduk, wogorogo mbaka, eyo karo-karo paga nabenogo pegaarak nogo o.

Yaya 15:21

At nappani wagagerak nogo it ineenggo'lek me, eekkinabemenggaarak nogo ti, alom an paga aret eekkinako logogun o.

Yaya 16:3

Ti eekkinabugun nogo ti, an nogoba nimbirak ineenggo'lek me eekkinabugun o.

Yaya 5:39

Ala wone liiru mbanak paga mondok nineenik ee'ninabigin, mba'nuk, liirogon malenggo monggotak. Ala wone liiru mbanak ti, an nabok paganak nogo liiru mbanak aret me,

Yaya 8:28

Liippega'lek wonogwe me at Yetut nen, “An aap aret nda'nagagirak mippanugwi kiinok, at eebe nogo an aret kineenu ogwe, ndi, an mbake paga eekeelik nogoba nen mamunnake nogo mban yokkirage minggirak kit kineenu ogwe, eerumunggup o.

Nappiigak 15:21

At Muta lengganeegerak wone nogo maan aa'nduk nen nok, yogondak kuli yi awi ndi awi Yakuri tamban eekwi paga it tamban eeko menggam lombok pekkagak yorogo menggaarak ineenu me, liiru togop aret mbanogo punuk, wogoroorak op aret mbaki o,” yinuk, yoragagerak.

Nappiigak 28:23

Ndi, “Ne ndi paga ambinom yo'niraawak o,” yinuk, koonogo pereegwaarak nogo eyom ari wage mbareegi, at Pawulut wonage me ineebe ambik aret kuwak ari wogo mbareegwa, Pawulut nogo o kuubondendok nen Ala abu'me piyoorak wone nogo amburu liirogon mbanogo yorage, ndi, Yetut eereegerak wone nogo liirogon ineenu aruwak nduk, Muta liiru mbaneegerak wone inom, it aap Ala yorage kagak yoraga nen yorogo nogogwaarak wone inom, mbininogo yorage, eeke tit kagak, o kiyoma aret agagerak.

Nappiigak 3:17

Ai, noreewi. Kinoweewi kinom eekotak nogo ti, kobak logonet eekotak an neenu aret o.

Oroma 11:25

Nowe-nawot o. Wone ambi kote kumaarak wonage yi, kineenu arubagip nduk, yokkira o. Ala nen it Iterali mendek inogogumbuk aruwak nduk, eeppiyareegerak nogo ti, mondok-mondok eeppiyareegerak lek o. Ata, it aakumi endekem mendek, “Aap ndogop ineenggi nabu'me piyaagin o,” yinuk, koonogo pereegerak nogo, kuli abu aret ari nage kenok, it Iterali inogogumbuk wonogwe nogo yanggonogo piyaagin o. Wone kote kumaarak nogo ti aret me, “An iya,” yinuk, wogoppako logogup o.

1 Korindut 2:8

At Ala iniki liippunuk, kooneegerak nogo ti, it aap nggween paga yime inayuk warak wonogwe nogo nen liippulik o. It nen liippenetak nen at ninowe mondok tiyanak menggerak eyo karo-karo paga wareegwaarak nogo wa'netak lek o.

2 Korindut 3:14

Muta etenggen nobakkolagagerak me, ndelenak-welenak aago kaga'lek wonogogwaarak ti kokwak, it aakumi Iterali mendek iniki apit eerogo piyareegerak nogo, Keritut abet mbakwi kenok mban lek eerogo piyoorak me, yogondak kuli iniki apit awo aret wonage me, wone aa'nduk mbanak nogo pekkogo logonet, kenom kaga'lek aret wonogo agaarik o.

2 Korindut 4:4

At Ala etenggen ndak-ndak mondok tiyanak aakumi, “Wi!” ugwi Keritut eeke nagagerak obeelom wone nogo, it aakumi abet mbaka'lek mendek nen yelok kogo logokwak, at o yogondak unde menggerak Ibilit nogo nen iniki apit eerogo piyareegerak me, yelok kaga'lek aret wonogo agaarik o.

1 Timotiyut 1:13

An aa'nduk noone maluk at yoge, nanini wulo logonet, at oone waganggwi mendek inoorit nage, at miyuk-meya eerogo pege, eeke nagagirak kwe, abet mbaka'lek ugun neenggo'lek logonet, eeke nagagirak me, Ala nabuwa mba'nuk, teppaneegerak o.