Nappiigak 13:21 - Ala Wone Peenok Peebi Mbanak

²¹ Mippege mbareegi, ti'nuk, it aakumi nen, Ninarum logorak ninowe endagembogut ambi mippinanu o, yinuk, yogo mbareegwa, at Ala nen Kiti aput Tawun anebunu Mbeniyamin mendek nogo, mippege mbareegi, wone lengganogo yorage kagak, tahun 40 aret eereegerak.

Nappiigak 13:21 ပူးပေါင်းရင်းမြစ်များ

1 Tamuwen 10:1

Yoge mbareegi, ayeloman nogo nappereegerak nage kagak, aap Tamuwen nogo nen eyo tayitun amburu yiiwa'na toolak nogo wagangge nagagerik, Tawun anobak paga kilippunuk keyage wake, agandin eyak mbangge, eeke nagagerik, wone yoge logonet, “Ala apuri iniki kundugu Iterali nogo inarum logonet, inawone mbangge logonok nduk at Aliku ALA nen kat aret leenogo mippagagerak keenu a'nok nduk, amburu kilippagagi o.

1 Tamuwen 11:15

Yorage mbareegi, it aakumi nogo abok aret o Nggilagan nogo nogogwaarik, at Tawun nogo inowe endagembogut logowak nduk, at Aliku ALA enggaanom nggwok paga mippunuk, Ala inom lambunik logowak nduk, Aliku ALA ake warogo wogogo logonet, at Tawun aakumi Iterali mendek abok aret inom inale'nggen nggwok eereegwaarak.

1 Tamuwen 15:1

Ne ambi paga at Tamuwen nen Tawun yoge, “At Aliku ALA apuri Iterali inowe kendagembogut logorak amburu eerogo mippagakit nduk, Aliku ALA nen an aret nappani wagagerak me, yogondak Aliku ALA nen wone yokkege yi, konengge logot o.

1 Tamuwen 8:5

at yogo logonet, “Ninogoba wae. Kat abu kanggok agandak keegak kwe, kapuri nogo kat eeke menggendak ndak-ndak eekwi lek me, it aakumi inanebunu alik mendek inoweewi inendagembogut inarum wonogwe ti pogom, nit ninowe endagembogut ninarum logowak nduk, aap ambi leenogo mippinanu o.”

1 Tamuwen 9:1

Aap ambi anebunu Mbeniyamin mendek endage Apiya. At Apiya nen Mbekorat ndake, Mbekorat nen Terot ndake, Terot nen Abiyen ndake, Abiyen nen aput Kiti ndake, eereegwaarak. At Kiti nogo eenggi warak aret wonagagerak.

1 Tamuwen 9:15

At Tawun nogo Tamuwen imbirak lambungga'lek kagak, o kobit at Aliku ALA nen Tamuwen yoge logonet,